AaZimbabwe taya futwa oondjambi dhili pombanda
Iifuta mbyoka hayi futwa aanashilonga aazaizai moshilongo oya nyanwa sho epangelo hali futu aanashilonga mboka omwaalu omunene omanga AaNamibia taya futwa oondjambi oonshona nenge yamwe kaye na nokuli iilonga.
Oshilongo shoka sha taalela ompumbwe yoshimaliwa shoka sha tulwa pondondo yopevi omasiku ga piti, osha pyakudhukwa okutufa aazaizai omwaalu omunene gwoondjambi pauyelele mboka wa monika koshifokundaneki shika. Uuministeli wiilonga ohawu futu AaZimbabwe ya thika po-86 oondjambi dhongushu yooN$697 130.45 komwedhi omanga komvula oshimaliwa shoka oshi li poomiliyona 8.4.
Oondjambi dhongundu ontiyali yaaZimbabwe odhili poomiliyona 55.7 komvula. Miifuta moka omwa kwatelwa omauwanawa ngaashi omalweendo ngoka geli pongushu yoomiliyona 10 komwedhi nonando mboka ohaya mono nale omauwanawa gomalweendo koondjambi dhawo.
Okuyeleka naashoka, AaNamibia yeli 36 mboka ya manitha omailongo gawo na oya kutwa kuuministeli mboka oondjambi dhawo odhili owala poomiliyona 10.2 omanga omauwanawa gomalweendo gawo geli pooN$258 336.00.
Omiyalu ndhoka odha pewa oshikundaneki shika, komuniilonga OmuNamibia muuministeli mboka, ngoka a loloka ethindilo kongudhi lyaaNamibia.
“Epangelo otali futu omwaalu guli pombanda oontauki dhopaliko. Otaya thipi ombinzi epangelo lyetu,” onzo yimwe ya holola.
Onzo oya pula kutya osha ende ngiini epangelo li kute miilonga aakwashigwana mboka yaana ontseyo yasha onga ooindjinia naanashilonga yalwe, omanga AaNamibia oyendji yeli momapandaanda konima yomailongo gawo. Aanashilonga mboka AaNamibia oya ningile ominista yoshikondo shoka omatilitho kutya otaya ka konga ekwatho lyompangu, sha landula sho Alpheus !Naruseb a tokola opo ongundu yaaZimbabwe 29 shangithwe noNamibia Council of Architects and Quantity Surveyors, inaku landulwa omilandu onga aathaneki yomatungo naayaluli yiitunguthi nongushu yiitungithi yomatungo. Aanamibia mboka otaya pula woo uulongelwe noonzapo dhaaZimbabwe mboka ya pulwa ya shangithwe. Shoka osha li sha uthwa ko kondalaka yuule woomvula ntano ndjoka ya shaninwa pokati kaaZimbabwe mboka mo-2012 kOmupresidende pethimbo ndyoka Hifikepunye Pohamba nOmupresidende gwaZimbabwe Robert Mugabe.
Kwiikwatelelwa konzo dhili meni lyuuministeli mboka, AaZimbabwe mboka inaya shangithwa nolutu lwaanashilonga mboka koshilongo shaandjawo omanga yamwe kaye na nokuli ontseyo ya sha miilonga moka.
Etsokumwe ndyoka olya pu ongushu ihe AaZiambabwe mboka otaya kondjo opo etsokumwe ndyoka li lelepekwe.
CATHERINE SASMAN
Oondjambi dhongundu ontiyali yaaZimbabwe odhili poomiliyona 55.7 komvula. Miifuta moka omwa kwatelwa omauwanawa ngaashi omalweendo ngoka geli pongushu yoomiliyona 10 komwedhi nonando mboka ohaya mono nale omauwanawa gomalweendo koondjambi dhawo.
Okuyeleka naashoka, AaNamibia yeli 36 mboka ya manitha omailongo gawo na oya kutwa kuuministeli mboka oondjambi dhawo odhili owala poomiliyona 10.2 omanga omauwanawa gomalweendo gawo geli pooN$258 336.00.
Omiyalu ndhoka odha pewa oshikundaneki shika, komuniilonga OmuNamibia muuministeli mboka, ngoka a loloka ethindilo kongudhi lyaaNamibia.
“Epangelo otali futu omwaalu guli pombanda oontauki dhopaliko. Otaya thipi ombinzi epangelo lyetu,” onzo yimwe ya holola.
Onzo oya pula kutya osha ende ngiini epangelo li kute miilonga aakwashigwana mboka yaana ontseyo yasha onga ooindjinia naanashilonga yalwe, omanga AaNamibia oyendji yeli momapandaanda konima yomailongo gawo. Aanashilonga mboka AaNamibia oya ningile ominista yoshikondo shoka omatilitho kutya otaya ka konga ekwatho lyompangu, sha landula sho Alpheus !Naruseb a tokola opo ongundu yaaZimbabwe 29 shangithwe noNamibia Council of Architects and Quantity Surveyors, inaku landulwa omilandu onga aathaneki yomatungo naayaluli yiitunguthi nongushu yiitungithi yomatungo. Aanamibia mboka otaya pula woo uulongelwe noonzapo dhaaZimbabwe mboka ya pulwa ya shangithwe. Shoka osha li sha uthwa ko kondalaka yuule woomvula ntano ndjoka ya shaninwa pokati kaaZimbabwe mboka mo-2012 kOmupresidende pethimbo ndyoka Hifikepunye Pohamba nOmupresidende gwaZimbabwe Robert Mugabe.
Kwiikwatelelwa konzo dhili meni lyuuministeli mboka, AaZimbabwe mboka inaya shangithwa nolutu lwaanashilonga mboka koshilongo shaandjawo omanga yamwe kaye na nokuli ontseyo ya sha miilonga moka.
Etsokumwe ndyoka olya pu ongushu ihe AaZiambabwe mboka otaya kondjo opo etsokumwe ndyoka li lelepekwe.
CATHERINE SASMAN
Comments
Namibian Sun
No comments have been left on this article