Aatungi itaya gwanitha po iilonga inaya pewa we ootendela – Ndeitunga
Omukomeho gwOpolisi yaNamibia, Sebastian Ndeitunga, okwa popi kutya aatungi mboka ihaya manitha oopoloyeka dhepangelo, oya pumbwa okutothwa mo molwaashoka otaya hepitha ethimbo niimaliwa yepangelo.
Ndeitunga okwa popi kutya omukalo ngoka aatungi mboka yaha pewa owala omakunkililo itagu longo, naamboka inaya pumbwa we okupewa ootendela dhiilonga yoopoloyeka dhepangelo.
“Aatungi yamwe inaya itula mo shili. Pehala lyokulanda iitungithi nokufuta aaniilonga ohaya ka longitha po iimaliwa mokulanda iihauto yondilo. Oopoloyeka adhihe odhi na ethimbo ndyoka tadhi tameka nethimbo lyokumanithwa,” Ndeitunga a popi.
Omapopyo gaNdeitunga oga landula sho oshifokundaneki shoNamibian Sun, sha pula kombinga, yemanitho lyopoloyeka yoombonge dhOpolisi yaMusati yongushu yoomiliyona 54, ndjoka tayi tungwa mOutapi.
Momasiku ga 5 gaJuni, oNamibian Sun oya lopota kutya , iilonga yopoloyeka ndjoka oya thikama, sho ehangano lyokutunga lyoAmupolo Building Construction CC, lyomunangeshefa Erasmus Amupolo, lya kuthwa po popoloyeka ndjoka, omolwa iilonga yongushu yopevi. Opoloyeka oya li yi na okukala ya manithwa mo23 Mei 2015.
Oshifo shika osha talelepo ehala lyiilonga yopoloeyeka ndjoka naaniilonga yoshikondo shoprocurement and logistics mUuministeli wOpolisi oya adhika taya longo opo ya vule okumanitha opoloyeka ndjoka.
Aaniilonga mboka otaya manitha iilonga mbyoka inayi manwa ngaashi iikwamalushenp, okupainda, ominino dhomeya, omakumba nomiyelo.
Iilonga mbyoka oya tameke momasiku 20 gaAguste na okwa tegelelwa yi manithwe okuya pehulilo lyomvula ndjika.
Sho a pulwa kombinga yetokolo ndyoka ya ningi po ya manithe opoloyeka ndjoka, okwa popi kutya shoka oshi li ehupitho lyiimaliwa yepangelo.
“Otwa tokola okulonga po iilonga mbyoka molwaashoka aatungi yopoloyeka ndjoka oya thigi po iilonga. Ongundu yetu otayi ka manitha mbala iilonga mbyoka ya hupako, na otashi kala ombiliha kepangelo na otatu ka hupitha oshindji.
Ndeitunga okwa ti ongundu yaatungi mboka muuministeli wawo oye na iilongitho ayihe na oyo ya tungu oombelewa dhopolisi moshilongo ashihe.
KENYA KAMBOWE
Ndeitunga okwa popi kutya omukalo ngoka aatungi mboka yaha pewa owala omakunkililo itagu longo, naamboka inaya pumbwa we okupewa ootendela dhiilonga yoopoloyeka dhepangelo.
“Aatungi yamwe inaya itula mo shili. Pehala lyokulanda iitungithi nokufuta aaniilonga ohaya ka longitha po iimaliwa mokulanda iihauto yondilo. Oopoloyeka adhihe odhi na ethimbo ndyoka tadhi tameka nethimbo lyokumanithwa,” Ndeitunga a popi.
Omapopyo gaNdeitunga oga landula sho oshifokundaneki shoNamibian Sun, sha pula kombinga, yemanitho lyopoloyeka yoombonge dhOpolisi yaMusati yongushu yoomiliyona 54, ndjoka tayi tungwa mOutapi.
Momasiku ga 5 gaJuni, oNamibian Sun oya lopota kutya , iilonga yopoloyeka ndjoka oya thikama, sho ehangano lyokutunga lyoAmupolo Building Construction CC, lyomunangeshefa Erasmus Amupolo, lya kuthwa po popoloyeka ndjoka, omolwa iilonga yongushu yopevi. Opoloyeka oya li yi na okukala ya manithwa mo23 Mei 2015.
Oshifo shika osha talelepo ehala lyiilonga yopoloeyeka ndjoka naaniilonga yoshikondo shoprocurement and logistics mUuministeli wOpolisi oya adhika taya longo opo ya vule okumanitha opoloyeka ndjoka.
Aaniilonga mboka otaya manitha iilonga mbyoka inayi manwa ngaashi iikwamalushenp, okupainda, ominino dhomeya, omakumba nomiyelo.
Iilonga mbyoka oya tameke momasiku 20 gaAguste na okwa tegelelwa yi manithwe okuya pehulilo lyomvula ndjika.
Sho a pulwa kombinga yetokolo ndyoka ya ningi po ya manithe opoloyeka ndjoka, okwa popi kutya shoka oshi li ehupitho lyiimaliwa yepangelo.
“Otwa tokola okulonga po iilonga mbyoka molwaashoka aatungi yopoloyeka ndjoka oya thigi po iilonga. Ongundu yetu otayi ka manitha mbala iilonga mbyoka ya hupako, na otashi kala ombiliha kepangelo na otatu ka hupitha oshindji.
Ndeitunga okwa ti ongundu yaatungi mboka muuministeli wawo oye na iilongitho ayihe na oyo ya tungu oombelewa dhopolisi moshilongo ashihe.
KENYA KAMBOWE
Comments
Namibian Sun
No comments have been left on this article