Aatungi AaNamibia ya patelwa pondje
Ehangano lyoConstruction Industry Federation olya holola omaiyuvo kutya omahangano gomoshilongo oga patelwa pondje ngele tashi ya kokutendela iilonga yondjila ompe yokapale koodhila oshowo eyambulepo lyelila lyeshina lyokolutenda lyaKranzberg.
Epatelo pondje lyomahangano gAaNamibia olya ningwa mokugandja uuwanawa komahangano gAaChina gokutunga.
Pahapu dhamenindjela gwedhangano ndyoka, Bärbel Kirchner, iipumbiwa mbyoka ya tulwa po moopoloyeka ndhoka mbali otayi patele pondje omahangano gomoshilongo, molwaashoka omahangano ngoka taga ningi omaindilo gootendela ndhoka oga pumbwa okukala ge na omwaalu gwontumba gwiiyemo oshowo ondjele yopaiyemo yontumba nomuukwatya mboka kamu na omahangano ogendji gomoshilongo.
Opo ehangano li mone otendela ndjoka, oli na okukala li na okukala hali ningi iiyemo ya thika poomiliyona 631, nomahangano ngoka taga ka pewa ookondalaka dhopakathimbo moopoloyeka ndhoka naga kale haga mono iiyemo yi li poomiliyona 53. Omahangano naga kale woo ga longa nale iilonga yoludhi ndoka.
Omunambelewa ngoka okwa pula kutya ngele omukuli gwoobiliyona 10 ngoka gwa pewa epangelo yaNamibia kuChina ogwe ya gu na omilandu dhontumba dhepingakanitho lyomukuli ngoka pokati kiilongo mbika iyali. Okwa popi kutya omukalo ngoka otagu longithwa mokupatela pondje omahangano gaNamibia, na otagu yi pondje oompangela dhopashigwana dheyambulepo lyoshilongo, ta pula kutya omulandu ngoka ogu li tuu tagu endele pamwe nomalalakano gokushunitha pevi ondjele yokwaahena iilonga moshilongo.
CIF okwa pula iipumbiwa mbyoka tayi dhengele pevi omahangano gAaNamibia yi kuthwe po meendelelo go omalelo gaye moonkundthana noshikondo shomatungo opo ku tothwemo iipumbiwa yilwe.
Okwa lopotwa kutya oopoloyeka dhimwe ndhoka tadhi kwatakanithwa nomukuli ngoka gwa gandjwa ongaashi etungo lyomagumbo ge li po 400, etungo lyooskola dhokuushayi, elongululo lyokapale koodhila kaHosea Kutako International Airport oshowo etungo lyoshitopolwa shahugunina shelila lyokutondekela oodhila mokapale hoka.
Omunambelewa gwaChina, Li Nan okwa lombwele oNamibian Sun muApilili kutya China okwa shaina etsokumwe naNamibia opo ku gandjwe eyambidhidho lyiiyemo moopoloyeka dhoondjila. Pahapu dhaLi, iilonga yoombaapila oya manithwa nale na okwa tegelelwa owala ku gandjwe iimaliwa. Ondjila otayi tungwa miitopolwa iyali. Egandjo lyiimaliwa yoobiliyona 1.1 otayi kwatelemo elongo lyoshitopolwa oshitiyali shondjila ndjoka. Oshitopolwa shotango osha longwa niimaliwa ya gandjwa kepangelo.
OGONE TLHAGE
Epatelo pondje lyomahangano gAaNamibia olya ningwa mokugandja uuwanawa komahangano gAaChina gokutunga.
Pahapu dhamenindjela gwedhangano ndyoka, Bärbel Kirchner, iipumbiwa mbyoka ya tulwa po moopoloyeka ndhoka mbali otayi patele pondje omahangano gomoshilongo, molwaashoka omahangano ngoka taga ningi omaindilo gootendela ndhoka oga pumbwa okukala ge na omwaalu gwontumba gwiiyemo oshowo ondjele yopaiyemo yontumba nomuukwatya mboka kamu na omahangano ogendji gomoshilongo.
Opo ehangano li mone otendela ndjoka, oli na okukala li na okukala hali ningi iiyemo ya thika poomiliyona 631, nomahangano ngoka taga ka pewa ookondalaka dhopakathimbo moopoloyeka ndhoka naga kale haga mono iiyemo yi li poomiliyona 53. Omahangano naga kale woo ga longa nale iilonga yoludhi ndoka.
Omunambelewa ngoka okwa pula kutya ngele omukuli gwoobiliyona 10 ngoka gwa pewa epangelo yaNamibia kuChina ogwe ya gu na omilandu dhontumba dhepingakanitho lyomukuli ngoka pokati kiilongo mbika iyali. Okwa popi kutya omukalo ngoka otagu longithwa mokupatela pondje omahangano gaNamibia, na otagu yi pondje oompangela dhopashigwana dheyambulepo lyoshilongo, ta pula kutya omulandu ngoka ogu li tuu tagu endele pamwe nomalalakano gokushunitha pevi ondjele yokwaahena iilonga moshilongo.
CIF okwa pula iipumbiwa mbyoka tayi dhengele pevi omahangano gAaNamibia yi kuthwe po meendelelo go omalelo gaye moonkundthana noshikondo shomatungo opo ku tothwemo iipumbiwa yilwe.
Okwa lopotwa kutya oopoloyeka dhimwe ndhoka tadhi kwatakanithwa nomukuli ngoka gwa gandjwa ongaashi etungo lyomagumbo ge li po 400, etungo lyooskola dhokuushayi, elongululo lyokapale koodhila kaHosea Kutako International Airport oshowo etungo lyoshitopolwa shahugunina shelila lyokutondekela oodhila mokapale hoka.
Omunambelewa gwaChina, Li Nan okwa lombwele oNamibian Sun muApilili kutya China okwa shaina etsokumwe naNamibia opo ku gandjwe eyambidhidho lyiiyemo moopoloyeka dhoondjila. Pahapu dhaLi, iilonga yoombaapila oya manithwa nale na okwa tegelelwa owala ku gandjwe iimaliwa. Ondjila otayi tungwa miitopolwa iyali. Egandjo lyiimaliwa yoobiliyona 1.1 otayi kwatelemo elongo lyoshitopolwa oshitiyali shondjila ndjoka. Oshitopolwa shotango osha longwa niimaliwa ya gandjwa kepangelo.
OGONE TLHAGE
Comments
Namibian Sun
No comments have been left on this article