Aatseyinawa yaZimbabwe naya shune
Ompangu yoPombanda moshilongo oya ningi etokolo opo aakwashigwana yaZimbabwe aatseyinawa mboka taya longele Uuministeli wIilonga nOmalweendo ya shune koshilongo shaandjawo.
Ompangu yoPombanda mOvenduka oya tokola mEtiyali kutya okondalaka yiilonga ndjoka ya shaina naakwashigwana yoshilongo shoka mo 2012 kayi na we oonkondo. Omupanguli Shafimana Ueitele okwa popi kutya AaZimbabwe mboka yeli aanashilonga aathaneki yomatungo oshowo mbyoka haya yalula ongushu yiitungithi yomatungo tayi pumbiwa mokutunga kaye na uuthemba okutsikila nokulongela uuministeli mboka molwaashoka etsokumwe lyawo nuuministeli mboka olya pwa oonkondo.
MuSepetemba gwonuumvo aakwashigwana yaNamibia mboka ye na uulongelwe mokuthaneka omatungo nokuyalula ongushu yomatungo oya ningi eindilo nompangu yoombanda taya pula opo aakwashigwana ya Zimbambwe mboka yeli 29 ya hulithepo iilonga.
“AaZimbambwe mboka 29 naya ze po poompito dhawo dhiilonga ndhoka taya longele uuministeli wiilonga nomalweendo,” Ueitele a gandja elombwelo.
Omupanguli okwa gandja woo elombwelo opo etokolo ndyoka lya ningwa kOminista yoshikondo shIilonga nOmalweendo, Alpheus !Naruseb, opo AaZimbambwe mboka ya shangithwe onga aanashilonga shoka inaku landula omilandu dhiipumbiwa, nolutu ndoka halu shangitha aanashilonga shoka likalekwe.
Ominista yIilonga nOmalweendo Alpheus !Naruseb momasiku 28 gaJuli okwa shangele ombaapila ya nuninwa Omupresidende gwoNamibia Council of Architects and Quantity Surveyors, opo ongundu yaaZimbabwe 29 shangithwe noNamibia Council of Architects and Quantity Surveyors, inaku landulwa omilandu onga aathaneki yomatungo naayaluli yiitunguthi nongushu yiitungithi yomatungo.
Aaningi yeindilo mompangu moshipotha shoka oMarley Tjitjo Architects Inc., Wasserfall Munting Architects Inc., Ricardo Michaels Architects Inc., Agostinho Ferreira Architects Inc., Kondjeni Nkandi Achitects Inc., Jordaan Oosthuysen Nangolo Quantity Surveyors Inc., Dawid Nel Quantity Surveyors Inc., Sondlo Quantity Surveyors Inc. oshowo Kaurivi Quantity Surveyors Incorporated.
Oonakupatanekwa moshipotha, Ominista yiilonga, Omuptesidende gwoNamibia Council of Architects, Namibia Institute of Architects, Institute of Namibia Quantity Surveyors, Amushanga gwuuministeli wiilonga nomalweendo, oshowo aakwashigwana yaZimbambwe mboka yeli 29.
Aaniingi yomaindilo oya pula opo uuthemba wawo wu landulwe ngaashi tashi uthwa kEkotamoango lyoshilongo, taya popi woo kutya ekalo miilonga lyaaZimbabwe mboka yeli 29 oli li tali tula moshiponga uuthemba waakwashigwana yaNamibia opo ya ninge ongeshefa yawo.Oya tsikile kutya oompito dhaanyasha yaNamibia okumona iilonga muuministeli mboka, odha kanithwa konkalo kutya pomahala mpoka ope na nale AaZimbabwe.
Namibia naZimbambwe oya shaina etsokumwe mo 2012 ndyoka tali pitika AaZimbambwe yeli 85 ooindjinia opo ya longele moNamibia moprograma yokutopolelathana uunongo.
Marley Tjitjo Architects Incorporated, ngoka e li omuningi gweindilo gwotango okwa kalelwa po kuPatrick Kauta, omanga Nicky Ngula, a kalelepo epangelo kelombwelo lyahahende gwepangelo.
FRED GOEIEMAN
MuSepetemba gwonuumvo aakwashigwana yaNamibia mboka ye na uulongelwe mokuthaneka omatungo nokuyalula ongushu yomatungo oya ningi eindilo nompangu yoombanda taya pula opo aakwashigwana ya Zimbambwe mboka yeli 29 ya hulithepo iilonga.
“AaZimbambwe mboka 29 naya ze po poompito dhawo dhiilonga ndhoka taya longele uuministeli wiilonga nomalweendo,” Ueitele a gandja elombwelo.
Omupanguli okwa gandja woo elombwelo opo etokolo ndyoka lya ningwa kOminista yoshikondo shIilonga nOmalweendo, Alpheus !Naruseb, opo AaZimbambwe mboka ya shangithwe onga aanashilonga shoka inaku landula omilandu dhiipumbiwa, nolutu ndoka halu shangitha aanashilonga shoka likalekwe.
Ominista yIilonga nOmalweendo Alpheus !Naruseb momasiku 28 gaJuli okwa shangele ombaapila ya nuninwa Omupresidende gwoNamibia Council of Architects and Quantity Surveyors, opo ongundu yaaZimbabwe 29 shangithwe noNamibia Council of Architects and Quantity Surveyors, inaku landulwa omilandu onga aathaneki yomatungo naayaluli yiitunguthi nongushu yiitungithi yomatungo.
Aaningi yeindilo mompangu moshipotha shoka oMarley Tjitjo Architects Inc., Wasserfall Munting Architects Inc., Ricardo Michaels Architects Inc., Agostinho Ferreira Architects Inc., Kondjeni Nkandi Achitects Inc., Jordaan Oosthuysen Nangolo Quantity Surveyors Inc., Dawid Nel Quantity Surveyors Inc., Sondlo Quantity Surveyors Inc. oshowo Kaurivi Quantity Surveyors Incorporated.
Oonakupatanekwa moshipotha, Ominista yiilonga, Omuptesidende gwoNamibia Council of Architects, Namibia Institute of Architects, Institute of Namibia Quantity Surveyors, Amushanga gwuuministeli wiilonga nomalweendo, oshowo aakwashigwana yaZimbambwe mboka yeli 29.
Aaniingi yomaindilo oya pula opo uuthemba wawo wu landulwe ngaashi tashi uthwa kEkotamoango lyoshilongo, taya popi woo kutya ekalo miilonga lyaaZimbabwe mboka yeli 29 oli li tali tula moshiponga uuthemba waakwashigwana yaNamibia opo ya ninge ongeshefa yawo.Oya tsikile kutya oompito dhaanyasha yaNamibia okumona iilonga muuministeli mboka, odha kanithwa konkalo kutya pomahala mpoka ope na nale AaZimbabwe.
Namibia naZimbambwe oya shaina etsokumwe mo 2012 ndyoka tali pitika AaZimbambwe yeli 85 ooindjinia opo ya longele moNamibia moprograma yokutopolelathana uunongo.
Marley Tjitjo Architects Incorporated, ngoka e li omuningi gweindilo gwotango okwa kalelwa po kuPatrick Kauta, omanga Nicky Ngula, a kalelepo epangelo kelombwelo lyahahende gwepangelo.
FRED GOEIEMAN
Comments
Namibian Sun
No comments have been left on this article