Aatamanekwa moshipotha shuulunga wiimaliwa yoAir Nam ya pewa omboloha
Ompangu yaMangestrata gwaVenduka, oyuuvu mEtitatu kutya oshimaliwa sha thika pooN$190 000 osha kana okuza moshimaliwa shoomiliyona 1.1 shoka sha kambadhalwa okuyakwa okuza mehangano lyaAir Namibia momasiku gane gaKotomba.
Omutamanekwa omutiyali moshipotha shoka,
Tangi ‘Mox’ Namwandi, 33, okwa holola mompangu pamwe nomuniilonga gwaAir Namibia Penna Munyunda, 31, ngoka a tulwa miipandeko oshiwike sha piti. Ayehe mboka oya pewa omboloha yoshimaliwa shoo N$50 000 kehe gumwe kuMangestrata Vanessa Stanley.
Omvula yapiti muJuni, Namwandi okwa a li a tulwa miipandeko sho aadhika nooniga dhoompanda dhili ne, na okuli pondje yodholongo komboloha N$50.
Otaku popiwa kutya okuli omwanagona gwomulumentu ngoka a monika ondjo moshipotha shedhipago Lazarus Shaduka, na okuli mondholongo omolwa egeelo lyoomvula 20 konima yekumba ndyoka a pewa.
Ayehe Munyunda naNamwandi oya ningi eindilo lyomboloha ndyoka lya gandjwa pamwe noompango dha kwata miiti.
Sisa Namandje, ngoka ta kalelepo Namwandi, okwa pula opo omuyakulwa gwe a pewe omboloha yoshimaliwa shooN$5 000 omanga Christian Nambahu, ngoka ta kalelepo Munyunda, a pula opo omuyakulwa gwe a pewe omboloha yooN$10 000.
Oohahende ndhoka odha popi kutya oshimaliwa owala shooN$190 000 shoka sha kana omanga iikwawo natango yi li kombaanga.
Namandje okwa popi kutya omuyakulwa gwe ita vulu okufuta oshimaliwa shooN$50 000 ihe ota vulu owala N$5 000, ta popi woo kutya omboloha inayi kala omukalo gwokugandja omageelo.
Aalumentu ayehe mboka otaya kala nokwiilopota komukonaakoni gwoshipotha shawo kehe Omaandaha, na oya gandja omikanda dhawo dhomalweendo na oya tseyithilwa kutya inaya pitikwa okuninga eindilo lyomikanda dhimwe, sigo oshipotha shawo sha manithwa.
Natango inaya pitikwa okuthigapo Ovenduka inaya tseyithila omunambelewa omukonaakoni gwoshipotha shawo.
Omukalelipo gwepangelo moshipotha, Rowan van Wyk okwa pataneke eshunitho pevi lyomwaalu gwomboloha, ta popi kutya ooN$50 000 odhili pauyuuki okutala koshimaliwa shoomiliyona 1.1.
Mangestratra Stanley okwa tsu kumwe na Van Wyk opo omboloha yi kale pomwaalu ngoka.
Namwandi naMunyunda otaya tamanekelwa onkambadhala yuulunga woshimaliwa sha thika pomiliyona1.1, okuza mehangano lyaAir Namibia, sho ya kambadhala okufuta iimaliwa mbyoka komayalulo gombaanga yaStandard Bank.
Ombaanga oya notheleko ehangano ndyoka lyomatukodhila kutya iimaliwa mbyoka ya nuninwa ehangano lyoNamibia Airports Company oyuukithwa keyalulo lyombaanga ndjoka.
Oshipotha osha undulilwa komasiku ga 8 gaFebruali omvula twa taalela.
FRED GOEIEMAN
Omutamanekwa omutiyali moshipotha shoka,
Tangi ‘Mox’ Namwandi, 33, okwa holola mompangu pamwe nomuniilonga gwaAir Namibia Penna Munyunda, 31, ngoka a tulwa miipandeko oshiwike sha piti. Ayehe mboka oya pewa omboloha yoshimaliwa shoo N$50 000 kehe gumwe kuMangestrata Vanessa Stanley.
Omvula yapiti muJuni, Namwandi okwa a li a tulwa miipandeko sho aadhika nooniga dhoompanda dhili ne, na okuli pondje yodholongo komboloha N$50.
Otaku popiwa kutya okuli omwanagona gwomulumentu ngoka a monika ondjo moshipotha shedhipago Lazarus Shaduka, na okuli mondholongo omolwa egeelo lyoomvula 20 konima yekumba ndyoka a pewa.
Ayehe Munyunda naNamwandi oya ningi eindilo lyomboloha ndyoka lya gandjwa pamwe noompango dha kwata miiti.
Sisa Namandje, ngoka ta kalelepo Namwandi, okwa pula opo omuyakulwa gwe a pewe omboloha yoshimaliwa shooN$5 000 omanga Christian Nambahu, ngoka ta kalelepo Munyunda, a pula opo omuyakulwa gwe a pewe omboloha yooN$10 000.
Oohahende ndhoka odha popi kutya oshimaliwa owala shooN$190 000 shoka sha kana omanga iikwawo natango yi li kombaanga.
Namandje okwa popi kutya omuyakulwa gwe ita vulu okufuta oshimaliwa shooN$50 000 ihe ota vulu owala N$5 000, ta popi woo kutya omboloha inayi kala omukalo gwokugandja omageelo.
Aalumentu ayehe mboka otaya kala nokwiilopota komukonaakoni gwoshipotha shawo kehe Omaandaha, na oya gandja omikanda dhawo dhomalweendo na oya tseyithilwa kutya inaya pitikwa okuninga eindilo lyomikanda dhimwe, sigo oshipotha shawo sha manithwa.
Natango inaya pitikwa okuthigapo Ovenduka inaya tseyithila omunambelewa omukonaakoni gwoshipotha shawo.
Omukalelipo gwepangelo moshipotha, Rowan van Wyk okwa pataneke eshunitho pevi lyomwaalu gwomboloha, ta popi kutya ooN$50 000 odhili pauyuuki okutala koshimaliwa shoomiliyona 1.1.
Mangestratra Stanley okwa tsu kumwe na Van Wyk opo omboloha yi kale pomwaalu ngoka.
Namwandi naMunyunda otaya tamanekelwa onkambadhala yuulunga woshimaliwa sha thika pomiliyona1.1, okuza mehangano lyaAir Namibia, sho ya kambadhala okufuta iimaliwa mbyoka komayalulo gombaanga yaStandard Bank.
Ombaanga oya notheleko ehangano ndyoka lyomatukodhila kutya iimaliwa mbyoka ya nuninwa ehangano lyoNamibia Airports Company oyuukithwa keyalulo lyombaanga ndjoka.
Oshipotha osha undulilwa komasiku ga 8 gaFebruali omvula twa taalela.
FRED GOEIEMAN
Comments
Namibian Sun
No comments have been left on this article