AaShakati taya ka mona olusheno lwoshali mbala
Opoloyeka ndjoka oyi li onkambadhala dhokuhulitha po oluhepo maakwashigwana
Opoloyeka ndjoka otayi ka longwa uule woomvula mbali na otayi ka longitha oshimaliwa sha thika poomiliyona 7.
Shito ehangano ndyoka ohali pula oshimaliwa sha thika pooN$6 000, mokutula olusheno megumbo. Omunambelewa Omukuluntuwiliki gwehangano ndyoka, Nelson Sheya okwa popi kutya oya ningi etokolo ndyoka konima sho ya dhimbulula kutya omagumbo ngoka ya tula omalusheno oomvua 16 dha piti, inaga konekiswa natango kosasiyona onene yoonkondo dholusheno.
Omagumbo ngoka otaga adhika mUupindi, Evululuko,Okandjengedi nOmpumbu.
Sheya okwa popi kutya opoloyeka yawo ndjoka oya nuninwa okuhulitha po oluhepo mokati kaakwashigwana yomondoolopa yawo nokuya pa oonkondo dholusheno, onga omukalo gwokukokela onkalo yeliko.
Mayola gwaShakati, Katrina Shimbulu okwa popi kutya etokolo ndyoka otali endele pamwe nontopolwa onti-11 ya tothwamo momusindalandu gwoHarambee Prosperity Plan (HPP) ndjoka tayi pula egandjo lyomalusheno kooskola adhihe niipangelo okuya mo-2020.
“Otwa pumbwa okugandja ompito kaakwashigwana yetu mboka aanona yawo ihaya vulu okulesha uusiku opo ya vule okushininga nokupala ondjila yoonkalamwenyo dhawo,” Shimbulu ta ti.
Shimbulu okwa pula oonakumona uuwanawa mboka yiiyuthe kompango unene ndjoka inayi pitika omaandjakaneko golusheno inaga pitikwa, ta popi kutya omukalo ngoka nagu hulithwepo molwaashoka ogwa nika oshiponga koomwenyo dhaantu nomaliko.
Omagumbo ga thika po-600 otaga ka pewa olusheno moshikako shotango, omanga ga landula ko taga ka pewa moshikako sho-2017/18.
Shito ehangano ndyoka ohali pula oshimaliwa sha thika pooN$6 000, mokutula olusheno megumbo. Omunambelewa Omukuluntuwiliki gwehangano ndyoka, Nelson Sheya okwa popi kutya oya ningi etokolo ndyoka konima sho ya dhimbulula kutya omagumbo ngoka ya tula omalusheno oomvua 16 dha piti, inaga konekiswa natango kosasiyona onene yoonkondo dholusheno.
Omagumbo ngoka otaga adhika mUupindi, Evululuko,Okandjengedi nOmpumbu.
Sheya okwa popi kutya opoloyeka yawo ndjoka oya nuninwa okuhulitha po oluhepo mokati kaakwashigwana yomondoolopa yawo nokuya pa oonkondo dholusheno, onga omukalo gwokukokela onkalo yeliko.
Mayola gwaShakati, Katrina Shimbulu okwa popi kutya etokolo ndyoka otali endele pamwe nontopolwa onti-11 ya tothwamo momusindalandu gwoHarambee Prosperity Plan (HPP) ndjoka tayi pula egandjo lyomalusheno kooskola adhihe niipangelo okuya mo-2020.
“Otwa pumbwa okugandja ompito kaakwashigwana yetu mboka aanona yawo ihaya vulu okulesha uusiku opo ya vule okushininga nokupala ondjila yoonkalamwenyo dhawo,” Shimbulu ta ti.
Shimbulu okwa pula oonakumona uuwanawa mboka yiiyuthe kompango unene ndjoka inayi pitika omaandjakaneko golusheno inaga pitikwa, ta popi kutya omukalo ngoka nagu hulithwepo molwaashoka ogwa nika oshiponga koomwenyo dhaantu nomaliko.
Omagumbo ga thika po-600 otaga ka pewa olusheno moshikako shotango, omanga ga landula ko taga ka pewa moshikako sho-2017/18.
Comments
Namibian Sun
No comments have been left on this article