AaSauyemwa ya tindi elombwelo lyompangu

Okwa holola enanathano enene pokati kaakwashigwana yomoSauyemwa Extension 1 moRundu, naatungi sho aakwashigwana omayovi ya tindi okuza pehala mpoka ya lombwelwa ya ze.Ongundu yaakwashigwana mboka oya popi kutya oyuuvite haya longithwa owala pethimbo lyomahogololo nokonima yomahogololo kape na we ngoka he ya tala.Evi ndyoka otali adhika moSauyemwa, moka aakwashigwana ya thika po 3 000 ya tindi okuthiga po evi ndyoka, sha landula elombwelo lyompangu dha gandjwa mepopilo lyomutungi ngoka a landa evi ndyoka okuza kelelo lyondoolopa momvula yo 2016,Metine lyoshiwike sha piti, omutumwa gwompangu ngoka a thindikilwa kopolisi okwa kambadhala okukutha po aakwashigwana mboka pevi mpoka koonkondo.Omupya omunene iinima inayi ya ngaashi sha pangelwa, sho aakwashigwana ya ndjiki oonyala mevi na oya tindi okuthiga po ehala.Okuyanda etiko lyombinzi shoka osha kalekwa.Aakwashigwana oya popi kutya itaya thigi po ehala ndyoka, ongele taya tulwa pehala pe na olusheno nomeya oshowo oondjila dhi li nawa niihauto yawo.Palombwelo lyompangu, oonakuninga eindilo ndyoka kompangu oPioneer Civil Contractors, Thobias Kandjeke Rumeta, Katrina Uwanga Moses oshowo Domingu Marcelinu Dishu, omanga aayamukuli oEdmund Jacob, Haihengo E T, Makayi Gabriel, Kandjeke Petrus, elelomlyondoolopa yaRundu oshowo Komanda gwopolisi yaKavango East.Sho a gandja ehokololo lye kwaashoka sha holoka po, omukalelipo gwongundu yaakwashigwana, Manaseh Julio okwa popi kutya omutumba gwompangu okwe ya pamwe nopolisi na okwa tameke ta hanagulapo omagumbo kaakwashigwana, shoka sha etitha ongeyo maakwashigwana.Julio okwa popi kutya ongundu oya tameke tayi pula omayamukulo.“Sho twa mono kutya opolisi kayi na omayamukulo komapulo ngoka ga pulwa, otwayi moshipala ehanagulepo lyomagumbo getu, shoka sha kala konyala uule woowili dhontumba sigo taya yi,”Sho a pulwa kutya omolwashike inaya hala okwiiyutha kelombwelo lyompangu. Julio okwa popi kutya kaye li pehala ndyoka, shaahelipaveta molwaashoka oya kalapo uule woomvula odhindji.Okwa popi kutya aantu yamwe oya kala pehala ndyoka okutameka omvula yo 2011.Okwa popi woo kutya okukala omukwashigwana gwaNamibia, oye na uuthemba okukala ya manguluka moNamibia lyamanguluka.Julio okwa popi kutya opolisi oye ya lombwele opo yatululule pehala tali adhika konima yolukanda lwaSikanduko oshowo SunCity ihe kaku na omeya nolusheno.Omukanda gwompangu ogwa holola kutya omutungi ngoka okwa popi kutya aakwashigwana mboka oye li pehala lyawo ndyoka ya landa shi li pamulandu.Eindilo lya ningwa kuLeonard Holo Elago, ngoka e li mwene gwehangano lyoPioneer Civil Contractors, okwa popi kutya oya ningi eindilo lyooplota 60 opo ya tunge mondoolopa yaRundu, neindilo lyawo olya ziminwa momasiku 10 gaFebruali mo 2016.Namibian Sun oku na okopi yombaapila ndjoka ya gandja ooplota dhoka, ya shainwa komunambelewa omukuluntu nale pethimbo ndyoka Romanus Haironga.Ooplota 60 dhuunene woohecta 26 603 odha landitha koshimaliwa shooN$20 mosquare metre.Elago okwa popi kutya okwa kanitha oshimaliwa sha thika poomiliyona yimwe, omolwa ekateko lyopoloyeka ye ndjoka.KENYA KAMBOWE

AaSauyemwa ya tindi elombwelo lyompangu

Comments

Namibian Sun 2025-06-03

Please login to leave a comment

AaSauyemwa ya tindi elombwelo lyompangu

Comments

Namibian Sun 2025-06-03

Please login to leave a comment

Login