AaRundu ya ndjiki oonyala mevi
Aakwashigwana mboka ya tokola okwiikuthila evi moSauyemwa moRundu otaya gandja uusama kelelo lyondoolopa yawo sho hali gandja owala evi kaanangeshefa ihe itali gandja evi lyomalukalwa kaakwashigwana yomondoolopa ndjoka.
Aakwashigwana mboka yiikuhile evi moSauyemwa Extension 1 oya popi kutya otaya ka za po owala pehala ndyoka nokugandja ompito kaatungi uuna elelo lyondoolopa ndjoka lye ya tululula pehala limwe pe na nale omayakulo gopetameko ngaashi omeya nolusheno noondjila.
Oya popi kutya itaya vulu okuya komikunda hoka ya zile molwaashoka oye na iilonga yawo moRundu naanona yawo ohaya skola mondoolopa ndjoka.
“Mumwameme kape na eyooloko okufalwa kehala hoka ka ku na omayakulo gasha nokufalwa miihwa. Natse AaNamibia woo na otwa pumbwa okumona ehala ndyoka tatu vulu okwiithana egumbo. Omolwashike ngele tashi ya komahogololo otuthike pamwe ihe ngele tashi ya kevi oshi na sha owala niimaliwa?”
Namibian Sun okwa popi noonakwiikuthla evi mboka ya tindi okuza po pehala ndyoka, nonando oya pewa elombwelo lyopampangu kutya naya ze po.
Otaya popi kutya otaya tindi molwaashoka kaye na mpoka taya vulu okuya.
Oshiwike sha piti ehangano lyoACEMAC Construction, ndyoka lya pewa ooplota dha thika po 50 dhokutunga omagumbo moSauyemwa Extension 1, olya kambadhala okukutha po aakwashigwana mboka ihe olya nyengwa sho aakwashigwana ya tindi okuza po miipathi yaanambelewa yopolisi.
Oshifokundaneki shoNamibian Sun osha mono omagumbo ge li po 17 ngoka ga tungwa kehangano lyoACEMAC, polwaamba owala naampoka pwa tulwa oombashu kaakwashigwana mboka yiikuthile evi. Aakwashigwana oya popi kutya oya ndjika oonyala mevi kutya itaya zipo mpoka molwaashoka elelo lyondoolopa yaRundu oli na owala omukalo gwokugandja evi kaanashimaliwa omanga itali gandja evi kaathigona.
Elelo lyondoolopa oli na omaiyuvo kutya ngele owa gandja evi inali longwa kaakwashigwana kaye na iiyemo yokulilonga ngaashi aanangeshefa mboka ye na oonzo dhokulonga omahala ngoka taya pewa inaga longwa.
Ngoka ta longo pehala lyomunambelewa omukuluntu gwondoolopa yaRundu, Sikongo Haihambo, okwa popi kutya oshikumungu shoka oshiipyakidhilwa nasho sho ye li taya kongo ehala lyokutula aakwashigwana mboka.
Haihambo okwa popi kutya okwa adhika etsokumwe opo etokolo lyompangu li kalekwe manga, omanga onkalo ndjoka tayi kandulwa po, nehangano lyoACEMAC olya zimine okukaleka etokolo lyompangu uule wiiwike ya thika pu iyali.
Sho a pulwa ngele elelo lyondoolopa otali vulu okuwapaleka evi nokuligandja kaakwashigwana mboka, Haihambo okwa popi kutya omwa kwatelwa oshimaliwa miilonga mbyoka. Okwa popi kutya ngele elelo olya mono iiyemo kape na shoka tashi imbi opo ya wapaleke ehala ndyoka, ihe uupyakadhi mboka ya taalela ngashiingeyi ompumbwe yiimaliwa.
KENYA KAMBOWE
Ø
Oya popi kutya itaya vulu okuya komikunda hoka ya zile molwaashoka oye na iilonga yawo moRundu naanona yawo ohaya skola mondoolopa ndjoka.
“Mumwameme kape na eyooloko okufalwa kehala hoka ka ku na omayakulo gasha nokufalwa miihwa. Natse AaNamibia woo na otwa pumbwa okumona ehala ndyoka tatu vulu okwiithana egumbo. Omolwashike ngele tashi ya komahogololo otuthike pamwe ihe ngele tashi ya kevi oshi na sha owala niimaliwa?”
Namibian Sun okwa popi noonakwiikuthla evi mboka ya tindi okuza po pehala ndyoka, nonando oya pewa elombwelo lyopampangu kutya naya ze po.
Otaya popi kutya otaya tindi molwaashoka kaye na mpoka taya vulu okuya.
Oshiwike sha piti ehangano lyoACEMAC Construction, ndyoka lya pewa ooplota dha thika po 50 dhokutunga omagumbo moSauyemwa Extension 1, olya kambadhala okukutha po aakwashigwana mboka ihe olya nyengwa sho aakwashigwana ya tindi okuza po miipathi yaanambelewa yopolisi.
Oshifokundaneki shoNamibian Sun osha mono omagumbo ge li po 17 ngoka ga tungwa kehangano lyoACEMAC, polwaamba owala naampoka pwa tulwa oombashu kaakwashigwana mboka yiikuthile evi. Aakwashigwana oya popi kutya oya ndjika oonyala mevi kutya itaya zipo mpoka molwaashoka elelo lyondoolopa yaRundu oli na owala omukalo gwokugandja evi kaanashimaliwa omanga itali gandja evi kaathigona.
Elelo lyondoolopa oli na omaiyuvo kutya ngele owa gandja evi inali longwa kaakwashigwana kaye na iiyemo yokulilonga ngaashi aanangeshefa mboka ye na oonzo dhokulonga omahala ngoka taya pewa inaga longwa.
Ngoka ta longo pehala lyomunambelewa omukuluntu gwondoolopa yaRundu, Sikongo Haihambo, okwa popi kutya oshikumungu shoka oshiipyakidhilwa nasho sho ye li taya kongo ehala lyokutula aakwashigwana mboka.
Haihambo okwa popi kutya okwa adhika etsokumwe opo etokolo lyompangu li kalekwe manga, omanga onkalo ndjoka tayi kandulwa po, nehangano lyoACEMAC olya zimine okukaleka etokolo lyompangu uule wiiwike ya thika pu iyali.
Sho a pulwa ngele elelo lyondoolopa otali vulu okuwapaleka evi nokuligandja kaakwashigwana mboka, Haihambo okwa popi kutya omwa kwatelwa oshimaliwa miilonga mbyoka. Okwa popi kutya ngele elelo olya mono iiyemo kape na shoka tashi imbi opo ya wapaleke ehala ndyoka, ihe uupyakadhi mboka ya taalela ngashiingeyi ompumbwe yiimaliwa.
KENYA KAMBOWE
Ø
Comments
Namibian Sun
No comments have been left on this article