Aapolisi yaali ya tulwa miipandeko pomboloka yaNgwediva
Aanambelewa yaali yopolisi moshitopolwa shaShana oya tulwa miipandeko mOngwediva oshiwike sha piti, konima sho ya kambadhala okufutitha aaniihauto oombumbo.
Pahapu dhaKomanda gwOpolisi yaShana, Komufala Rauha Amwele, aanambelewa mboka yaali peinda lyondjila pOshiko mOngwediva oya kuthako okambaapila komafendelelo gohauto, kohauto yomuhingi gumwe na oya pula ya futwe oshimaliwa shooN$2 000 mepingakanitho nokambaapila hoka.
Omuhingi ngoka okwa lopota oshiningwanima shoka kOpolisi yaNgwediva, nomunambelewa gwomonanguwi okuza koshikondo shomakonaakono, okwa yi pamwe naye kehala hoka yuuvathana ya tsakanene, naamboka oya tulwa miipandeko.
“Aanambelewa mboka haya longele pamwe, palopota yawo omunyenyeti inaya pondje ompango yomoondjila. Oye mu kankamene owala nokukuthako okambaapila ke komafendelelo gohauto na oya pula a gandje oshimaliwa shooN$2 000 opo a shunithile okambaapila ke. Omunyenyeti okwa zimine na oya kundathana opo ya tsakanene pOshana Mall mOngwediva,” Amwele a popi.
“Omanga inaya kOshana Mall, omunyenyeti okwa yi kOpolisi yaNgwediva na okwa lopota oshinima shoka. Molwaashoka otatu longo nuudhiginini okuvudhamo uulingilingi, omunyenyeti okwa lombwelwa a ye komeho omanga aanambelewa aakonaakoni yomonanguwi ye mu li monima. Mboka yaali oya tulwa miipandeko pethimbo taya tambula iimaliwa.”
Amwele okwa pandula omunyenyeti na okwa pula aakwashigwana ya kale nokulandula oshiholelwa shoka uuna yiiyadha monkalo ya faathana moka aanambelewa taye ya pula iimaliwa.
Okwa popi kutya aanambelewa yopolisi oya gana okugandja ekwatho koshigwana na inaya pitikwa okulundululila iilonga yawo moskema yokukutha oshigwana iimaliwa.
“Ngele owu na epuko zimina epuko lyoye e to pewa egeelo na yanda okukutha ombinga muulingilingi. Ngele ino nyanyukwa nena popya nakomanda gwoshikondo nenge inda popolisi yopopepi nangoye.”
ILENI NANDJATO
Pahapu dhaKomanda gwOpolisi yaShana, Komufala Rauha Amwele, aanambelewa mboka yaali peinda lyondjila pOshiko mOngwediva oya kuthako okambaapila komafendelelo gohauto, kohauto yomuhingi gumwe na oya pula ya futwe oshimaliwa shooN$2 000 mepingakanitho nokambaapila hoka.
Omuhingi ngoka okwa lopota oshiningwanima shoka kOpolisi yaNgwediva, nomunambelewa gwomonanguwi okuza koshikondo shomakonaakono, okwa yi pamwe naye kehala hoka yuuvathana ya tsakanene, naamboka oya tulwa miipandeko.
“Aanambelewa mboka haya longele pamwe, palopota yawo omunyenyeti inaya pondje ompango yomoondjila. Oye mu kankamene owala nokukuthako okambaapila ke komafendelelo gohauto na oya pula a gandje oshimaliwa shooN$2 000 opo a shunithile okambaapila ke. Omunyenyeti okwa zimine na oya kundathana opo ya tsakanene pOshana Mall mOngwediva,” Amwele a popi.
“Omanga inaya kOshana Mall, omunyenyeti okwa yi kOpolisi yaNgwediva na okwa lopota oshinima shoka. Molwaashoka otatu longo nuudhiginini okuvudhamo uulingilingi, omunyenyeti okwa lombwelwa a ye komeho omanga aanambelewa aakonaakoni yomonanguwi ye mu li monima. Mboka yaali oya tulwa miipandeko pethimbo taya tambula iimaliwa.”
Amwele okwa pandula omunyenyeti na okwa pula aakwashigwana ya kale nokulandula oshiholelwa shoka uuna yiiyadha monkalo ya faathana moka aanambelewa taye ya pula iimaliwa.
Okwa popi kutya aanambelewa yopolisi oya gana okugandja ekwatho koshigwana na inaya pitikwa okulundululila iilonga yawo moskema yokukutha oshigwana iimaliwa.
“Ngele owu na epuko zimina epuko lyoye e to pewa egeelo na yanda okukutha ombinga muulingilingi. Ngele ino nyanyukwa nena popya nakomanda gwoshikondo nenge inda popolisi yopopepi nangoye.”
ILENI NANDJATO
Comments
Namibian Sun
No comments have been left on this article