Aapolisi taya futithwa
Sha landula etseyitho lyopaulumompumbwe lya ningwa komupresidende ndyoka tali pula aakwashigwana ya kale momagumbo omolwa etukuko lyombuto yocorona, aanambelewa yegameno nopolisi otaku popiwa ya dhenge nokumonitha iiponga aakwashigwana.
JANA-MARI SMITH
OVENDUKA
Aakwashigwana ya thika puyatano oya tulilemo aanambelewa yopolisi oshowo yegameno iipotha omolwa omamonitho giihuna nomiyonena ya ningile aakwashigwana pethimbo taya thiminikile miilonga omilandu dha tulwa po omolwa omukithi gwocorona.
Aakwashigwana mboka yomoshitopolwa shErongo oshowo mOshana otaya kwathelwa kuhahende Norman Tjombe.
Reinhold Tangeni Uusiku ota futitha opolisi oshowo oNamibia Defence Force (NDF) konima sho a kondjithwa a galangate motombo nokutilwa woo otombo kaanambelelwa yegameno nopolisi. Shoka osha ningilwa momukunda Eheke-Etemba moshitopolwa shaShana, noshiningwanima shoka osha nyanwa kaakwashigwana oyendji okupitila komapandja gomakwatathano gopainternet. Uusiku okwa popi kutya aanambelewa mboka oye mu thanga nokumudhenga momasiku gahamano gaApilili na okwa dhengwa woo nongola.
Ota popi kutya okuuvite a monithwa iihuna nokusithwa ohoni. Ota futitha woo aanambelelwa mboka sho ya yi megumbo lye yaahena epitiko lyompangu.
Omunambelewa omukuluntu gwopolisi, Sebastian Ndeitunga okwa kondema oshiningwanima shoka pethimbo ndyoka.
Okwa popi kutya omanga aanambelewa yamwe taya ihumbata nawa nokulonga palandulaathano yamwe otaya longo pondje yomilandu dhopolisi.
Momasiku gane gaApilili ongundu yaapolisi naakwiita otaku hokololwa ya dhenge Jesaja Nelumbo Hango nokumweehameka kokwaako shoka sha etitha a ka mone etando moshipangelo shopaumwene moSwakopo.
Hango ngoka e li omuniilonga gwomalusheno momina yaRössing Uranium okwa popi kutya oshiningwanima shoka oshe mu thigi monkalo yuululume nesithahoni woo.
Eponokelo ndyoka olya ningwa miipaathi yoshigwana, na ota popi kutya ota pula ompangu opo yi zimine a futwe oshimaliwa sha thika pomiliyona yimwe omolwa eponokelo ndyoka a ningilwa kaanambelewa. Mesiku olyotuundyoka mwa dhengwa Hango, opolisi yaSwakopo otaku popiwa natango ya ponokele, Ruben Asser oshowo Simson Simon.
Pandokumende dhompangu, mboka yaali oya popi kutya aanambelewa oye ya kondjitha ya galangate mevi sha ningilwa molukanda lwaDRC popepi nosasiyona yopolisi yaMondesa.
Mboka oya thangwa woo nokudhengwa noongonyo.
Eponokelo nedhengo ndyoka olya kwatwa mokavideo hoka ka topolwa komapandja gomakwatathano gointernet.
Konima yomasiku gatatu moHenties Bay, Ashley Friedburgh okwa popi kutya okwa tulwa miipandeko sha ningilwa popepi nopolisi yaHenties Bay.
Okwa dhengwa woo nokweehamekwa kaanambelewa mboka.
Tjombe okwa koleke kutya iipotha yaayakulwa ye otayi ningwa, noonakutulilwamo iipotha oya pulwa opo ya yamukule pamishangwa.
OVENDUKA
Aakwashigwana ya thika puyatano oya tulilemo aanambelewa yopolisi oshowo yegameno iipotha omolwa omamonitho giihuna nomiyonena ya ningile aakwashigwana pethimbo taya thiminikile miilonga omilandu dha tulwa po omolwa omukithi gwocorona.
Aakwashigwana mboka yomoshitopolwa shErongo oshowo mOshana otaya kwathelwa kuhahende Norman Tjombe.
Reinhold Tangeni Uusiku ota futitha opolisi oshowo oNamibia Defence Force (NDF) konima sho a kondjithwa a galangate motombo nokutilwa woo otombo kaanambelelwa yegameno nopolisi. Shoka osha ningilwa momukunda Eheke-Etemba moshitopolwa shaShana, noshiningwanima shoka osha nyanwa kaakwashigwana oyendji okupitila komapandja gomakwatathano gopainternet. Uusiku okwa popi kutya aanambelewa mboka oye mu thanga nokumudhenga momasiku gahamano gaApilili na okwa dhengwa woo nongola.
Ota popi kutya okuuvite a monithwa iihuna nokusithwa ohoni. Ota futitha woo aanambelelwa mboka sho ya yi megumbo lye yaahena epitiko lyompangu.
Omunambelewa omukuluntu gwopolisi, Sebastian Ndeitunga okwa kondema oshiningwanima shoka pethimbo ndyoka.
Okwa popi kutya omanga aanambelewa yamwe taya ihumbata nawa nokulonga palandulaathano yamwe otaya longo pondje yomilandu dhopolisi.
Momasiku gane gaApilili ongundu yaapolisi naakwiita otaku hokololwa ya dhenge Jesaja Nelumbo Hango nokumweehameka kokwaako shoka sha etitha a ka mone etando moshipangelo shopaumwene moSwakopo.
Hango ngoka e li omuniilonga gwomalusheno momina yaRössing Uranium okwa popi kutya oshiningwanima shoka oshe mu thigi monkalo yuululume nesithahoni woo.
Eponokelo ndyoka olya ningwa miipaathi yoshigwana, na ota popi kutya ota pula ompangu opo yi zimine a futwe oshimaliwa sha thika pomiliyona yimwe omolwa eponokelo ndyoka a ningilwa kaanambelewa. Mesiku olyotuundyoka mwa dhengwa Hango, opolisi yaSwakopo otaku popiwa natango ya ponokele, Ruben Asser oshowo Simson Simon.
Pandokumende dhompangu, mboka yaali oya popi kutya aanambelewa oye ya kondjitha ya galangate mevi sha ningilwa molukanda lwaDRC popepi nosasiyona yopolisi yaMondesa.
Mboka oya thangwa woo nokudhengwa noongonyo.
Eponokelo nedhengo ndyoka olya kwatwa mokavideo hoka ka topolwa komapandja gomakwatathano gointernet.
Konima yomasiku gatatu moHenties Bay, Ashley Friedburgh okwa popi kutya okwa tulwa miipandeko sha ningilwa popepi nopolisi yaHenties Bay.
Okwa dhengwa woo nokweehamekwa kaanambelewa mboka.
Tjombe okwa koleke kutya iipotha yaayakulwa ye otayi ningwa, noonakutulilwamo iipotha oya pulwa opo ya yamukule pamishangwa.
Comments
Namibian Sun
No comments have been left on this article