Aanyasha yomOndangwa ya yeleke edhina lyakansela
Iilyo yOndangwa Urban Youth forum oshowo Ondangwa Development forum Committee oya ekelehi omapopyo ngoka ga ningwa kuNgoloneya gwaShana, Clemens Kashuupulwa kutya kansela gwoshikandjo shaOndangwa Urban Councillor, Elia Irimari ota ningi iigongi naakwashigwana mOndangwa noku mu lundila kutya oye tayi moshipala omahumo komeho mondoolopa yaNdangwa.
Aanyasha mboka oya gandja uusama kuKashuupulwa kutya ota longitha omukandanyenyeto gwawo ngoka yuukitha komupresidende, mokuponokela Irimary.
Omunashipundi gwOndangwa Urban Constituency Youth Forum, Paulus Nuuyoma oshiwike sha piti okwa pula opo Kashuupulwa a kandulepo omukundu gwawo gopaumwene ngoka e na naIrimari na ina kwatelamo omukandanyenyeto gwawo.
Okwa popi kutya, yo onga aanyasha oya pula elelo lyondoolopa yaNdangwa opo li ya yelithile kombinga yoompangela dhetungo lyoshipangelo mondoolopa ndjoka ndhoka dha kalekwa. Nuuyoma okwa popi kutya okwa ningwa iigongi oyindji okuza momasiku 18 gaMei 2017 na oyo ya etitha etokolo ku ningwe ehololo madhilaadhilo. “Onga omunyasha nomukali gwomondoolopa yaNdangwa otwa ningi omutumba nelelo lyondoolopa momasiku 20 gaMei.
Aakalelipo yondoolopa oye tu pe omayamukulo kombinga yiigongi yopashitopolwa mbyoka ya ningwa momasiku 19 gaMei. Omolwa omayamukulo ngoka twa pewa, otwa tokola opo tu holole okuuva nayi kwetu omolwa etokolo lyangoloneya. Ngoloneya ngoka a li omunashipundi gwoshigongi shopashitopolwa shoka sha ingwa okwa pula oondolopa ndatu, Ongwediva, Ondangwa nOshakati opo dhi gandje evi mpoka tapu vulu okutungwa oshipangelo shoka, kwali nale kwa pangelwa opo shi tungwe mOndangwa ,” Nuuyoma a popi.
Nuuyoma okwa popi kutya konima yoshigongi moka ya tseyithwa etokolo ndyoka lya ningwa kungoloneya Kashuupulwa oya tokola opo yagandje omukandanyenyeto gwawo kOmupresidende Hage Geingob okupitila mombelewa yaNgoloneya gwoshitopolwa. Nuuyoma okwa popi kutya oyuuvite nayi molwaashoka omanyenyeto gawo otaga longithwa kungoloneya mokuponokela kansela Irimari.
Okwa pula kutya ngele ngoloneya oku na omaupyakadhi gopaumwene nakansela nena naya kandulepo omaupyakadhi gawo inamu kwatelwa aanyasha mboka taya holola omadhilaadhilo gawo.
Okwa lopotwa kutya Kashuupulwa okwa ningi po ongundu yomakwathano yoWhatsApp tayi ithanwa Oshana Regional Council, hoka a holola omaiyuvo ge gonayi omolwa omalundilo ta ningiwa aniwa kuIrimari, mwakwatelwa kutya ota shunitha monima omayambulepo ngoka ga nuningwa ondoolopa yaNdangwa.
Kashuupulwa okwa yelitha woo kutya Oshikondo shElongo mOshana okupitila mekwatelo komeho lyodecentralisation policy osha tokola okutula ombelewa yoshikondo shoka mondoolopa yaShakati, opo oombelewa dhoka dhi kale moshilandopangelo shoshitopolwa shaShana.
Nonando ongaaka aanyasha mboka oya ningile omapulaapulo omusindalandu ngoka gwodecentralisation.
“Kwiikwatelelwa komusindalandu ngoka tagu popiwa kungoloneya ogwa nuninwa okukutha po omayakulo goshigwana. Omusindalandu ngoka otagu yanda woo omayambulepo gondoolopa yetu.”
Sho a ningilwa omapulaapulo Irimari okwa tindi okutya sha.
ILENI NANDJATO
Aanyasha mboka oya gandja uusama kuKashuupulwa kutya ota longitha omukandanyenyeto gwawo ngoka yuukitha komupresidende, mokuponokela Irimary.
Omunashipundi gwOndangwa Urban Constituency Youth Forum, Paulus Nuuyoma oshiwike sha piti okwa pula opo Kashuupulwa a kandulepo omukundu gwawo gopaumwene ngoka e na naIrimari na ina kwatelamo omukandanyenyeto gwawo.
Okwa popi kutya, yo onga aanyasha oya pula elelo lyondoolopa yaNdangwa opo li ya yelithile kombinga yoompangela dhetungo lyoshipangelo mondoolopa ndjoka ndhoka dha kalekwa. Nuuyoma okwa popi kutya okwa ningwa iigongi oyindji okuza momasiku 18 gaMei 2017 na oyo ya etitha etokolo ku ningwe ehololo madhilaadhilo. “Onga omunyasha nomukali gwomondoolopa yaNdangwa otwa ningi omutumba nelelo lyondoolopa momasiku 20 gaMei.
Aakalelipo yondoolopa oye tu pe omayamukulo kombinga yiigongi yopashitopolwa mbyoka ya ningwa momasiku 19 gaMei. Omolwa omayamukulo ngoka twa pewa, otwa tokola opo tu holole okuuva nayi kwetu omolwa etokolo lyangoloneya. Ngoloneya ngoka a li omunashipundi gwoshigongi shopashitopolwa shoka sha ingwa okwa pula oondolopa ndatu, Ongwediva, Ondangwa nOshakati opo dhi gandje evi mpoka tapu vulu okutungwa oshipangelo shoka, kwali nale kwa pangelwa opo shi tungwe mOndangwa ,” Nuuyoma a popi.
Nuuyoma okwa popi kutya konima yoshigongi moka ya tseyithwa etokolo ndyoka lya ningwa kungoloneya Kashuupulwa oya tokola opo yagandje omukandanyenyeto gwawo kOmupresidende Hage Geingob okupitila mombelewa yaNgoloneya gwoshitopolwa. Nuuyoma okwa popi kutya oyuuvite nayi molwaashoka omanyenyeto gawo otaga longithwa kungoloneya mokuponokela kansela Irimari.
Okwa pula kutya ngele ngoloneya oku na omaupyakadhi gopaumwene nakansela nena naya kandulepo omaupyakadhi gawo inamu kwatelwa aanyasha mboka taya holola omadhilaadhilo gawo.
Okwa lopotwa kutya Kashuupulwa okwa ningi po ongundu yomakwathano yoWhatsApp tayi ithanwa Oshana Regional Council, hoka a holola omaiyuvo ge gonayi omolwa omalundilo ta ningiwa aniwa kuIrimari, mwakwatelwa kutya ota shunitha monima omayambulepo ngoka ga nuningwa ondoolopa yaNdangwa.
Kashuupulwa okwa yelitha woo kutya Oshikondo shElongo mOshana okupitila mekwatelo komeho lyodecentralisation policy osha tokola okutula ombelewa yoshikondo shoka mondoolopa yaShakati, opo oombelewa dhoka dhi kale moshilandopangelo shoshitopolwa shaShana.
Nonando ongaaka aanyasha mboka oya ningile omapulaapulo omusindalandu ngoka gwodecentralisation.
“Kwiikwatelelwa komusindalandu ngoka tagu popiwa kungoloneya ogwa nuninwa okukutha po omayakulo goshigwana. Omusindalandu ngoka otagu yanda woo omayambulepo gondoolopa yetu.”
Sho a ningilwa omapulaapulo Irimari okwa tindi okutya sha.
ILENI NANDJATO
Comments
Namibian Sun
No comments have been left on this article