Aantu 23 ya dhipagwa koMalaria mo2020
Omanga Namibia ta kondjitha okukaleka pevi iipotha yombuto yocorona, iipotha yomukithi gwoMalaria otayi londo pombanda noonkondo.
KENYA KAMBOWE
RUNDU
Omvula owala ndjika omukithi gwomalaria okwa lopotwa gwa dhipaga aantu 23 omanga yeli po 10 000 ya kwatwa komukithi ngoka.
Sho ya yamukula komapulo ngoka ya ningilwa koNamibian Sun, uuministeli wuundjolowele owa koleke kutya oshilongo osha lopota iipotha yomalaria yi li po 10 118 okuza mesiku lyotango lyaJanuari nuumvo.
Omanga oshitopolwa shaKavango East noKavango West yali ya lopotwa iipotha yomalaria yi li 1 120 pethimbo lya faathana omvula ya piti, nuumvo okwa lopotwa iipotha yi li 4 537 miitopolwa mbyoka.
Omaso 10 gomomaso 23 ngoka ga lopotwa ogomiitopolwa mbyoka iyali, pauyelele mboka wa gandjwa kuuministeli.
Iitopolwa yaKavango oyo aluhe hayi lopotwa omwaalu guli pombanda gwiipotha yomukithi gwomalaria moshilongo. Olundji otashi etithwa komuloka omunene ngoka hagu dhidhilikwa miitopolwa mbyoka, oshowo omulonga gwaKavango, ngoka kwa hololwa kutya oguli ehala hali kala oomwe ndhoka tadhi taandelitha omukithi.
Omunambelewa omukomeho guundjolowele moKavango, Timea Ngwira, okwa popi kutya nonando uuministeli otawu kondjo mokukondjitha omukithi ngoka, iipotha onkene tayi londo pombanda.
Aakwashigwana taya tindi opombela momagumbo gawo oshimwe shomuupyakadhi wadhidhilikwa kuuministeli, sho wa holola kutya oopresenda 3.2 dhaakwashigwana odha tindi opombela miitopolwa mbyoka, omanga oopresenda 10.4 inadhi yamukula aanambelewa. Pauyelele wuuministeli opombela ndjoka tayi ithanwa Indoor Residual Spraying (IRS) oya tulwa miilonga oopresenda 37 moKavango omanga moshilongo ashihe yi li poopresenda 42.7.
Ngwira okwa popi kutya emanguluko lyoongamba pokati kaNamibia naAngola oshimwe tashi ningitha oshidhigu epangelo li sinde omukithi ngoka.
Okwa popi kutya omvula ya piti iipotha yomukithi ngoka oya li iishona omolwa onkalo yoshikukuta ihe nuumvo iipotha oyi li pombanda omolwa omuloka omunene ngoka gwa dhidhilikwa.
RUNDU
Omvula owala ndjika omukithi gwomalaria okwa lopotwa gwa dhipaga aantu 23 omanga yeli po 10 000 ya kwatwa komukithi ngoka.
Sho ya yamukula komapulo ngoka ya ningilwa koNamibian Sun, uuministeli wuundjolowele owa koleke kutya oshilongo osha lopota iipotha yomalaria yi li po 10 118 okuza mesiku lyotango lyaJanuari nuumvo.
Omanga oshitopolwa shaKavango East noKavango West yali ya lopotwa iipotha yomalaria yi li 1 120 pethimbo lya faathana omvula ya piti, nuumvo okwa lopotwa iipotha yi li 4 537 miitopolwa mbyoka.
Omaso 10 gomomaso 23 ngoka ga lopotwa ogomiitopolwa mbyoka iyali, pauyelele mboka wa gandjwa kuuministeli.
Iitopolwa yaKavango oyo aluhe hayi lopotwa omwaalu guli pombanda gwiipotha yomukithi gwomalaria moshilongo. Olundji otashi etithwa komuloka omunene ngoka hagu dhidhilikwa miitopolwa mbyoka, oshowo omulonga gwaKavango, ngoka kwa hololwa kutya oguli ehala hali kala oomwe ndhoka tadhi taandelitha omukithi.
Omunambelewa omukomeho guundjolowele moKavango, Timea Ngwira, okwa popi kutya nonando uuministeli otawu kondjo mokukondjitha omukithi ngoka, iipotha onkene tayi londo pombanda.
Aakwashigwana taya tindi opombela momagumbo gawo oshimwe shomuupyakadhi wadhidhilikwa kuuministeli, sho wa holola kutya oopresenda 3.2 dhaakwashigwana odha tindi opombela miitopolwa mbyoka, omanga oopresenda 10.4 inadhi yamukula aanambelewa. Pauyelele wuuministeli opombela ndjoka tayi ithanwa Indoor Residual Spraying (IRS) oya tulwa miilonga oopresenda 37 moKavango omanga moshilongo ashihe yi li poopresenda 42.7.
Ngwira okwa popi kutya emanguluko lyoongamba pokati kaNamibia naAngola oshimwe tashi ningitha oshidhigu epangelo li sinde omukithi ngoka.
Okwa popi kutya omvula ya piti iipotha yomukithi ngoka oya li iishona omolwa onkalo yoshikukuta ihe nuumvo iipotha oyi li pombanda omolwa omuloka omunene ngoka gwa dhidhilikwa.
Comments
Namibian Sun
No comments have been left on this article