Aanooli yiilongo oshilongwa

TUYEIMO HAIDULAOSHAKATIAakwashigwana omathele mboka ya li ya yi kiitopolwa yomonooli omolwa omafudho oya shuna nale kiitopolwa hoka haya lumbu na inaya taalela onkalo yendumbakapo pomahala gokulondela oombesa ngaashi sha kala omukalo ndjiigilile uule woomvula adhihe dhoka.Aakwashigwana mboka yali ya yi komafudho unene monooli na oye na okutameka iilonga mOmaandaha oya mono oombesa pOkatana Service Station pomatala gAupa Indongo mOshakati.Sho oNamibian Sun ya talelepo omahala ngoka gaali mEtine lyoshiwike sha piti, oombesa odhindji kadha Ii dhi na aafaaalelwa, na odha tegelela aantu.Mboka yuuka komahala ngaashi Swakopmund, Walvis Bay oshowo Oranjemund oyo ya fa ya li ye na uupyakadhi okumona oolefa.Yamwepo yomaakongi yoolefa mboka ya ningilwa omapulaapulo koNamibian Sun, oya holola kutya oya hala okushuna komunkulofuta ihe kaye wete oolefa.Lahja Kandiwapa okwa popi kutya okwe ya pomahooli pOkatana Service Station potundi onti 07:00 naanona ye yatatu, mboka taya kongo olefa opo ya shune kOrange opo aanona yaka tameke oskola ihe oya yi komatala molwaashoka kape na oolefa na sigo otundi onti 14:00 inaya mona olefa.Kandiwapa okwa popi kutya nomEtitatu inaya mona olefa. Okwa popi a limbililwa kutya ngele inaya mona olefa nena ota tumu aanona kOvenduka opo ya vule okukamona olefa yokuya fala koskola.Omuhingi gwombesa okuza mOshakati okuya mOvenduka, Amini Sem okwa popi kutya onkalo nuumvo oya lunduluka molwaashoka aakwashigwana oya tameke okushuna komahala gawo kuyele.Okwa tsikile kutya nale oombesa odha li hadhi futitha aafaalelwa oondando dhili pombanda omolwa ompumbwe yiiyenditho ihe nuumvo aakwashigwana yamwe oya shuna konima yoKrismesa omanga yamwe ya shuna konima sho yatyapula omumvo omupe, na omwaalu owala omushona gwaakwashigwana ogwo gwa kala po sha etitha onkalo yi kale inayi faathana noomvula dha piti.Ondando yombesa okuya kOmbaye oyi li pooN$400.

Aanooli yiilongo oshilongwa

Comments

Namibian Sun 2025-09-15

Please login to leave a comment

Aanooli yiilongo oshilongwa

Comments

Namibian Sun 2025-09-15

Please login to leave a comment

Login