Aanona yaali nomukuluntu gumwe ya si omeya mOnooli
Omuloka omuwanawa ngoka gwa dhnidhilikwa monooli yoshilongo oshiwike sha piti, ogwa etitha oluhodhi sho kwa lopotwa uunona wuumati uwali oshowo omulumentu gwoomvula 20, omukwashigwana gwaChina ya si omeya monooli.
Okwa lopotwa uunona wuumati, kamwe ohaka sikola poskola yedhina Oikango Combined School omanga mukwawo hasikola pOlulongo Combined School ya si omeya miiningwanima ya yooloka pethimbo ya li taya yogo omeya moondama.
Uunona mboka owa tumbulwa komadhina kutya Bernhard Bernhard (13), gwomondondo onti 7 pOikango Combined School, oshowo Thomas Nadhipite Hako (11), gwomondondo onti 4 pOlulongo Combined School. Omidhimba dhawo odha monika kaanambelewa yopolisi mEtiyali.
Mosoondaha oshowo mOmaandaha, omahala ogendji monooli oga mono omuloka omuwanawa, naanona oyendji yaamati oya monika taya dhana miishana.
Bernhard pamwe naanaskola yakwao yalwe yaali oya li mondjila yawo yokuya komagumbo pethimbo sho a si omeya, omanga Hako a li mondjila ye okuya kegumbo okuza kOmusati-Gwopoosa hoka a li a tumwa kuyinakulu.
Sho ya thiki pondama yedhina Kapunda momukunda Ohakweenyanga, Bernhard okwa lombwele ookume ke yaali kutya okwa hala okwiitalaleka.
Okwa nhukile momeya na okwa tameke ta yogo ihe ina pu pita ethimbo okwa tameke ta kondjo nomeya, nookuume ke oya nyengwa oku mu hupitha.
Ookume ke oya tondoka konyala oshinano shookilometa mbali opo yaka lopote shoka sha holoka po kumeme gwaBernard, Klementina Kweenda, ngoka ha landithile molukanda Adolfi.
Opolisi oya tseyithilwa.
“Oshiningwanima shoka osha holoka lwopotundi onti 15:00. Sho a tameke okunyengwa komeya aanaskola yakwawo oya kambadhala oku mu hupitha ihe oya nyengwa. Aayogi ya za koshikondo shegameno showina oya li pondama ndjoka ihe inaya vula okumona olutu lwe mOmaandaha, na oya shuna ko ishewe mEtiyali nolutu olwa monika,” opolisi ya popi.
Omanga opolisi yali yiipyakidhila nolukongo lwolutu lwaBernhard mOmaandaha, omwe ya olopota kutya Hako okwa si omeya mOmaalala konyala oshinano shookilometa omulongo okuza mOhakweenyanga.
Aayogi mboka oya yi kOmaalala.
Konima yoskola, Hako okwa tumwa kuyinakulu, Elly Shipanga kolukanda lwedhina Omusati-Gwopoosa opo a ka tale iikulya yiingulu pamwe nokanona kamwe kokamati. Mondjila ye yokushuna kegumbo okwa a dha aanona taya yogo mondama. “Sho a tameke ta nyengwa komeya yakwawo oya kambadhala oku mu hupitha ihe inaya pondola sha, mukwawo ngoka ya li ya tumwa naye okwa tondoka nokuya kegumbo a ka gandje olopota yaashoka sha holoka po.” “Otwa yi kehala hoka na otwa dhengele opolisi. Otwa haluka sho tuuvu kutya opolisi natango otayi kongo okanona kamwe ka si omeya mOhakweenyanga. Opolisi oye ya ihe inayi vulu okukonga olutu lwe molwaashoka okwa li kwa toka. Olutu lwe olwa monika owala esiku lya landula,” Shipanga a popi.
Sho a popitha aakwashigwana mboka ya li poondama ndhoka mbali, kOmanda gwopolisi yaNgwediva, Elizabeth Nashandi, okwa pula aakwashigwana ya lombwele aanona opo ka ya dhane momeya, molwaashoka osha nika oshiponga.
Mosoondaha omulumentu gwoomvula 20 omukwashigwana gwaChina a tumbulwa kedhina kutya, Li Kaiwei ngoka a li omuniilonga mostola mOutapi okwa si omeya mondama ya Olushandja/Etaka. Kaiwei, okwa za koshitopolwa shaFujian province koChina, na okwa li pamwe nAaChina yakwawo pethimbo oshiningwanima shoka sha holoka.
Opolisi mOmahenene oya patulula epeko lyomapulaapulo.
Metine lyoshiwike sha piti, okanona komvula yimwe, Isabel Ndashitika oka hulitha konima sho ka gwile mongoma yotombo molukanda Onawa mOshakati.
Palopota yopolisi, Ndashitika, okwa adhika mongoma yotombo kuyina, na itaku fekelwa uulingilingi.
ILENI NANDJATO
Uunona mboka owa tumbulwa komadhina kutya Bernhard Bernhard (13), gwomondondo onti 7 pOikango Combined School, oshowo Thomas Nadhipite Hako (11), gwomondondo onti 4 pOlulongo Combined School. Omidhimba dhawo odha monika kaanambelewa yopolisi mEtiyali.
Mosoondaha oshowo mOmaandaha, omahala ogendji monooli oga mono omuloka omuwanawa, naanona oyendji yaamati oya monika taya dhana miishana.
Bernhard pamwe naanaskola yakwao yalwe yaali oya li mondjila yawo yokuya komagumbo pethimbo sho a si omeya, omanga Hako a li mondjila ye okuya kegumbo okuza kOmusati-Gwopoosa hoka a li a tumwa kuyinakulu.
Sho ya thiki pondama yedhina Kapunda momukunda Ohakweenyanga, Bernhard okwa lombwele ookume ke yaali kutya okwa hala okwiitalaleka.
Okwa nhukile momeya na okwa tameke ta yogo ihe ina pu pita ethimbo okwa tameke ta kondjo nomeya, nookuume ke oya nyengwa oku mu hupitha.
Ookume ke oya tondoka konyala oshinano shookilometa mbali opo yaka lopote shoka sha holoka po kumeme gwaBernard, Klementina Kweenda, ngoka ha landithile molukanda Adolfi.
Opolisi oya tseyithilwa.
“Oshiningwanima shoka osha holoka lwopotundi onti 15:00. Sho a tameke okunyengwa komeya aanaskola yakwawo oya kambadhala oku mu hupitha ihe oya nyengwa. Aayogi ya za koshikondo shegameno showina oya li pondama ndjoka ihe inaya vula okumona olutu lwe mOmaandaha, na oya shuna ko ishewe mEtiyali nolutu olwa monika,” opolisi ya popi.
Omanga opolisi yali yiipyakidhila nolukongo lwolutu lwaBernhard mOmaandaha, omwe ya olopota kutya Hako okwa si omeya mOmaalala konyala oshinano shookilometa omulongo okuza mOhakweenyanga.
Aayogi mboka oya yi kOmaalala.
Konima yoskola, Hako okwa tumwa kuyinakulu, Elly Shipanga kolukanda lwedhina Omusati-Gwopoosa opo a ka tale iikulya yiingulu pamwe nokanona kamwe kokamati. Mondjila ye yokushuna kegumbo okwa a dha aanona taya yogo mondama. “Sho a tameke ta nyengwa komeya yakwawo oya kambadhala oku mu hupitha ihe inaya pondola sha, mukwawo ngoka ya li ya tumwa naye okwa tondoka nokuya kegumbo a ka gandje olopota yaashoka sha holoka po.” “Otwa yi kehala hoka na otwa dhengele opolisi. Otwa haluka sho tuuvu kutya opolisi natango otayi kongo okanona kamwe ka si omeya mOhakweenyanga. Opolisi oye ya ihe inayi vulu okukonga olutu lwe molwaashoka okwa li kwa toka. Olutu lwe olwa monika owala esiku lya landula,” Shipanga a popi.
Sho a popitha aakwashigwana mboka ya li poondama ndhoka mbali, kOmanda gwopolisi yaNgwediva, Elizabeth Nashandi, okwa pula aakwashigwana ya lombwele aanona opo ka ya dhane momeya, molwaashoka osha nika oshiponga.
Mosoondaha omulumentu gwoomvula 20 omukwashigwana gwaChina a tumbulwa kedhina kutya, Li Kaiwei ngoka a li omuniilonga mostola mOutapi okwa si omeya mondama ya Olushandja/Etaka. Kaiwei, okwa za koshitopolwa shaFujian province koChina, na okwa li pamwe nAaChina yakwawo pethimbo oshiningwanima shoka sha holoka.
Opolisi mOmahenene oya patulula epeko lyomapulaapulo.
Metine lyoshiwike sha piti, okanona komvula yimwe, Isabel Ndashitika oka hulitha konima sho ka gwile mongoma yotombo molukanda Onawa mOshakati.
Palopota yopolisi, Ndashitika, okwa adhika mongoma yotombo kuyina, na itaku fekelwa uulingilingi.
ILENI NANDJATO
Comments
Namibian Sun
No comments have been left on this article