Aaniilonga yepangelo ya pulwa ya longithe omasiku gawo gomafudho

Aaniilonga yepangelo oya kunkililwa opo ya tameke okulongitha omasiku gawo gomafudho muule womvula, nenge ya kanithe omasiku ngoka.Omupeha Amushanga mOmbelewa yOmuprima gwoshiongo, Tuyakula Haipinge okwa tseyithile ngaaka aaniilonga yepangelo, momukanda ngoka gwa pithithwa omasiku ga piti, shalandula omalunduluko ngoka ga ningwa moPublic Service Act of 1995.Haipinge okwa popi kutya aaniilonga yepangelo otaya ka pewa uule woomwedhi hamano opo ya kuthe omasiku gawo gefudho, naangoka inaga longitha otaga ka kana.“Ontopolwa onti 23(2) yEkotampango lyAaniilonga oya utha kutya efudho lyokomvula nali kuthwe muule woomwedhi 12. Ngele opwa holoka sha shoka inashi pitika omuniilonga ngoka a kuthe efudho lye, nena na kale a kutha efudho lye ndyoka muule woomwedhi hamano, dha landulako,” Haipinge a yelitha.Haipinge okwa tsu omuthindo kutya omasiku ngoka taga ka kala inaga longithwa otaga ka kana.Okwa tsikile kutya aaniilonga oyendji itaya kuthaa omasiku gawo, nokweetitha ya kale ye na ondumba yomasiku, nonkalo ndjoka otayi kanithitha ekondololo lyomasiku gomafudho mepangelo.Oohamushanga miikondo ya yooloka okwa popiwa kutya otaya ka kwashilipaleka kutya aaniilonga oya uvako omulandu ngoka omupe.Haipinge okwa popi natango kutya oohamushanga naya kwashilipaleke kutya aaniilonga aape oya uvako omulandu ngoka, oshowo naku kwashilipalekwe kutya ogwa tulwa miilonga.Omupopiliko gwOmbelewa yOmuprima, Saima Shaanika, okwa popi kutya elombwelo ndyoka otali endele pamwe nelondwelo ndyoka lya pitithwa kOmuprima Minista Saara Kuugongelwa-Amadhila, momasiku 18 gaFebruali nuumvo. Pahapu dhaShaanika, okwa tulwa miilonga omulandu omipe ndhoka tadhi ka kwashilipaleka kutya omilandu ndhoka dha tulwa po otadhi tulwa miilonga, na otadhi ka gwanithwa po.OGONE TLHAGE

Aaniilonga yepangelo ya pulwa ya longithe omasiku gawo gomafudho

Comments

Namibian Sun 2026-07-23

Please login to leave a comment

Aaniilonga yepangelo ya pulwa ya longithe omasiku gawo gomafudho

Comments

Namibian Sun 2026-07-23

Please login to leave a comment

Subscription Required to Access Content ×

Login

Subscription Required to Access Content