Aaniilonga yaNBC yopakathimbo yahala iilonga tayi kalelele

OGONE TLHAGE OVENDUKAOkomitiye yaaniilonga yaNBC oya popi kutya oya hala okumona aaniilonga yopakathimbo mehangano ndyoka ya pewa oompito dhiilonga tadhi kalelele okuya mesiku lyotango lyomwedhi Juni.Nonando kape na omagwedhelo goondjambi nenge iifuta yokonima, aaniilonga mboka ye li kokondaalaka ngashiingeyi otaya ka pewa iilonga tayi kalelele, sha landula sho ekanka lyiiwike ine lya ningwa kaaniilonga ndyoka lya hulu.Omunashipundi gwokomitiye ndjoka, Johannes Lengi okwa popi kutya etsokumwe ndyoka lyadhika okuhulithapo aaniilonga yopakathimbo.“Otwa hala okumona shoka sha tulwa miilongaa okuya mesiku lyotango lyaJuni molwaashoka etsokumwe ndyoka olyomeendelelo,” Lengi a popi.Lengi okwa popi kombinga yoshikumungu shoondjambi kutya, osha li sha simana aaniilonga yapewe iimaliwa nonando oyali metsokumwe kutya ngele inaku longwa itaku futwa.Okwa popi kutya nonando aaniilonga oya zimine komulandu ngoka, nena sho ekanka lya hulu otashi kala oshidhigu kaaniilonga ya shune kiilonga yaahena iimaliwa.“Aaniilonga mboka ya li mekanka inaya mona oondjambi dhawo natango. Kaye na nkene ye na okuya kiilonga ngele kaye na sha,” Lengi a popi.Amushanga-ndjai gwoNamibia Public Workers Union (Napwu), Petrus Nevonga oshowo omunashipundi gwelelo lyaNBC, Lazarus Jacobs oshiwike sha piti oya popi kutya otaku longwa mo kutya aaniilonga mboka otaya futwa ondjambi yomwedhi Mei.Aaniilonga mboka ya kutha ombinga mekanka oya popi kutya ekanka olya yi moshipala iiyemo yawo. Shoka osha hala okutya aaniilonga pamwe otaya ka pula ya futwe oomweedhi komeho nenge ya landithepo omasiku gawo gomafudho kehangano opo ya vule okumona iimaliwa.“Ndjika onkalo yanayipala nayi,” gumwe gwomaaniilonga ina hala uukwatya we wutumbulwe a popi.Omuniilonga gumwe okwa popi konkalo moka etsokumwe lya adhika ta popi kutya NBC naNapwu oya nupo aaniilonga. Aaniilonga oyali owala yahala onkalo yonawa yiilonga, ihe osha kuthwako kutya oya hala owala iimaliwa, onzo yimwe ya holola.

Aaniilonga yaNBC yopakathimbo yahala iilonga tayi kalelele

Comments

Namibian Sun 2026-06-23

Please login to leave a comment

Aaniilonga yaNBC yopakathimbo yahala iilonga tayi kalelele

Comments

Namibian Sun 2026-06-23

Please login to leave a comment

Subscription Required to Access Content ×

Login

Subscription Required to Access Content