Aandonga ya limbililwa komananathano gelelo lyawo
Aakwashigwana melelo lyaNdonga oya popi kutya yo oye li momalimbililo omolwa omananathano gelelo ngoka geli melelo lyawo lyopamuthigululwakalo.
Shoka oshimwe shomaiyuvo ga ningwa koshigwana pethimbo lyomutumba gwaakwashigwana ngoka gwa ningwa mOlyomakaya mOndangwa, gwa unganekwa kaaleli yelelo ndyoka mboka ya tidhwa miilonga. Omutumba ngoka ogwa kaliwa kaantu ya thika po-500.
Aakwashigwana oya popi kutya kaye shi we kutya naya ka lopote omaupyakadhi gawo kule molwaashoka ngashiingeyi elelo ndyoka oli na oongundu mbali ndhoka tadhi kondjele elelo lyoshilongo.
Uupyakadhi owa tameke muApilili gwonuumvo, sho omukwaniilwa Immanuel Kauluma Elifas a ninguluka nokukutha oonkondo omuulikwa gwe nale
Fillemon Nangolo Shuumbwa, nonando okwa shangele ombaapila ominista yomayambulepo giitopolwa noondoolopa, mo-2002 ta popi kutya Shuumbwa oye omulanduli gwe.
Oonakutidhwa miilonga oya ka konga ekwatho lyOmpangu yoPombanda opo yi kuthe oonkondo etokolo lyaElifas. Mwaamboka ya tidhwa omwa kwatelwa omunashipundi nale gwelelo ndyoka Peter Kauluma oshowo ngoka a li omupopiliko gwelelo ndyoka Joseph Asino.
Yamwe po mbyoka ya tidhwa omwa kwatela omalenga omanene nale ngashi John Walenga, Ngoloneya nale gwaShikoto, Vilho Kamanya, Kashona kaMalulu, Tonata Ngulu naFillemon Nambili.
Mboka oya pingenwa po miilonga konima sho ya ndopa okuholoka komutumba gwomautho, ngoka ya holola kutya inagu ningwa pamulandu.
Oshigongi shomOlyomakaya osha kaliwa woo kaakalelipo yopaveta yookansela mboka ya tidhwa miilonga.
Hahende Elize Angula okwa popi kutya oonkambadhala adhihe ya ningi opo ya ye mekwatathano nomukwaaniilwa Elifas odha hulile muunyengwi. Angula okwa popi kutya uupyakadhi owa tameke sho ookansela mboka inaya popila ekutho miilonga lyamwene gwoshikandjo shUukwanambwa, Wilbard Lidker, ngoka apingenwa po kuEster Gwashamba Nepando muFebruali nuumvo.
“Pethimbo ndyoka sho nda kutha ko oshipotha shoka, Elelo lyaNdonga olya li tali yi kOmpangu, tali pula opo Minista Sophia Shaningwa ye moshipala etulo koshipundi ndyoka molwaashoka kali li paveta. Paveta minista ke na oonkondo dha sha molwaashaoka haye e na oonkondo dhokuulika aaleli. Onkene onda pula opo tu ninge oonkundathana nomukwaniilwa.”
Okwa gwedha po kutya Kauluma naAsino oya ningi oonkambadhala okumona omukwaniilwa ihe odha hulile muunyengwi.
“Konima nkene ookansela mboka ya tidhwa inaya lombwelwa, otwa li twa hala okukwashilipaleke ngele oye tuu aningi etokolo ndyoka. Oku na oonkondo shokushi ninga ihe ongele owala a landula omilandu dhelelo lyomidhigululwakalo,” Angula a tsikile.
Angula okwa ningile omapulo eshaino shoshihako shoka sha longithwa moombapila dhoka dha utha etitho dhookansela mboka.
Angula okwa tsikile kutya omukwaniilwa okwa ningilwa oshihako shoka osho sha kala tashi longithwa momakwatathano agehe ngoka. Okwa popi ishewe kutya elelo epe kali oonkondo dhelelo omanga elelo ndyoka ekulu li li miilonga natango.
Pethimbo lyomutumba ngoka gwa ningwa mehuliloshiwike omukokele gumwe okwa pula ongundu yoohahende yimanithe oshikumungu shoka opo omukwaniilwa a ka popye oshili mompangu.
Omupeha minista nale gwiikwanima niikwankondo,
Henock Ya Kasita okwa pula mboka ye na uumbangi ya longele kumwe naanambelewa yiikwaveta mboka opo oshikumungu shoka shi vule okumanithwa.
ILENI NANDJATO
Shoka oshimwe shomaiyuvo ga ningwa koshigwana pethimbo lyomutumba gwaakwashigwana ngoka gwa ningwa mOlyomakaya mOndangwa, gwa unganekwa kaaleli yelelo ndyoka mboka ya tidhwa miilonga. Omutumba ngoka ogwa kaliwa kaantu ya thika po-500.
Aakwashigwana oya popi kutya kaye shi we kutya naya ka lopote omaupyakadhi gawo kule molwaashoka ngashiingeyi elelo ndyoka oli na oongundu mbali ndhoka tadhi kondjele elelo lyoshilongo.
Uupyakadhi owa tameke muApilili gwonuumvo, sho omukwaniilwa Immanuel Kauluma Elifas a ninguluka nokukutha oonkondo omuulikwa gwe nale
Fillemon Nangolo Shuumbwa, nonando okwa shangele ombaapila ominista yomayambulepo giitopolwa noondoolopa, mo-2002 ta popi kutya Shuumbwa oye omulanduli gwe.
Oonakutidhwa miilonga oya ka konga ekwatho lyOmpangu yoPombanda opo yi kuthe oonkondo etokolo lyaElifas. Mwaamboka ya tidhwa omwa kwatelwa omunashipundi nale gwelelo ndyoka Peter Kauluma oshowo ngoka a li omupopiliko gwelelo ndyoka Joseph Asino.
Yamwe po mbyoka ya tidhwa omwa kwatela omalenga omanene nale ngashi John Walenga, Ngoloneya nale gwaShikoto, Vilho Kamanya, Kashona kaMalulu, Tonata Ngulu naFillemon Nambili.
Mboka oya pingenwa po miilonga konima sho ya ndopa okuholoka komutumba gwomautho, ngoka ya holola kutya inagu ningwa pamulandu.
Oshigongi shomOlyomakaya osha kaliwa woo kaakalelipo yopaveta yookansela mboka ya tidhwa miilonga.
Hahende Elize Angula okwa popi kutya oonkambadhala adhihe ya ningi opo ya ye mekwatathano nomukwaaniilwa Elifas odha hulile muunyengwi. Angula okwa popi kutya uupyakadhi owa tameke sho ookansela mboka inaya popila ekutho miilonga lyamwene gwoshikandjo shUukwanambwa, Wilbard Lidker, ngoka apingenwa po kuEster Gwashamba Nepando muFebruali nuumvo.
“Pethimbo ndyoka sho nda kutha ko oshipotha shoka, Elelo lyaNdonga olya li tali yi kOmpangu, tali pula opo Minista Sophia Shaningwa ye moshipala etulo koshipundi ndyoka molwaashoka kali li paveta. Paveta minista ke na oonkondo dha sha molwaashaoka haye e na oonkondo dhokuulika aaleli. Onkene onda pula opo tu ninge oonkundathana nomukwaniilwa.”
Okwa gwedha po kutya Kauluma naAsino oya ningi oonkambadhala okumona omukwaniilwa ihe odha hulile muunyengwi.
“Konima nkene ookansela mboka ya tidhwa inaya lombwelwa, otwa li twa hala okukwashilipaleke ngele oye tuu aningi etokolo ndyoka. Oku na oonkondo shokushi ninga ihe ongele owala a landula omilandu dhelelo lyomidhigululwakalo,” Angula a tsikile.
Angula okwa ningile omapulo eshaino shoshihako shoka sha longithwa moombapila dhoka dha utha etitho dhookansela mboka.
Angula okwa tsikile kutya omukwaniilwa okwa ningilwa oshihako shoka osho sha kala tashi longithwa momakwatathano agehe ngoka. Okwa popi ishewe kutya elelo epe kali oonkondo dhelelo omanga elelo ndyoka ekulu li li miilonga natango.
Pethimbo lyomutumba ngoka gwa ningwa mehuliloshiwike omukokele gumwe okwa pula ongundu yoohahende yimanithe oshikumungu shoka opo omukwaniilwa a ka popye oshili mompangu.
Omupeha minista nale gwiikwanima niikwankondo,
Henock Ya Kasita okwa pula mboka ye na uumbangi ya longele kumwe naanambelewa yiikwaveta mboka opo oshikumungu shoka shi vule okumanithwa.
ILENI NANDJATO
Comments
Namibian Sun
No comments have been left on this article