Aanaskola yaali ya hulithile moshiponga oshinyanyaleki
Oshigwana osha holola uukwawo wanankali nokugandja omahekeleko sha landula oshiponga shombesa shoka sha faalela oomwenyo dhaanaskola yaali yondondo onti 7 nokweehameka oyendji.
28 August 2019 | Accidents
Oshiponga shoka osha holoka ongula yOsoondaha popepi noKalkrand nomuhingi gwombesa okwa tulwa miipandeko omolwa okuhinga e li kohi yodhungo.
Omatumwalaka gomahekeleko okuza moshigwana oga gandjwa unene okupitila komapandja gomakwatathano gopamalungula, sha landula oshiponga shoka sha faalele omwenyo gwa Angela Maiba oshowo Jacques Venter, ayehe yoomvula 13.
Ongula yOmaandaha, aanaskola yamwe oya gongala poskola yoWindhoek Gymnasium Private School, mpoka ya tenteke oongala oshowo okutema uulehita mokudhimbuluka aanaskola yakwawo. Pauyelele mboka wa gandjwa kopolisi, oshiponga shoka oshinyanyaleki osha holoka konyala ookilometa 30 mUumbugantu waKalkrand mondjila yo B1 sho ombesa ya hiilwa opo yi vule okufala aanaskola yoskola yaWindhoek Gymnasium molweendo lwotula okuya ko Orange River ya thigi po ondjila nokugalangata lwopotundi onti 09:00 mOsoondaha.
Kakele kaanaskola mboka ya hulitha oyendji oya ehamekwa noonkondo.
Omupopiliko gwOpolisi, Chief Inspector Kauna Shikwambi okwa koleke koNamibian Sun kutya okwa patululwa oshipotha shedhipago lyaashi lyaashi lyoshiningilawina, okuhinga omuntu a longitha iikolwitha oshowo okuhinga nuuhasha.
Omuhingi ngoka e li omunamivo 33 okwa tulwa miipandeko, konima sho a fudhilidhwamo na okwa adhika a longitha iikolitha, nopehala lyoshiponga opwa adhika woo iikolitha.
Omuhingi gwombesa okwa tegelelwa a holoke mompangu oshiwike shika, na ina ehamekelwa moshiponga na okwa edhililwa moondjeedhililo yopolisi yaMalinda.
Ongundu yaanaskola ye li pe 120 oshowo aalongi oya li molweendo moombesa mbali dha hiilwa kehangano lyoSunshine Tours.
Aanaskola ayehe oshowo aalongi oya shunwa kOvenduka konima sho olweendo lwawo lwa kalekwa sha landula oshiponga.
Omapopyo gamwe inaga kolekwa komapandja gomakwatathano gopamalungula oga holola kutya omambesa ngoka gaali goSunshine Tours oga li ga monika ga thikama poshiponga shoka sha holoka koogulasha dhOsoondaha lwopotundi onti 01:00 sho eloli ndyoka lya li lyuuka kokapale kaHosea Kutako International Airport lya gu oshinano shookilometa 10 okuza mOvenduka.
Eloli ndyoka olya li lya humbata oobiila.
Otaku popiwa kutya aahingi yomambesa ngoka oya monika taya kutha oobiila nomambesa ngoka oga yi kOvenduka hoka gaka londeka aanaskola oshowo aalongi okuza poskola yaWindhoek Gymnasium okuya molweendo lwawo kOrange River.
Opolisi inayi vula okukoleka omapopyo ngoka.
Omukanda gwa pitithwa komukomeho gwehangano lyoCurro Holdings, Colette Rieckert, ogwa koleke omaso gaanaskola yaali yoposkola yaWindhoek Gymnasium.
“Curro Holdings otaya koleke kutya ombesa ya li ya humbata aanaskola yondondo oti7 oya ningi oshiponga pondje yaMalinda. Oshiponga shoka osha faalela oomwenyo dhaanaskola yaali nokweehameka yalwe.”
“Otwa haluthwa koshiponga shika na otatu ningi kehe shoka tatu vulu opo tu gandje omayambidhidho nokusapota aanaskola, aaniilonga oshowo oofamili.”
Okwa tsikile kutya egameno lyaanaskola naalongi oshinima sha simana kuyo na otaya kwashilipaleke kutya okwa tulwa miilonga omilandu ndhoka tadhi kala aluhe nokulandulwa opo ku kalekwepo egameno.
Okwa tsikile kutya omuhingi gwombesa ndjoka kali omuniilonga gwoWindhoek Gymnasium nenge Curro. Kombinga yoshipotha shokuhinga omuntu a longitha iikolitha shoka sha patululilwa omuhingi ngoka, Rieckert okwa popi kutya itaya ka thiga emanya lya londa kekwawo, na otaya ka kwathela opolisi momakonaakono gawo. Ehangano lyoSunshine Tours olya koleke metumwala efupi kutya limwe lyomomambesa gawo ngoka gali molweendo okuya Orange River olya ningi oshiponga na oya uvithwa nayi noonkondo komaso gaanaskola mboka yaali oshowo yakwawo mboka ya ehamekwa.
Oya gandja omahekeleko gawo koofamili, nokuhalela eyaluko lyombala mboka yeehamekwa.
Iiponga yilwe
Miiponga yilwe mbyoka yaholoka mehuliloshiwike ele lyEsiku lyOmapendafule, aakiintu yane oya hulitha miiponga yopaali ya holoka mEtine, konima sho miihauto moka ya li ya gu nokugalangata mondjila yo B1 popepi nOtavi moshitopolwa shaTjozondjupa.
Omukiintu pamwe nokanona ke kokamati koomwedhi 8 oya hulitha mEtine kongulohi momukunda Kambumbu moKavango West, konima sho ya pumwa komuhingi keena ombaapila yokuhinga.
Aantu yaali oya hulitha sho ohauto moka ya li ya gu nokugalangata oshinano shookilometa 20 pondje mo //Karas Region ongulohi yEtine.
Pauyelele wa gandjwa kehangano lyoMotor Vehicle Accident (MVA) Fund, konyala aantu 66 oya kanitha oomwenyo dhawo miiponga yi li 376, omanga aantu 635 ya ehamekelwa miiponga momwedhi Aguste muule woomvula ntano dha piti.
ELLANIE SMIT
Omatumwalaka gomahekeleko okuza moshigwana oga gandjwa unene okupitila komapandja gomakwatathano gopamalungula, sha landula oshiponga shoka sha faalele omwenyo gwa Angela Maiba oshowo Jacques Venter, ayehe yoomvula 13.
Ongula yOmaandaha, aanaskola yamwe oya gongala poskola yoWindhoek Gymnasium Private School, mpoka ya tenteke oongala oshowo okutema uulehita mokudhimbuluka aanaskola yakwawo. Pauyelele mboka wa gandjwa kopolisi, oshiponga shoka oshinyanyaleki osha holoka konyala ookilometa 30 mUumbugantu waKalkrand mondjila yo B1 sho ombesa ya hiilwa opo yi vule okufala aanaskola yoskola yaWindhoek Gymnasium molweendo lwotula okuya ko Orange River ya thigi po ondjila nokugalangata lwopotundi onti 09:00 mOsoondaha.
Kakele kaanaskola mboka ya hulitha oyendji oya ehamekwa noonkondo.
Omupopiliko gwOpolisi, Chief Inspector Kauna Shikwambi okwa koleke koNamibian Sun kutya okwa patululwa oshipotha shedhipago lyaashi lyaashi lyoshiningilawina, okuhinga omuntu a longitha iikolwitha oshowo okuhinga nuuhasha.
Omuhingi ngoka e li omunamivo 33 okwa tulwa miipandeko, konima sho a fudhilidhwamo na okwa adhika a longitha iikolitha, nopehala lyoshiponga opwa adhika woo iikolitha.
Omuhingi gwombesa okwa tegelelwa a holoke mompangu oshiwike shika, na ina ehamekelwa moshiponga na okwa edhililwa moondjeedhililo yopolisi yaMalinda.
Ongundu yaanaskola ye li pe 120 oshowo aalongi oya li molweendo moombesa mbali dha hiilwa kehangano lyoSunshine Tours.
Aanaskola ayehe oshowo aalongi oya shunwa kOvenduka konima sho olweendo lwawo lwa kalekwa sha landula oshiponga.
Omapopyo gamwe inaga kolekwa komapandja gomakwatathano gopamalungula oga holola kutya omambesa ngoka gaali goSunshine Tours oga li ga monika ga thikama poshiponga shoka sha holoka koogulasha dhOsoondaha lwopotundi onti 01:00 sho eloli ndyoka lya li lyuuka kokapale kaHosea Kutako International Airport lya gu oshinano shookilometa 10 okuza mOvenduka.
Eloli ndyoka olya li lya humbata oobiila.
Otaku popiwa kutya aahingi yomambesa ngoka oya monika taya kutha oobiila nomambesa ngoka oga yi kOvenduka hoka gaka londeka aanaskola oshowo aalongi okuza poskola yaWindhoek Gymnasium okuya molweendo lwawo kOrange River.
Opolisi inayi vula okukoleka omapopyo ngoka.
Omukanda gwa pitithwa komukomeho gwehangano lyoCurro Holdings, Colette Rieckert, ogwa koleke omaso gaanaskola yaali yoposkola yaWindhoek Gymnasium.
“Curro Holdings otaya koleke kutya ombesa ya li ya humbata aanaskola yondondo oti7 oya ningi oshiponga pondje yaMalinda. Oshiponga shoka osha faalela oomwenyo dhaanaskola yaali nokweehameka yalwe.”
“Otwa haluthwa koshiponga shika na otatu ningi kehe shoka tatu vulu opo tu gandje omayambidhidho nokusapota aanaskola, aaniilonga oshowo oofamili.”
Okwa tsikile kutya egameno lyaanaskola naalongi oshinima sha simana kuyo na otaya kwashilipaleke kutya okwa tulwa miilonga omilandu ndhoka tadhi kala aluhe nokulandulwa opo ku kalekwepo egameno.
Okwa tsikile kutya omuhingi gwombesa ndjoka kali omuniilonga gwoWindhoek Gymnasium nenge Curro. Kombinga yoshipotha shokuhinga omuntu a longitha iikolitha shoka sha patululilwa omuhingi ngoka, Rieckert okwa popi kutya itaya ka thiga emanya lya londa kekwawo, na otaya ka kwathela opolisi momakonaakono gawo. Ehangano lyoSunshine Tours olya koleke metumwala efupi kutya limwe lyomomambesa gawo ngoka gali molweendo okuya Orange River olya ningi oshiponga na oya uvithwa nayi noonkondo komaso gaanaskola mboka yaali oshowo yakwawo mboka ya ehamekwa.
Oya gandja omahekeleko gawo koofamili, nokuhalela eyaluko lyombala mboka yeehamekwa.
Iiponga yilwe
Miiponga yilwe mbyoka yaholoka mehuliloshiwike ele lyEsiku lyOmapendafule, aakiintu yane oya hulitha miiponga yopaali ya holoka mEtine, konima sho miihauto moka ya li ya gu nokugalangata mondjila yo B1 popepi nOtavi moshitopolwa shaTjozondjupa.
Omukiintu pamwe nokanona ke kokamati koomwedhi 8 oya hulitha mEtine kongulohi momukunda Kambumbu moKavango West, konima sho ya pumwa komuhingi keena ombaapila yokuhinga.
Aantu yaali oya hulitha sho ohauto moka ya li ya gu nokugalangata oshinano shookilometa 20 pondje mo //Karas Region ongulohi yEtine.
Pauyelele wa gandjwa kehangano lyoMotor Vehicle Accident (MVA) Fund, konyala aantu 66 oya kanitha oomwenyo dhawo miiponga yi li 376, omanga aantu 635 ya ehamekelwa miiponga momwedhi Aguste muule woomvula ntano dha piti.
ELLANIE SMIT
Classifieds