Aanaskola 90 mongulu yimwe moRundu
KENYA KAMBOWE
RUNDU
Okwa holoka uutile omolwa onguluskola dhuudha noonkondo, kutya otashi tula moshiponga shoCovid-19, aanaskola mooskola dhomoRundu.
Okwa hololwa kutya oongulu dhimwe odhi na aaanaskola ya thika po 90.
Omanga epangelo lya tseyitha oshiwike sha piti kutya ooskola nadhi tameke okulonga nomwaalu dhiihwapo moongulu, aalongi yamwe moRundu oye na uutile kutya etokolo ndyoka edhigu kooskola dhomondoolopa ndjoka, ndhoka dha lulilwa komwaalu omunene gwaanaskola moongulu.
Kwiikwatelelwa komunambelewa omukomeho gwelongo moshitopolwa shaKavango East, Fanuel Kapapero, omukundu ngoka ogwa kala gwa taalela ooskola dhawo uule woomvula odhindji.
“Itashi vulika kooskola dhimwe dhi tameke okulonga nomwaalu gwiihwapo. Otatu kundathana natango nkene tu na okushi tula miilonga. Aavali otaya ka ningwa nayo ekwatathano.
Ooskola ngaashi Sauyemwa, Ndama nodhindji odhuudha noonkondo, naashoka oshi li omukundu omunene,” Kapapero a popi.
Omanga ombuto yoCovid-19 inayi tameka, oNamibian Sun oya li ya lopota kutya onkalo yaanaskola yomwaalu omunene moonguluskola moRundu, oshi li omukundu omunene gwa taalela ooskola dhomomudhingoloko ngoka, nonando okwa tulwa miilonga omulandu gwootundi dhopaali mesiku, ootundi dhongula nootundi dhomutenya.
Oskola yedhina Ndama Combined School oyi na aanaskola yeli pe 114 mongulu yimwe, omanga ompumbwe yiipundi tayi thiminike aanaskola ya kale ya thikama omanga taya longwa.
Omvula ya piti oNamibia Sun oya talelepo oskola ndjoka na oya a dha ondondo onti 6 yi na aanaskola 90, nonando omulandu gwepangelo otagu utha omulongi kehe a kale naanaskola 30.
Sho omulandu gwekeelelo lyoCovid-19 tagu pula eikalo kokule oshinano shoometa 1.5, shoka otashi ka kala oshidhigu kooskola ndhoka.
Kapapero okwa popi kutya otaku tungwa oskola ompe moNdama ndjoka tayi ka kandulapo omukundu gwendumbakano lyaanaskola moongulu.
RUNDU
Okwa holoka uutile omolwa onguluskola dhuudha noonkondo, kutya otashi tula moshiponga shoCovid-19, aanaskola mooskola dhomoRundu.
Okwa hololwa kutya oongulu dhimwe odhi na aaanaskola ya thika po 90.
Omanga epangelo lya tseyitha oshiwike sha piti kutya ooskola nadhi tameke okulonga nomwaalu dhiihwapo moongulu, aalongi yamwe moRundu oye na uutile kutya etokolo ndyoka edhigu kooskola dhomondoolopa ndjoka, ndhoka dha lulilwa komwaalu omunene gwaanaskola moongulu.
Kwiikwatelelwa komunambelewa omukomeho gwelongo moshitopolwa shaKavango East, Fanuel Kapapero, omukundu ngoka ogwa kala gwa taalela ooskola dhawo uule woomvula odhindji.
“Itashi vulika kooskola dhimwe dhi tameke okulonga nomwaalu gwiihwapo. Otatu kundathana natango nkene tu na okushi tula miilonga. Aavali otaya ka ningwa nayo ekwatathano.
Ooskola ngaashi Sauyemwa, Ndama nodhindji odhuudha noonkondo, naashoka oshi li omukundu omunene,” Kapapero a popi.
Omanga ombuto yoCovid-19 inayi tameka, oNamibian Sun oya li ya lopota kutya onkalo yaanaskola yomwaalu omunene moonguluskola moRundu, oshi li omukundu omunene gwa taalela ooskola dhomomudhingoloko ngoka, nonando okwa tulwa miilonga omulandu gwootundi dhopaali mesiku, ootundi dhongula nootundi dhomutenya.
Oskola yedhina Ndama Combined School oyi na aanaskola yeli pe 114 mongulu yimwe, omanga ompumbwe yiipundi tayi thiminike aanaskola ya kale ya thikama omanga taya longwa.
Omvula ya piti oNamibia Sun oya talelepo oskola ndjoka na oya a dha ondondo onti 6 yi na aanaskola 90, nonando omulandu gwepangelo otagu utha omulongi kehe a kale naanaskola 30.
Sho omulandu gwekeelelo lyoCovid-19 tagu pula eikalo kokule oshinano shoometa 1.5, shoka otashi ka kala oshidhigu kooskola ndhoka.
Kapapero okwa popi kutya otaku tungwa oskola ompe moNdama ndjoka tayi ka kandulapo omukundu gwendumbakano lyaanaskola moongulu.
Comments
Namibian Sun
No comments have been left on this article