Aanaskola 1 600 ya thigi po omanongelo omolwa omategelelo
Omiyalu dhopambelewa odha holola kutya oopresenda 36 dhaanaskola moNamibia yoomvula 13 sigo 15 otaya yi momilalo nokutila omahooli konkalo yomategelelo mokati kaanona aashona ndjoka ya nayipala nayi moshilongo.
JEMIMA BEUKES
OVENDUKA
Aanona yaakadhona moNamibia yeli lwo po 20 000 oya thigipo ooskola pokati komvula yo 2008 sigo 2020.
Aanona moNamibia yoomvula okuza po 11 otaku popiwa taya yi momilalo opo ya vule okwiimonena uukwathitho wawo, iikulya oshowo oompumbwe dhilwe, pahapu dhaAyesha Wentworth omunambelewa muuministeli welongo.
Uuyelele mboka owa hololwa ethimbo lyoompata dhopashigwana kombinga ngele naku tulwe miilonga ompango tayi pitika ekuthemo lyomategelelo nenge inaku tulwa miilonga ompango ndjoka.
Iitopolwa ngaashi //Karas oshowo Kunene oyo ya monika omwaalu guli pombanda noopresenda 31 no 28 dhaanona ya ningi omategelelo omanga yeli pethimbo lyokuya kootundi.
Omiyalu dhoka inadhi kwatelamo aanaskola mboka natango taya tsikile nootundi dhawo.
Ethimbo ndika omwaalu guli pombanda ogwa dhidhilikwa moshitopolwa shaMusati moka mwa lopotwa aanaskola 562, omanga aanaskola 294 yomaanaskola yomwaalu ngoka inaya shuna kootundi.
Moshitopolwa sha //Karas, omwa lopotwa aanaskola o 19 ya ningi omategelelo naanaskola yatano yomaanaskola mboka inaya shuna kootundi.
Oopresenda 75 dhaanaskola mboka ya ningilwa omapulo oya holola kutya ooskola odha ninga nawa sho dha ningi oonkambadhala okukaleka mooskola aanaskola mboka ya ningi omategelelo sigo osho taya yi momafudho gokupulumutha.
Moshitopolwa shaHangwena aanona mboka yeli momategelelo oya popi kutya otaya ningilwa okatongo kuyakwawo oshowo kaalongi yawo yamwepo.
Omiyalu dhoka odha holola kutya oopresenda 36, dhaanona yoomvula 13 no 15 otaya yi momilalo.
Wentworth okwa gwedhapo kutya omwaalu gwomategelelo mokati kaanaskola ogwa londo pombanda unene pethimbo oshilongo shali sha patwa omolwa oCovid-19 mo 2020.
OVENDUKA
Aanona yaakadhona moNamibia yeli lwo po 20 000 oya thigipo ooskola pokati komvula yo 2008 sigo 2020.
Aanona moNamibia yoomvula okuza po 11 otaku popiwa taya yi momilalo opo ya vule okwiimonena uukwathitho wawo, iikulya oshowo oompumbwe dhilwe, pahapu dhaAyesha Wentworth omunambelewa muuministeli welongo.
Uuyelele mboka owa hololwa ethimbo lyoompata dhopashigwana kombinga ngele naku tulwe miilonga ompango tayi pitika ekuthemo lyomategelelo nenge inaku tulwa miilonga ompango ndjoka.
Iitopolwa ngaashi //Karas oshowo Kunene oyo ya monika omwaalu guli pombanda noopresenda 31 no 28 dhaanona ya ningi omategelelo omanga yeli pethimbo lyokuya kootundi.
Omiyalu dhoka inadhi kwatelamo aanaskola mboka natango taya tsikile nootundi dhawo.
Ethimbo ndika omwaalu guli pombanda ogwa dhidhilikwa moshitopolwa shaMusati moka mwa lopotwa aanaskola 562, omanga aanaskola 294 yomaanaskola yomwaalu ngoka inaya shuna kootundi.
Moshitopolwa sha //Karas, omwa lopotwa aanaskola o 19 ya ningi omategelelo naanaskola yatano yomaanaskola mboka inaya shuna kootundi.
Oopresenda 75 dhaanaskola mboka ya ningilwa omapulo oya holola kutya ooskola odha ninga nawa sho dha ningi oonkambadhala okukaleka mooskola aanaskola mboka ya ningi omategelelo sigo osho taya yi momafudho gokupulumutha.
Moshitopolwa shaHangwena aanona mboka yeli momategelelo oya popi kutya otaya ningilwa okatongo kuyakwawo oshowo kaalongi yawo yamwepo.
Omiyalu dhoka odha holola kutya oopresenda 36, dhaanona yoomvula 13 no 15 otaya yi momilalo.
Wentworth okwa gwedhapo kutya omwaalu gwomategelelo mokati kaanaskola ogwa londo pombanda unene pethimbo oshilongo shali sha patwa omolwa oCovid-19 mo 2020.
Comments
Namibian Sun
No comments have been left on this article