Aananime itaya popile emino lyevi

Aakwashigwana mboka otaya lundile elelo lyUukwambi Traditional Authority (UTA) kutya otali gandja kaanangeshefa opo ya mine evi okuza momukunda gwawo omanga inaya ninga oonkundathana naanamukunda, naanamukunda kaye na kutya otaya mono uuwanawa washa.Molyomakaya aanamukunda mboka oya ningi ehololomadhilaadhilo yeli ompinge nemino lyevi epe ndyoka lya tamekwa ishewe komunangeshefa Ben Zaaruka gwoongeshefa dhoBenz Building oshowo Stantoll Properties.Omupopiliko gwaakwashigwana mboka, Susan Herman, okwa popi kutya inaya ningilwa etseyitho lya sha omanga Zaaruka ina tameka okumina evi okuza momukunda gwawo noonkambadhala ndhoka ya ningi opo ya vule okumona omunangeshefa ngoka odha hulile muunyengwi.“Zaaruka okwa ndopa okutupa uunzapo woenvironmental clearance certificate oshowo uumbangi wiikundathana yiigongi mbyoka a ningi noshigwana. Iikando yontumba iilyo yokomitiye yOnanime Sand Mining Committee oya kambadhala oku mu hiya kiigongi ihe okwa kala owala ta gandja omaipopilo,” Herman a popi.Herman okwa popi kutya Zaaruka okwa kala nokugandja omaipopilo ngaashi kutya tango okwa li tayi koshituthi shedhimbuluko lyevalo lyomukokoli presidende Sam Nujoma, nolutiyali okwali tayi kohango ya Advocate Vekuii Rukoro.Herman okwa tsikilile kutya emino lyevi okuza momukunda gwawo otali tsikile inaku ningwa oonkundathana noshigwana noshigwana itashi mono uuwanawa washa okuza memino ndyoka.Sho a ningwa naye ekwatathano, mwene gwomukunda Onamine Primus Hango okwa popi kutya iha kala momukunda ngoka, na ke na ontseyo yaashoka tashi inyenge momukunda gwe.“Ondi na omuyambidhidhi gwandje momukunda na inaya lombwelandje kombinga yaashoka tashi inyenge sholudhi ndoka. Kombinga yaZaaruka a pewa uuthemba wokumina evi mOnamine shoka oshinakugwanithwa shUukwambi Traditional Authority. Oyo haya gandja uuthemba mboka. Tse ooyene yomukunda okuya kwathela owala okuya pa evi ngele opo li li,” Hango a popi.Omupopiliko gwelelo lyUukwambi, Reinhold Iita ina vula okumonika sho ongodhi ye ya li ya dhima omanga Zaaruka a popi kutya ita vuluokupopya molwaashoka oku li koshituthi shopamuthigululwakalo kOkahandja.Mumaalitsa nuumvo, Minista Pohamba Shifeta okwa gandja elombwelo lyekutho lyoonkondo uunzapo mboka wa gandja oonkondo kelelo lyUukwambi opo li vule okupitika omamino gevi mEkamba oshowo Onanime, ta popi kutya aakwashigwana oye na uumbangi kutya inaya ningwa nayo oonkundathana tango.ILENI NANDJATO

Aananime itaya popile emino lyevi

Comments

Namibian Sun 2025-12-25

Please login to leave a comment

Aananime itaya popile emino lyevi

Comments

Namibian Sun 2025-12-25

Please login to leave a comment

Subscription Required to Access Content ×

Login

Subscription Required to Access Content