Aanangeshefa ye li momalimbililo
Ehangano lyoRoads Authority (RA) olya popi kutya omaindilo gootendela dhokuwapaeka oshowo okuwaleka oopate ngoka ga pata nale muFebruali moka omahangano ogendji ga futu omakwashilipaleko giiyemo okuza koombaanga gomwaalu gwoomiliyona odhindji, inaga talika natango.
Omahangao ga thika po 800 oga ningi omaindilo ngoka neinekelo kutya ookondolaka ndhoka otadhi ka endelelithwa sho omakwashilipaleko giiyemo okuza koombaanga ga futwa, ihe nonando ongaaka ha omahangano agehe ge shi pondola okumona omakwashilipaleko ngoka.
Omahangano ogendji oga nyenyeta koshifokundaneki shoNamibian Sun omolwa ootendela ndhoka itadhi manithwa natango okupitithwa nonando omahangano oga longitha iimaliwa yago mokulanda omakwashilipaleko okuza koombaanga, nangashiingeyi omakwashilipaleko gawo oga ningi oomweedhi dha thika putano itaga longo sha, nonando otaya kondjo nuudhigu opo ya vule okuhupa.
Omaindilo ngoka oga kwatelamo okuwapaleko omahala gontumba oshowo okulonga oopate na oga tseyithwa muDesemba gwomvula ya piti, na oga li ga pata momwedhi Februali. Omahangano ga thika po 350 oga ningi omaindilo ngoka gokuwapaleka momahala ngaashi Oshakati, Otjiwarongo, Keetmanshoop oshowo Ovenduka. Omahangano galwe ge li po 36 oga ningi omaindilo okulonga oopate mOtjiwarongo, omanga geli 140 ga ningi omaindilo okuwapaleka omwiidhi okuza pooha dhopate mOshakati, Otjiwarongo nOvenduka.
Iilonga yilwe ya gwedhwa po oya tseyithwa moKeetmanshoop, Otjiwarongo, Oshakati oshowo Ovenduka, nomahangano ga thika poo 330 oga ningi omaindilo.
Pamilando, omakwashilipaleko ngoka goombaanga oge na owala ongushu yuule womasiku 18, na otashi ulike kutya ngashiingeyi okuna owala omasiku 30. Sho a yamukula komapulo, Omunambelewa Omukuluntu gwoRA, Conrad Lutombi, okwa popi kutya kape na ootendela dha gwandja natango ihe ehogololo lyaamboka taya pewa otendela otali pula komeho.
Lutombi okwa tsikile kutya omakwashilipaleko giimaliwa ngoka ga ningwa omaindilo kaanangeshefa okuza koombaanga oge li natango koombaanga, nehangano lyawo inali mona iiyemo ya sha okuza koombaanga natango. Lutombi okwa tsikile kutya mboka taya pewa ootendela ndhoka otaya ka tseyithwa owala uuna omulandu gwe gandjo lyootendela gwa pu.
Omunambelewa ngoka okwa tsikile kutya ehangano lyawo oli na okulandula omilandu ndhoka dha tulwa po kepangelo uuna tali gandja ootendala.
Mumaalitsa nuumvo epangelo olya tseyitha kutya ekwashilipaleko lyoshimaliwa okuza koombaanga otashi kala shimwe shomiipumbiwa kwaamboka taya ningi omaindilo gooteendela dhepangelo.
Ongushu yomakwashilipaleko ngoka ohayi yalulwa noopresenda dhomwaalu gwontumba kongushu yomwaalu gwiimaliwa ngoka tagu ka pumbiwa mokulongithwa miilonga yootendela ndhoka.
Ekwashilipaleko ndyoka oli li po onga egameno lyepangelo okuza kekano ngele nakuninga eindilolyotenela okwa ka kala ina hala we iilonga mbyoka a pewa nenge a tindi okushaina okondalaka.
Shoka otashi keelele oonakuninga omaindilo ya kale inaya hala we ootendea ndhoka molwaasha otashi ka etitha ya kanithe iimaliwa yawo yekwashilipaleko okuza koombaanga.
Lwopokati mpoka onkalo yeliko lyoshilongo Namibia oya tula moshiponga shompumbwe yiimaliwa omahangano ogendji unene ngoka omashona naangoka gopokati.
Omupresidende Hage Geingob naye nuumvo okwa li a popi kutya etokolo okushunitha pevi omwaalu gwiimaliwa mbyoka tayi longithwa kepangelo olya gumu nayi eliko lyoshilongo oshowo oongeshefa.
Namibia okwa tokola okushunitha pevi omwaalu gwiimaliwa yepangelo mbyoka ha longithwa mo 2016, omolwa onkalo yeliko tayi shongola. Etetulo ndyoka olya etitha epangelo li ende kashona mokufuta omayakulo komahangano ngoka haga ningi ongeshefa nepangelo, naashoka osha tula moshiponga omahangano gamwe ngoka unene ga kala giikolelela kepangelo, gamwe oga pata omiyelo nokuli.
ELLANIE SMIT
Omahangano ogendji oga nyenyeta koshifokundaneki shoNamibian Sun omolwa ootendela ndhoka itadhi manithwa natango okupitithwa nonando omahangano oga longitha iimaliwa yago mokulanda omakwashilipaleko okuza koombaanga, nangashiingeyi omakwashilipaleko gawo oga ningi oomweedhi dha thika putano itaga longo sha, nonando otaya kondjo nuudhigu opo ya vule okuhupa.
Omaindilo ngoka oga kwatelamo okuwapaleko omahala gontumba oshowo okulonga oopate na oga tseyithwa muDesemba gwomvula ya piti, na oga li ga pata momwedhi Februali. Omahangano ga thika po 350 oga ningi omaindilo ngoka gokuwapaleka momahala ngaashi Oshakati, Otjiwarongo, Keetmanshoop oshowo Ovenduka. Omahangano galwe ge li po 36 oga ningi omaindilo okulonga oopate mOtjiwarongo, omanga geli 140 ga ningi omaindilo okuwapaleka omwiidhi okuza pooha dhopate mOshakati, Otjiwarongo nOvenduka.
Iilonga yilwe ya gwedhwa po oya tseyithwa moKeetmanshoop, Otjiwarongo, Oshakati oshowo Ovenduka, nomahangano ga thika poo 330 oga ningi omaindilo.
Pamilando, omakwashilipaleko ngoka goombaanga oge na owala ongushu yuule womasiku 18, na otashi ulike kutya ngashiingeyi okuna owala omasiku 30. Sho a yamukula komapulo, Omunambelewa Omukuluntu gwoRA, Conrad Lutombi, okwa popi kutya kape na ootendela dha gwandja natango ihe ehogololo lyaamboka taya pewa otendela otali pula komeho.
Lutombi okwa tsikile kutya omakwashilipaleko giimaliwa ngoka ga ningwa omaindilo kaanangeshefa okuza koombaanga oge li natango koombaanga, nehangano lyawo inali mona iiyemo ya sha okuza koombaanga natango. Lutombi okwa tsikile kutya mboka taya pewa ootendela ndhoka otaya ka tseyithwa owala uuna omulandu gwe gandjo lyootendela gwa pu.
Omunambelewa ngoka okwa tsikile kutya ehangano lyawo oli na okulandula omilandu ndhoka dha tulwa po kepangelo uuna tali gandja ootendala.
Mumaalitsa nuumvo epangelo olya tseyitha kutya ekwashilipaleko lyoshimaliwa okuza koombaanga otashi kala shimwe shomiipumbiwa kwaamboka taya ningi omaindilo gooteendela dhepangelo.
Ongushu yomakwashilipaleko ngoka ohayi yalulwa noopresenda dhomwaalu gwontumba kongushu yomwaalu gwiimaliwa ngoka tagu ka pumbiwa mokulongithwa miilonga yootendela ndhoka.
Ekwashilipaleko ndyoka oli li po onga egameno lyepangelo okuza kekano ngele nakuninga eindilolyotenela okwa ka kala ina hala we iilonga mbyoka a pewa nenge a tindi okushaina okondalaka.
Shoka otashi keelele oonakuninga omaindilo ya kale inaya hala we ootendea ndhoka molwaasha otashi ka etitha ya kanithe iimaliwa yawo yekwashilipaleko okuza koombaanga.
Lwopokati mpoka onkalo yeliko lyoshilongo Namibia oya tula moshiponga shompumbwe yiimaliwa omahangano ogendji unene ngoka omashona naangoka gopokati.
Omupresidende Hage Geingob naye nuumvo okwa li a popi kutya etokolo okushunitha pevi omwaalu gwiimaliwa mbyoka tayi longithwa kepangelo olya gumu nayi eliko lyoshilongo oshowo oongeshefa.
Namibia okwa tokola okushunitha pevi omwaalu gwiimaliwa yepangelo mbyoka ha longithwa mo 2016, omolwa onkalo yeliko tayi shongola. Etetulo ndyoka olya etitha epangelo li ende kashona mokufuta omayakulo komahangano ngoka haga ningi ongeshefa nepangelo, naashoka osha tula moshiponga omahangano gamwe ngoka unene ga kala giikolelela kepangelo, gamwe oga pata omiyelo nokuli.
ELLANIE SMIT
Comments
Namibian Sun
No comments have been left on this article