Aanamukunda taya ende iinano iile mokukonga omeya

ILENI NANDJATOOmpumbwe yomeya momudhingoloko gwaShikunde moshitopowa shaHangwena oya thiminike omunyasha gwoomvula 23, Lazarus Thomas opo a kale ta tekele omeya anaamukunda yawo unene mboka taya nyengwa okwiimonena omeya, okuza mOmundaungilo, naashoka ote shi ningi pwaahena iifuta yasha.Thomas oha longitha oondoongi dhe, okukatala omeya kehe esiku momukunda Omhito mOmundaungilo, okuza mOshikunde iikando iyali mesiku. Oshikunde otashi adhika pokati kOmundaungilo nOkongo niikandjo mbyoka ohayi mono omeya okuza momuthima dhomevi dhOhangwena aquifer, ihe omalelo oga popi kutya omeya gomOshikunde oge na oshimongwa na itaga vulu okulongithwa kaakwashigwana. Omayamukulo ngoka oga gandjwa konima sho kwa thewa oomboola dhontumba momudhingoloko ngoka.Pahapu dhakansela gwoshikandjohogololo Oshikunde, Lonia Kaishungu, aakwashigwana mboka oyiikolelela owala moondoongi, ndhoka haya longitha okukakonga omeya komahala gokokule.Pahapu dhaThomas, oha penduka ongula potundi 03:00 kehe mesiku opo a ka konge omeya okuza kOmhito omanga ina shuna ko ishewe omutenya.Okwa popi kutya oha longitha omandini gaandjawo mokukateka omeya ngoka ha ka gandja kaakashigwana yomomukunda gwawo mboka yeli mompumbwe. “Okokule noonkondo nethimbo limwe oondoongi ohadhi ende kashona molwaashoka odha loloka. Ohandi yi ongula molwaashoka ohaku kala kuudha noonkondo. Ohandi shi ningi kehe mesiku.” Thomas, ngoka a hulila mondondo ontimulongo okwa popi kutya oha kala nomukumo omolwa aakokele yo momidhingoloko gwawo, mboka haye ya kuye opo e ke ya talele omeya. “Ondi na ohokwe yokuya kwatha molwaashoka otashi uvitha nayi oku tala aantu taya longitha omeya ngoka haga nuwa kiimuna omolwa ompumbwe yomeya, omanga tandi vulu okuya kwathela. Yamwe mboka taya vulu ohaya pendje iimaliwa onga olupandu ihe mboka itaya vulu ihaya pendje sha na ohandi ya kwathele owala.”Kansela Kaishungu okwa popi kutya aakwashigwana ye otaya mono iihuna mokweenda iinano iile taya kongo omeya gokunwa. Okwa tsikile kutya moshikandjo she omwa tulwa oomboola hamano mo 2013 ihe itadhi longo molwaashoka inadhi pwa okulongwa.Oombola ndhoka odhili oshitopolwa shoomboola 104, dhoka dha longululwa mekwathelo lyepangelo lyaSouth Afrika sho lya gandja omagano goomiliyona, 100 kuNamibia opo a vule okulonga oomboola dhe.MuAguste gwonuumvo, omukalelipo gwaSouth Afrika moNamibia, okwa lombwele oNamibian Sun kutya, oRand Water, ehangano enene lyeyandjakaneko lyomeya moshilongo shawo oshowo omwaandjakaneki gwomeya moshitopolwa shaGauteng, okwa pewa oshinakugwanithwa shokulongululaa oomboola ndhoka.Omupeha omukomeho omukalelipo gwaSA, Eli Bitzer, okwa tseyithile oNamibian Sun kutya ehangano ndyoka olyiipyakidhila nomalongekidho, oshowo egandjo lyomadheulo kaakwashigwana nkene ku na okulongithwa oomboola ndhoka, omanga inadhi tameka okulonga, konima sho etsokumwe shainwa momasiku 15 gaJuni 2015. Omupopiliko guuministeli wuunamapya, Margaret Kalo, okwa popi kutya uuministeli wawo melongelo kumwe nombelewa yOmuprima, oya mboola oombola dhili 104, 25 Zambezi, 14 Kavango East, 17 Kavango West, 16 Ohangwena, 21 Kunene oshowo 11 Omaheke. Pahapu dhaBitzer, iilonga oya tameka pomahala gaali goomboola tadhi adhika popepi noRundu, moKahururu oshowo moNcamahoro.Kaishungu okwa popi kutya uuna etungo lyoomboola ndhoka lya pu, e tadhi tameke okulonga nena aakwashigwana ye otaya ka pepelelwa okuza monkalo ndjoka.Okwa tsikile kutya oye na oprogramma yoku gandja omeya komikunda dhoka dhi na enota moshitopolwa shawo.Omakonaakono ngoka ga ningwa oga ulike kutya okwa pumbwa okukwatakanithwa omunino gwomeya pokati komukunda Ohandiba, Eenhana nOndobe.Kansela gwoshikandjohogololo Omundaungilo, Festus Ikanda, okwa pula etotepo lyoshiketha tashi ithanwa Constituency Development Fund shoka tashi ka pitika ookansela ya vule okukala niiyemo yokukwatela komeho oopoloyekadhaakwashigwana miikandjo yawo.

Aanamukunda taya ende iinano iile mokukonga omeya

Comments

Namibian Sun 2025-06-20

Please login to leave a comment

Aanamukunda taya ende iinano iile mokukonga omeya

Comments

Namibian Sun 2025-06-20

Please login to leave a comment

Login