AaNamibia ye vulithe po 20 000 ya tuntilwa omolwa ocorona
Ominista yuundjolowele oya kolele kutya aakwashigwana ya thika po 20 315 oya tuntilwa onga omukalo gwokukeelela nokuhwepopaleka ombuto yoCovid-19.
NAMPA
OVENDUKA
Minista Kalumbi Shangula okwa popi ngaaka pethimbo lyomutumba 27 gwokugandja omauyelele kombinga yoCovid-19, ngoka gwa ningwa mEtine lyoshiwike sha piti.
Shangula okwa popi kutya okwa totwa po omandiki ga thika po 383 ga nuninwa okutuntilila aantu, moaa omandiki 181 taga kalelele omanga 154 taga endaenda nomahala geli 48 ogo pakathimbo.
“Otashi sitha omukumo sho AaNamibia oyendji taya yi ya ka tuntile. eyamukulo tali zi moshigwana otali etitha omukumo na otatu pula AaNamibia oyendji opo yaka tuntilwe,” Shangula a popi.
Shangula okwa popi kutya kape na ngoka taka shunithwako nokutindilwa ontuntila molwaashoka ke na uukwashigwana ngaashi sha lopotwa nokunyenyetwa kaakwashigwana yamwe mboka kaaye na aniwa omauthemba.
Minista okwa popi kutya mboka kaye na uukwashigwana otaya vulu okukalelwapo kwaamboka ye na uukwashigwana, nomikanda dhilwe ngaashi omakalata goshipangelo, uukalata wokuhogolola, oombaapila dhoongeleka nomikanda dhokuhinga otadhi vulu dhilongithwe.
“Oshigwana nashi tseyithilwe kutya ontuntila oya nuninwa AaNamibia ayehe oshali. Otatu tsikile nokugandja uuyelele mbuka onga oshitopolwa shetu shelongo lyoshigwana nomahwahwameko kombinga yotuntila yoCovid-19.”
Minista okwa popi kutya oshi li woo oshinakugwanithwa shAaNamibia ya kwashilipaleke kutya okwa yandwa omataandelitho gombuto ndjoka omape noshigwana oshiigamena nokulandula omilandu adhihe dhekandeko neigameno okuza kombuto ndjoka.
Namibia monena oku na iipotha yoCovid-19 yi li 1 619, moka aantu yeli 180 ye li miipangelo, 42 oyeli kointensive care units, omanga aantu yeli 638 kwa lopotwa ya hulitha.
OVENDUKA
Minista Kalumbi Shangula okwa popi ngaaka pethimbo lyomutumba 27 gwokugandja omauyelele kombinga yoCovid-19, ngoka gwa ningwa mEtine lyoshiwike sha piti.
Shangula okwa popi kutya okwa totwa po omandiki ga thika po 383 ga nuninwa okutuntilila aantu, moaa omandiki 181 taga kalelele omanga 154 taga endaenda nomahala geli 48 ogo pakathimbo.
“Otashi sitha omukumo sho AaNamibia oyendji taya yi ya ka tuntile. eyamukulo tali zi moshigwana otali etitha omukumo na otatu pula AaNamibia oyendji opo yaka tuntilwe,” Shangula a popi.
Shangula okwa popi kutya kape na ngoka taka shunithwako nokutindilwa ontuntila molwaashoka ke na uukwashigwana ngaashi sha lopotwa nokunyenyetwa kaakwashigwana yamwe mboka kaaye na aniwa omauthemba.
Minista okwa popi kutya mboka kaye na uukwashigwana otaya vulu okukalelwapo kwaamboka ye na uukwashigwana, nomikanda dhilwe ngaashi omakalata goshipangelo, uukalata wokuhogolola, oombaapila dhoongeleka nomikanda dhokuhinga otadhi vulu dhilongithwe.
“Oshigwana nashi tseyithilwe kutya ontuntila oya nuninwa AaNamibia ayehe oshali. Otatu tsikile nokugandja uuyelele mbuka onga oshitopolwa shetu shelongo lyoshigwana nomahwahwameko kombinga yotuntila yoCovid-19.”
Minista okwa popi kutya oshi li woo oshinakugwanithwa shAaNamibia ya kwashilipaleke kutya okwa yandwa omataandelitho gombuto ndjoka omape noshigwana oshiigamena nokulandula omilandu adhihe dhekandeko neigameno okuza kombuto ndjoka.
Namibia monena oku na iipotha yoCovid-19 yi li 1 619, moka aantu yeli 180 ye li miipangelo, 42 oyeli kointensive care units, omanga aantu yeli 638 kwa lopotwa ya hulitha.
Comments
Namibian Sun
No comments have been left on this article