Aanamapya taya galikanene omvula
Aanafaalama moshitopolwa shaKavango East oya nyanyukwa omolwa omuloka ngoka ya mono okutameka Osoondaha ya piti ihe nonando ongaaka oya popi kutya evi inali tuta nawa natango opo yatameke okupulula.
Omukokele gwomoshitopolwa shaKavango East okwa popi kutya okwa tegelela nomukumo omuloka omuwanawa opo a vule okutameka iilonga mepya lye molwaashoka okwa hala okuhulitha po onkalo yokukala iikolelela momayambidhidho gepangelo.
Michael Moyo (67) a za momukunda Mauvara moshikandjohogololo Mashare okwa popi kutya oku na ehalo enene okupalutha ofamili ye na ota tangeneke kutya otaku kala eteyo ewanawa momvula twa taalela, sha landula omuloka omwaanawa ngoka ya mono omasiku ngaka.
Mauvara omukunda tagu adhika oshinano shookilometa 60 muuzilo waRundu.
Oshifokundnaeki shoNamibian Sun osha dhidhilike kutya aanamapya oyendji pomudhingoloko ngoka inaya tameke natango okulonga omapya gawo nonando okwa lokwa nawa okuza mEtitano lyoshiwike sha piti miitopolwa iyali yaKavango.
Sho a pulwa kutya omolwashike inaya tameka natango okupulula, Moyo okwa yelitha kutya omuloka ngoka ya mono inagu tutika natango nawa evi opo ya vule okupulula ihe okwa popi kutya oya tegelela natango omuloka ogundji.
“Evi olya tuta ihe omeya inaga ya natango mevi nawa naashoka osho inatu tamekela okupulula natango,” Moyo a yelitha.
Moyo okwa popi kutya monakuziwa oyali haya tameke okupulula momwedhi Kotomba molwaashoka okwa li haku tameke okulokwa mbala, ihe ngashiingeyi omuloka ohagu tameke owala pehulilo lyaNovemba nenge petameko lyaDecemba.
Okwa tsikile kutya ngele oya mono omuloka guli nawa, otaya tameke mbala okupulula.
Okwa popi kutya aakwanezimo lye oyiikolelala owala mopenzela ndjoka ha mono okuza kepangelo ihe inayi gwana okuya palutha.
Okwa popi kutya openzela ye oya gwana owala okulanda oshako yimwe yuusila wepungu, iilongithwamo yimwe po megumbo, onyama oshowo okufutila omeya gawo oshowo iifuta yolefa yokuya nokuza koRundu yooN$200.
Okwa tsikile kutya oshikukuta oshe ya guma nayi noonkondo nuumvo sho a kanitha nokuli oongombe dhe ntano omolwa oshikukuta.
Okwa lombwele oNamibian Sun kutya okwa tegelelwa natango omayambidhidho giikulya yiimuna ye okuza kombelewa yoshikandjohogololo shawo shaMashare opo a vule okupalutha iimuna ye.
Kansela gwoshikandjohogololo shoka, Phillip Mavara okwa popi kutya aaniimuna oya tameke nale okutambula iikulya yiimuna yawo okuza kombelewa, taku pumbiwa iimuna yi kale yi na ekalata.
Okwa popi kutya ombelewa itayi vulu okufala iikulya mbyoka momikunda nomikunda onkene aanafaalama otaya pulwa opo ya longekidhe olefa yokufala iikulya mbyoka komikunda dhawo.
Kansela okwa popi kutya ombelewa oyiipyakidhila natango nokutopolwa ooshako dholwishi oshowo oohi dhomoondoha nomagadhi gokuteleka kwaamboka ye li mompumbwe onene yoondya moshigwana.
KENYA KAMBOWE
Michael Moyo (67) a za momukunda Mauvara moshikandjohogololo Mashare okwa popi kutya oku na ehalo enene okupalutha ofamili ye na ota tangeneke kutya otaku kala eteyo ewanawa momvula twa taalela, sha landula omuloka omwaanawa ngoka ya mono omasiku ngaka.
Mauvara omukunda tagu adhika oshinano shookilometa 60 muuzilo waRundu.
Oshifokundnaeki shoNamibian Sun osha dhidhilike kutya aanamapya oyendji pomudhingoloko ngoka inaya tameke natango okulonga omapya gawo nonando okwa lokwa nawa okuza mEtitano lyoshiwike sha piti miitopolwa iyali yaKavango.
Sho a pulwa kutya omolwashike inaya tameka natango okupulula, Moyo okwa yelitha kutya omuloka ngoka ya mono inagu tutika natango nawa evi opo ya vule okupulula ihe okwa popi kutya oya tegelela natango omuloka ogundji.
“Evi olya tuta ihe omeya inaga ya natango mevi nawa naashoka osho inatu tamekela okupulula natango,” Moyo a yelitha.
Moyo okwa popi kutya monakuziwa oyali haya tameke okupulula momwedhi Kotomba molwaashoka okwa li haku tameke okulokwa mbala, ihe ngashiingeyi omuloka ohagu tameke owala pehulilo lyaNovemba nenge petameko lyaDecemba.
Okwa tsikile kutya ngele oya mono omuloka guli nawa, otaya tameke mbala okupulula.
Okwa popi kutya aakwanezimo lye oyiikolelala owala mopenzela ndjoka ha mono okuza kepangelo ihe inayi gwana okuya palutha.
Okwa popi kutya openzela ye oya gwana owala okulanda oshako yimwe yuusila wepungu, iilongithwamo yimwe po megumbo, onyama oshowo okufutila omeya gawo oshowo iifuta yolefa yokuya nokuza koRundu yooN$200.
Okwa tsikile kutya oshikukuta oshe ya guma nayi noonkondo nuumvo sho a kanitha nokuli oongombe dhe ntano omolwa oshikukuta.
Okwa lombwele oNamibian Sun kutya okwa tegelelwa natango omayambidhidho giikulya yiimuna ye okuza kombelewa yoshikandjohogololo shawo shaMashare opo a vule okupalutha iimuna ye.
Kansela gwoshikandjohogololo shoka, Phillip Mavara okwa popi kutya aaniimuna oya tameke nale okutambula iikulya yiimuna yawo okuza kombelewa, taku pumbiwa iimuna yi kale yi na ekalata.
Okwa popi kutya ombelewa itayi vulu okufala iikulya mbyoka momikunda nomikunda onkene aanafaalama otaya pulwa opo ya longekidhe olefa yokufala iikulya mbyoka komikunda dhawo.
Kansela okwa popi kutya ombelewa oyiipyakidhila natango nokutopolwa ooshako dholwishi oshowo oohi dhomoondoha nomagadhi gokuteleka kwaamboka ye li mompumbwe onene yoondya moshigwana.
KENYA KAMBOWE
Comments
Namibian Sun
No comments have been left on this article