Aanafaalama ya fala Mutorwa kompangu
Okwa ningwa eindilo mOmpangu yoPombada meendelelo, taku indilwa opo ku gandjwe elombwelo lyopampangu, ko kukalekwe euliko lyelelo lyehangano lyaMeatco, ndyoka lya ulikwa momasiku ga 6 gaFebruali omvula ya piti.
Eindilo ndyoka olya ningwa kaanafaalama yatano, ya tumbulwa komadhina kutya Amon Ngavetene, Alia Fasa Kandjii, Peter Kazongominja, Gottfriedt Tsuseb oshowo Tjakazapi Janson Mbunguha.
Pahapu dhawo, Ominista yUunamapya, John Mutorwa inayi pewa epitiko okuulika elelo ndyoka epe momasiku 16 gaFebruali mo 2017. Elelo ndyoka olya thikama po muMartha Namundjebo-Tilahun (omunashipundi), Ronald Kubas, Sophia Kasheeta, Ismael Ngangane, Fanie Oosthuizen oshowo Mushokobanji Mwilima noshikako shelelo lyawo osha lelepekwa sigo okomvula yo2020.
Mutotwa oshowo Ominista yiiputudhilo yEpangelo oyo oonakuyamukula meindilo ndyoka lya ningwa pampangu.
Oshikumungu shoka osha pulakewa oshiwike sha piti, sha landula eindilo lya ningiwa muFebruali gwomvula ya piti.
Momushangwa gwompangu ngoka gwa ningwa kuNgavetene okwa popi kutya euliko lyelelo lyaMeatco olya kala nuupyakadhi monakuziwa. Okwa popi kutya Mutorwa ke na oonkondo kwiikwatelelwa kompango yaMeatco nenge pampango yIiputudhilo yEpangelo, okuulkai elelo epe lyaMeatco omanga pwali nale elelo ndyoka li li miilonga.
Kwiikwatelelwa komikanda dhompangu, Mutorwa onga ominista yuunamapya okwa yi pondje ompango yaMeatco oshowo yIiputudhilo yEpangelo yomo 2006 oshowo ontopolwa onti 18 yEkotampango lyOshilongo.
Ngavetene okwa popi kutya momasiku 15 gaFebruali omvula ya piti, esiku limwe omanga elelo ndyoka inali ulikwa, okwa ningwa eindilo lyompangu lyomeendelelo omolwa euliko lyelelo ndyoka lyopakathimbo lya ningwa kuMutorwa. Mutotwa okwa li a kandula po omukundu ngoka sho a zimine kutya euliko lye lyopakathimbo lyelelo ndyoka nali kuthwe oonkondo. Ngavetene okwa popi kutya oshikumungu sheuliko lyelelo ndyoka lyopakathimbo osha kandulwa po momasiku 17 gaFebruali o 2017 ihe momasiku 16 gaFebruali Mutorwa okwa ningi nale etokolo okuulika elelo tali kwatelwa komeho kuNamundjebo-Tilahun.
Etokolo lyompangu kombinga yelelo ndyoka lyuulikwa pakathimbo, olya ka tseyithwa owala omasiku 15 gaMaalitsa.
Pahapu dhaNgavetene, etokolo lyaningwa kuMutorwa okuulika elelo ndyoka momasiku 16 gaFebruali omvula ya piti, nali kuthwe oonkondo. Okwa tsikile kutya minista okwiidhimbike omakemo gaanafaalama meuliko lyelelo lyaMeatco oshowo eindilo lya ningwa kaanafaalama opo elelo ndyoka li ze koshipundi molwaashoka kali li pamulandu. Aaniimuna mboka oya popi kutya ngele andola minista okwa Ii e na oonkondo okuulika elelo epe, nena andola okwe shi ningi taku landulwa omilandu dhelelo lyaMeatco.
Oya popi kutya inaku ningwa omauliko kiilyo yaMeatco mbyoka tayi kalelepo aaniimuna meuliko lyelelo ndyoka. Aanafaalama mboka oya nongele owala kombinga yeuliko ndyoka muMaalitsa nonando oyali ya longekidha okuninga omutumba gwawo moka taya ka gandja omauliko gawo gaamboka yahala ya ninge iilyo yelelo lyehangano ndyoka momasiku 12 gaAguste 2016. Mboka oya li ya gandja omusholondondo gwomadhina gaaulikwa yawo, ihe omusholondondo ngoka ogwa tindwa kuminista netompelo kutya oshikako shelelo ndyoka lyali koshipundi pethimbo ndyoka inashi thika natango pehulilo.
Omutumba ngoka ogwali gwakwatelwa komeho kOmunambelewa Omukuluntu nale gwaMeatco, Veikuii Rukoro, nonando ogwa ningwa ku na omasiku 60 opo oshikako shelelo ndyoka lya li miilonga shithike pehulilo.
ELLANIE SMIT
Eindilo ndyoka olya ningwa kaanafaalama yatano, ya tumbulwa komadhina kutya Amon Ngavetene, Alia Fasa Kandjii, Peter Kazongominja, Gottfriedt Tsuseb oshowo Tjakazapi Janson Mbunguha.
Pahapu dhawo, Ominista yUunamapya, John Mutorwa inayi pewa epitiko okuulika elelo ndyoka epe momasiku 16 gaFebruali mo 2017. Elelo ndyoka olya thikama po muMartha Namundjebo-Tilahun (omunashipundi), Ronald Kubas, Sophia Kasheeta, Ismael Ngangane, Fanie Oosthuizen oshowo Mushokobanji Mwilima noshikako shelelo lyawo osha lelepekwa sigo okomvula yo2020.
Mutotwa oshowo Ominista yiiputudhilo yEpangelo oyo oonakuyamukula meindilo ndyoka lya ningwa pampangu.
Oshikumungu shoka osha pulakewa oshiwike sha piti, sha landula eindilo lya ningiwa muFebruali gwomvula ya piti.
Momushangwa gwompangu ngoka gwa ningwa kuNgavetene okwa popi kutya euliko lyelelo lyaMeatco olya kala nuupyakadhi monakuziwa. Okwa popi kutya Mutorwa ke na oonkondo kwiikwatelelwa kompango yaMeatco nenge pampango yIiputudhilo yEpangelo, okuulkai elelo epe lyaMeatco omanga pwali nale elelo ndyoka li li miilonga.
Kwiikwatelelwa komikanda dhompangu, Mutorwa onga ominista yuunamapya okwa yi pondje ompango yaMeatco oshowo yIiputudhilo yEpangelo yomo 2006 oshowo ontopolwa onti 18 yEkotampango lyOshilongo.
Ngavetene okwa popi kutya momasiku 15 gaFebruali omvula ya piti, esiku limwe omanga elelo ndyoka inali ulikwa, okwa ningwa eindilo lyompangu lyomeendelelo omolwa euliko lyelelo ndyoka lyopakathimbo lya ningwa kuMutorwa. Mutotwa okwa li a kandula po omukundu ngoka sho a zimine kutya euliko lye lyopakathimbo lyelelo ndyoka nali kuthwe oonkondo. Ngavetene okwa popi kutya oshikumungu sheuliko lyelelo ndyoka lyopakathimbo osha kandulwa po momasiku 17 gaFebruali o 2017 ihe momasiku 16 gaFebruali Mutorwa okwa ningi nale etokolo okuulika elelo tali kwatelwa komeho kuNamundjebo-Tilahun.
Etokolo lyompangu kombinga yelelo ndyoka lyuulikwa pakathimbo, olya ka tseyithwa owala omasiku 15 gaMaalitsa.
Pahapu dhaNgavetene, etokolo lyaningwa kuMutorwa okuulika elelo ndyoka momasiku 16 gaFebruali omvula ya piti, nali kuthwe oonkondo. Okwa tsikile kutya minista okwiidhimbike omakemo gaanafaalama meuliko lyelelo lyaMeatco oshowo eindilo lya ningwa kaanafaalama opo elelo ndyoka li ze koshipundi molwaashoka kali li pamulandu. Aaniimuna mboka oya popi kutya ngele andola minista okwa Ii e na oonkondo okuulika elelo epe, nena andola okwe shi ningi taku landulwa omilandu dhelelo lyaMeatco.
Oya popi kutya inaku ningwa omauliko kiilyo yaMeatco mbyoka tayi kalelepo aaniimuna meuliko lyelelo ndyoka. Aanafaalama mboka oya nongele owala kombinga yeuliko ndyoka muMaalitsa nonando oyali ya longekidha okuninga omutumba gwawo moka taya ka gandja omauliko gawo gaamboka yahala ya ninge iilyo yelelo lyehangano ndyoka momasiku 12 gaAguste 2016. Mboka oya li ya gandja omusholondondo gwomadhina gaaulikwa yawo, ihe omusholondondo ngoka ogwa tindwa kuminista netompelo kutya oshikako shelelo ndyoka lyali koshipundi pethimbo ndyoka inashi thika natango pehulilo.
Omutumba ngoka ogwali gwakwatelwa komeho kOmunambelewa Omukuluntu nale gwaMeatco, Veikuii Rukoro, nonando ogwa ningwa ku na omasiku 60 opo oshikako shelelo ndyoka lya li miilonga shithike pehulilo.
ELLANIE SMIT
Comments
Namibian Sun
No comments have been left on this article