Aanafaalama moKavango ya landitha omahangu gongushu yoomiliyona 1.7
Aanafaalama moshitopolwa shaKavango East, oya landitha omahangu gongushu yoomiliyona 1.7 pethimbo lyoshikako shoprograma yo Operation Werengendje, omvula ya piti.
Shoka otashi ulike kutya oprograma ndjoka otayi gandja omulilo omuwanawa kaanafaalama, pahapu dhangoloneya gwoshitopolwa shoka, Samuel Mbambo.
Mbambo oye omutoti po gwoprograma ndjoka.
Oprograma ndjoka oya nuninwa okuyambidhidha nokutsa omukumo aakwashigwaa moshitopolwa ya longe nuudhiginini nokulonga oondya dhawo dha gwana.
“Sho twa tameke oprograma ndjika otwa li twa pangele okulonga oohecta 2 000 ihe omolwa omaupyakadhi gontumba otwa longo owala oohecta 1 750,” Mbambo a popi.
Aakuthimbinga ayehe ngaashi, Agro Marketing and Trade Agency (AMTA) oshowo Agricultural Business Development Agency (Agribusdev) oyo ya landa ko omahangu ngoka kaanafaalama, pahapu dhaMbambo.
“Omolwa ompumbwe yiiyemo ya taalela AMTA, ina vula okulanda po omahangu getu agehe, ihe nonando ongaaka iimaliwa mbyoka ye ya moshitopolwa shaKavango East okupitila moprograma ya Operation Werengendje oya thika poomiliyona 1.7.”
Kakele komahangano goAMTA noAgribusdev, omahangu gamwe oya landwa po woo kehangano lyoNamibia Breweries Limited oshowo omahangano omadhungi goombiila moSouth Africa.
Mbambo okwa popi kutya Operation Werengendje oya gandja oompito dhokulanditha kaanafaalama opo ya vule okwiimonena iiyemo. Okwa popi kutya elalakano unene lyoprograma ndjoka okugalula uutsa waanafaalama pakulonga oondya dhawo yene.
Okwa gwedha po kutya oprograma yilwe tayi tulwa miilonga kakele kwaandjoka yokulonga oondya, oyo ku galula esimano lyuuntu womuntu.
NAMPA
Shoka otashi ulike kutya oprograma ndjoka otayi gandja omulilo omuwanawa kaanafaalama, pahapu dhangoloneya gwoshitopolwa shoka, Samuel Mbambo.
Mbambo oye omutoti po gwoprograma ndjoka.
Oprograma ndjoka oya nuninwa okuyambidhidha nokutsa omukumo aakwashigwaa moshitopolwa ya longe nuudhiginini nokulonga oondya dhawo dha gwana.
“Sho twa tameke oprograma ndjika otwa li twa pangele okulonga oohecta 2 000 ihe omolwa omaupyakadhi gontumba otwa longo owala oohecta 1 750,” Mbambo a popi.
Aakuthimbinga ayehe ngaashi, Agro Marketing and Trade Agency (AMTA) oshowo Agricultural Business Development Agency (Agribusdev) oyo ya landa ko omahangu ngoka kaanafaalama, pahapu dhaMbambo.
“Omolwa ompumbwe yiiyemo ya taalela AMTA, ina vula okulanda po omahangu getu agehe, ihe nonando ongaaka iimaliwa mbyoka ye ya moshitopolwa shaKavango East okupitila moprograma ya Operation Werengendje oya thika poomiliyona 1.7.”
Kakele komahangano goAMTA noAgribusdev, omahangu gamwe oya landwa po woo kehangano lyoNamibia Breweries Limited oshowo omahangano omadhungi goombiila moSouth Africa.
Mbambo okwa popi kutya Operation Werengendje oya gandja oompito dhokulanditha kaanafaalama opo ya vule okwiimonena iiyemo. Okwa popi kutya elalakano unene lyoprograma ndjoka okugalula uutsa waanafaalama pakulonga oondya dhawo yene.
Okwa gwedha po kutya oprograma yilwe tayi tulwa miilonga kakele kwaandjoka yokulonga oondya, oyo ku galula esimano lyuuntu womuntu.
NAMPA
Comments
Namibian Sun
No comments have been left on this article