Aamusati taya tidhile ondjala kokule
Sha landula epulo komeho nawa lyopoloyeka yo
'Operation Tulongeni 2017', aakalimo yomoshitpolwa shaMusati oya gandja omagano giikulya kOmusati food bank.
Ombaanga ndjok ayiikulya moshitopolwa shoka, oya nuninwa okugandja omakwatho nokuya moshipala onkalo yondjala moshilongo.
Ombala yaNgandjera muukwandongo oya popi kutya aakwashigwana oya udha woo iigadhi mbyoka yali ya pu, sho iilya yali ya gandjwa mo miigadhi mbyoka, nokutopolelwa oshigwana.
Sha landula omuloka omuwanawa omvula ya piti, Omupresidende Hage Geingob okwa tula miilonga opoloyeka yo 'Operation Tulongeni 2017' mepya lyaMatheus Iilonga momukunda Onamundindi moshikandjohogololo Ogongo moshitopolwa shaMusati. Opoloyeka ndjoka oya nuninwa okutsa omukumo aanamapya ya longe nuudhidhinini.
Moonkundathana ndhoka a ningwa naye mEtiyali koNamibian Sun, ngoloneya gwoshitopolwa shaMusati, Erginus Endjala okwa popi kutya ombelelwa yoshitopolwa meyambidhidho lyombelewa yOmuprima moshilongo, oya tula miilonga ombaanga ndjoka yiikulya, ndjoka yi li kohi yetonatelo lyehangano lyoAgro-Marketing and Trading Agency (AMTA). Aakwashigwana ohaya gandja oondya kombaanga ndjoka.
Pahapu dhaEndjala monena ombaanga ndjoka oya pungula owala omahangu, ihe aakwashigwana otaya pulwa opo ya gandje oondya kehe ndhoka ye na.
“Pethimbo lyoshipe shoka sha ningilwa muSepetemba mOnamundindi, popei nOgongo, aanafaalama oya gandja omagano goondya dhawo ndhoka ya teya momapya gawo kombaanga ndjoka. Oya gandja omagano giinina ngaashi, omahangu, omakunde, omakanuwa, omanyangwa oshowo iinima yilwe. Kohi yetonatelo lyoAMTA iikulya mbyoka oya pungulwa moompungulilo dhomoTsandi omanga yimwe tayi pewa oombelewa dhookansela opo yi pewe aakwashigwana mboka yeli mompumbwe.”
Oshipe oshinyangadhalwa shopamuthigululwakalo moka, ooyene yomapya haya ningi oshituthi nokuteleka yimwe yomiitewa yawo yomomapya onga omukalo gwokupandula aathithi omolwa eteyo ewanawa.
Ngoloneya okwa tsikile kutya AMATA ota kondolola woo ongushu yomahangu ngoka taga gandjwa opo ku kwashilipalekwe kutya okwa gandjwa omahangu omawanawa noshitopolwa monena osha gongela ootona mbali dhomahangu.
Okwa popi kutya otaya pula yapewe omahangu gonuumvo, ihe mboka ye na ngoka gomvula ya piti, nayo otaya indilwa ya gandje kopoloyeka ndjoka yopashitopolwa.
Omvula ya piti, elelo lyaNgandjera olya tokola okupatulula iigadhi lyawo, nokutopolela aakwashigwana mboka yeli mompumbwe yiikulya. Pahapu dhomunyekadhi gwaNgandjera, Adelheid Mupiya, aantu oyali ya yi momwaalu ogundji niigadhi 12 oya li ya patululwa. Nonando iigadhi mbyoka oya li yapu omvula ya piti sho iilya ya pea mo oshigwana, sha landula eteyo lyonuumvo aantu ota gandja omagano giilya kombala, opo iigadhi mbyoka yi kale ishewe niilya yo yi vule okupewa mboka yeli mompumbwe.
Omunyekadhi okwa popi kutya nonando egongelo lyomahangu mombala oshi li oshinima hashi ningwa pamuthigululwakalo, otaye shi ningi oshitopolwa shokutsakaneka epangelo ondjilakati mokukandula po ondjala mokati koshigwana.
ILENI NANDJATO
'Operation Tulongeni 2017', aakalimo yomoshitpolwa shaMusati oya gandja omagano giikulya kOmusati food bank.
Ombaanga ndjok ayiikulya moshitopolwa shoka, oya nuninwa okugandja omakwatho nokuya moshipala onkalo yondjala moshilongo.
Ombala yaNgandjera muukwandongo oya popi kutya aakwashigwana oya udha woo iigadhi mbyoka yali ya pu, sho iilya yali ya gandjwa mo miigadhi mbyoka, nokutopolelwa oshigwana.
Sha landula omuloka omuwanawa omvula ya piti, Omupresidende Hage Geingob okwa tula miilonga opoloyeka yo 'Operation Tulongeni 2017' mepya lyaMatheus Iilonga momukunda Onamundindi moshikandjohogololo Ogongo moshitopolwa shaMusati. Opoloyeka ndjoka oya nuninwa okutsa omukumo aanamapya ya longe nuudhidhinini.
Moonkundathana ndhoka a ningwa naye mEtiyali koNamibian Sun, ngoloneya gwoshitopolwa shaMusati, Erginus Endjala okwa popi kutya ombelelwa yoshitopolwa meyambidhidho lyombelewa yOmuprima moshilongo, oya tula miilonga ombaanga ndjoka yiikulya, ndjoka yi li kohi yetonatelo lyehangano lyoAgro-Marketing and Trading Agency (AMTA). Aakwashigwana ohaya gandja oondya kombaanga ndjoka.
Pahapu dhaEndjala monena ombaanga ndjoka oya pungula owala omahangu, ihe aakwashigwana otaya pulwa opo ya gandje oondya kehe ndhoka ye na.
“Pethimbo lyoshipe shoka sha ningilwa muSepetemba mOnamundindi, popei nOgongo, aanafaalama oya gandja omagano goondya dhawo ndhoka ya teya momapya gawo kombaanga ndjoka. Oya gandja omagano giinina ngaashi, omahangu, omakunde, omakanuwa, omanyangwa oshowo iinima yilwe. Kohi yetonatelo lyoAMTA iikulya mbyoka oya pungulwa moompungulilo dhomoTsandi omanga yimwe tayi pewa oombelewa dhookansela opo yi pewe aakwashigwana mboka yeli mompumbwe.”
Oshipe oshinyangadhalwa shopamuthigululwakalo moka, ooyene yomapya haya ningi oshituthi nokuteleka yimwe yomiitewa yawo yomomapya onga omukalo gwokupandula aathithi omolwa eteyo ewanawa.
Ngoloneya okwa tsikile kutya AMATA ota kondolola woo ongushu yomahangu ngoka taga gandjwa opo ku kwashilipalekwe kutya okwa gandjwa omahangu omawanawa noshitopolwa monena osha gongela ootona mbali dhomahangu.
Okwa popi kutya otaya pula yapewe omahangu gonuumvo, ihe mboka ye na ngoka gomvula ya piti, nayo otaya indilwa ya gandje kopoloyeka ndjoka yopashitopolwa.
Omvula ya piti, elelo lyaNgandjera olya tokola okupatulula iigadhi lyawo, nokutopolela aakwashigwana mboka yeli mompumbwe yiikulya. Pahapu dhomunyekadhi gwaNgandjera, Adelheid Mupiya, aantu oyali ya yi momwaalu ogundji niigadhi 12 oya li ya patululwa. Nonando iigadhi mbyoka oya li yapu omvula ya piti sho iilya ya pea mo oshigwana, sha landula eteyo lyonuumvo aantu ota gandja omagano giilya kombala, opo iigadhi mbyoka yi kale ishewe niilya yo yi vule okupewa mboka yeli mompumbwe.
Omunyekadhi okwa popi kutya nonando egongelo lyomahangu mombala oshi li oshinima hashi ningwa pamuthigululwakalo, otaye shi ningi oshitopolwa shokutsakaneka epangelo ondjilakati mokukandula po ondjala mokati koshigwana.
ILENI NANDJATO
Comments
Namibian Sun
No comments have been left on this article