Aalumentu ka ye hole okuya komakonaakono goHIV

Omaiyuvo ngoka oga hololwa kuAmushanga gUuministeli wUundjolowele, Andreas Mwoombola, pethimbo lyomutumba tagu ithanwa Namibia's National Gender Policy ngoka gwa ningwa oshiwike shika.Pamiyalu dhoka dha tseyithwa kuMwoombola, aakiintu yeli 8 084 oshowo aalumentu yeli 3 530 yoomvula dhili pokati ko- 15 no 24 oya tameke epango lyoantiretroviral muJuni.Okuya muJuni aakiintu yeli po- 37 575 yoomvula dhili pokati ko-33 no 55 oya tulwa kepango lyoART omanga aalumentu owala 17 487 yoomvula dha faathana ya tulwa kepango ndyoka.Mwoombola okwa gwedha po kutya okuya muJuni, aakiintu 7 621 yoomvula dhili po-55 sigo 64 oya tulwa kepango ndyoka, omanga pethimbo lya faathana aalumentu owala 5 074 ya tulwa kepango ndyoka.Okwa popi kutya aakiintu owala 2 620 yoomvula dhili po-65 okuya pombanda ya tulwa kepango ndyoka okuya muJuni nuumvo, oshowo aalumentu 2 535. Nonando ongaaka omuhwahwameki guuthikepamwe, Sarry Xoagus-Eises okwa popi kutya omiyalu ndhoka itadhi ulike shili onkalo yaNamibia.Okwa popi kutya omolwa onkalo yokatongo ndjoka hayi ningilwa aantu uuna ya monika ombuto yoHIV, aantu oyendji otaya landa uututsa wokwiikonaakonena momagumbo, nokukala ye na owala ontseyo kombinga yiizemo yawo yoyeyene.“Omiyalu ndhoka otadhi ulike ethano lyomondjila kutya aakiintu oyo yeli pombanda molwaashoka ohaya yi komakonakono pethimbo yeli momategelelelo. Oshinima shimwe sho itatu mono aalumentu oyendji mboka taya yi kepango omolwashoka kutya aakiintu oye na uutile . Ipula nee omukiintu ta shuna kegumbo e ta lombwele omusamane gwe kutya okwa monika ombuto,nena oye ta kala ta pewa ombedhi kutya okweeta oAids megumbo.”Xoagus-Eises okwa tsilkile kutya omithigululwakalo nadho otadhi dhana onkandangala sho, omithigululwakalo dhimwe inadhi pitika omukulukadhi a pule omusamane gwe opo a ye komakonaakono gombuto nenge a ka ningilwe omakonaakono guunamiti.Okwa popi kutya oshinima shoka otashi vulu oku teya oondjokana nokuhwahwameka iikolokosha.Gumwe gwomwaamboka yali haya landitha nale iihulo na okuli omukomeho gwoRights not Rescue, Mama Africa okwa popi kutya aalumentu otaya tindi okuya komakonaakono, taya popi kutya ihaya yi miihulo naantu oyendji.Lwopokati mpoka, omunashipundi gwoNangof Board of Directors, Sandy Tjaronda okwa popi kutya omiyalu ndhoka otadhi ulike kutya ekuthombinga lyaalumentu momakonaakono ngoka gopaundjolowele, oli li pevi noonkondo.Okwa gwedha po kutya otashi limbilike sho aakiintu ihaya pula aalumentu yawo ya ye pamwe nayo komakonaakono.Okwa popi woo kutya ethimbo limwe onkalo yiilonga, sho aasamane haya kala kokule nomagumbo pethimbo aakulukadhi yawo yiihumbata omolwa iilonga.JEMIMA BEUKES

Aalumentu ka ye hole okuya komakonaakono goHIV

Comments

Namibian Sun 2025-07-22

Please login to leave a comment

Aalumentu ka ye hole okuya komakonaakono goHIV

Comments

Namibian Sun 2025-07-22

Please login to leave a comment

Login