Aalongi ye li po2000 kaye na iilonga miitopolwa ine moshilongo
Aalongi ye li po 1980 okwa lopotwa kutya kaye na iilonga moshitopolwa shaKhomas, Oshikoto, Omusati oshowo moshitopolwa shaTjozondjupa.
ELLANIE SMIT
OVENDUKA
Omiyalu dhoka odha gandjwa koUnited Unemployment Teachers Movement’s (UUTM) okupitila momukalelipo gwehangano ndyoka Fransina Shikomba, pethimbo lyomukanda gwiikundaneki ngoka gwa pitithwa oshiwike shika.
Ehangano ndyoka olya holola kutya otali ka hwahwameka eningo lyehololomadhilaadhilo, li li ompinge nomukalo gwekuto miilonga gwepangelo.
UUTM otaka ka wayiminwa kehangano lyaalongiskola lyoTeachers Union of Namibia (TUN) oshowo ehangano lyaanaskola lyoStudent Union of Namibia (SUN).
Shikomba okwa popi kutya toaya pula uukonaakono woompito dhiilonga wu hulithwepo molwaashoka aaalongi oyendji ohaya ithanwa yaye kuukonaakono woopoosa yimwe, shoka shi li ehepeko lyiimaliwa.
“Opoosa yimwe ohayi nana aaningi yomaindilo ya thika po 400, naaningi yomaindilo ayehe mboka ohaya ka ninga ethigathano mekonaakono lyokushanga. Oku na ocorona na otatu tula moshiponga oomwenyo dhaaningi yomaindilo ngoka oshowo oofamili dhawo.”
Okwa gwedhapo natango kutya otaya nyengwa woo okufutila omalweendo ngoka.
Shikomba okwa gwedha po kutya omapingenepo naalongi mboka ya pyokoka naga ningwe pwaahena uukonakono nooposa dhoka dha kalekwa nadhi tseyithwe.
Okwa gwedha po kutya ooposa adhihe dhoondondo dhopevi dhoka dhili kaalongi inaya pyokoka nadhi pewe aalongi mboka pyokoka mboka kaye na iilonga. Oya hala woo oopoosa dhoshilongwa shoLife Skills ndhoka tadhi pula ontseyo miilonga shi hulithwepo.
Shikomba okwa tsikile kutya oha hala elaka lyelongo li kale mOshiingilisa molwaaashoka otashi yi moshipala aalogi ya ninge omaindilo komahala galwe.
“Omakuto miilonga naga ningwe koshikondo shoonzo dhopauntu koombelelwa oonene na inashi ningwa pooskola molwaashoka ooskola ethimbo limwe ohadhi holekepo omaindilo ngoka ga ningwa nokupopya kutya inaku ningwa omaindilo.”
Okwa tsikile kutya omakuto miilonga gaalongi mboka ye na owala ondondo onti 12 naga hulithwepo oshowo omakuto miilonga gaalongi mboka yiilongela iikondo yilwe kayi shi elongo.
“Ooposa dhoka nadhi pewe aalongi mboka ya pyokoka.”
Shikomba okwa popi kutya ehololomadhilaadhilo otali tameke mEtine (nena) potundi onti 08:00 poKatutura Resource Centre, okuza mpoka otaya matjinga okupitila mepapanda lyoIndependence Avenue okuya kOmbelewa yOmuprima.
Uukumwe
Brian Ngutjinazo gwoSUN okwa popi kutya otaya wayimine aalongi mboka kaye na iilonga na oyuuvitithwe nayi komulandu gwekuto miilonga.
“Oongulu odha pumbwa owala okukala naalongwa 35 ihe oto adha dhuudha noonkondo sigo aalongwa 100, omanga pe na aalongi kaayena iilonga.”
Okwa popi kutya aanaskola otaya ka tinda okuya mootundi ngele aalongi mboka kaye na iilonga inaya mona omayamukulo.
Aalongi mboka kaye na iilonga nomvula ya piti oya ningi ehololomadhilaadhilo yeli ompingwe nomulandu gwekuto miilonga.
SUN okwa ningi omatilitho kutya otaya ka pata ooskola ngele inaya mona omayamukulo pethimbo.
OVENDUKA
Omiyalu dhoka odha gandjwa koUnited Unemployment Teachers Movement’s (UUTM) okupitila momukalelipo gwehangano ndyoka Fransina Shikomba, pethimbo lyomukanda gwiikundaneki ngoka gwa pitithwa oshiwike shika.
Ehangano ndyoka olya holola kutya otali ka hwahwameka eningo lyehololomadhilaadhilo, li li ompinge nomukalo gwekuto miilonga gwepangelo.
UUTM otaka ka wayiminwa kehangano lyaalongiskola lyoTeachers Union of Namibia (TUN) oshowo ehangano lyaanaskola lyoStudent Union of Namibia (SUN).
Shikomba okwa popi kutya toaya pula uukonaakono woompito dhiilonga wu hulithwepo molwaashoka aaalongi oyendji ohaya ithanwa yaye kuukonaakono woopoosa yimwe, shoka shi li ehepeko lyiimaliwa.
“Opoosa yimwe ohayi nana aaningi yomaindilo ya thika po 400, naaningi yomaindilo ayehe mboka ohaya ka ninga ethigathano mekonaakono lyokushanga. Oku na ocorona na otatu tula moshiponga oomwenyo dhaaningi yomaindilo ngoka oshowo oofamili dhawo.”
Okwa gwedhapo natango kutya otaya nyengwa woo okufutila omalweendo ngoka.
Shikomba okwa gwedha po kutya omapingenepo naalongi mboka ya pyokoka naga ningwe pwaahena uukonakono nooposa dhoka dha kalekwa nadhi tseyithwe.
Okwa gwedha po kutya ooposa adhihe dhoondondo dhopevi dhoka dhili kaalongi inaya pyokoka nadhi pewe aalongi mboka pyokoka mboka kaye na iilonga. Oya hala woo oopoosa dhoshilongwa shoLife Skills ndhoka tadhi pula ontseyo miilonga shi hulithwepo.
Shikomba okwa tsikile kutya oha hala elaka lyelongo li kale mOshiingilisa molwaaashoka otashi yi moshipala aalogi ya ninge omaindilo komahala galwe.
“Omakuto miilonga naga ningwe koshikondo shoonzo dhopauntu koombelelwa oonene na inashi ningwa pooskola molwaashoka ooskola ethimbo limwe ohadhi holekepo omaindilo ngoka ga ningwa nokupopya kutya inaku ningwa omaindilo.”
Okwa tsikile kutya omakuto miilonga gaalongi mboka ye na owala ondondo onti 12 naga hulithwepo oshowo omakuto miilonga gaalongi mboka yiilongela iikondo yilwe kayi shi elongo.
“Ooposa dhoka nadhi pewe aalongi mboka ya pyokoka.”
Shikomba okwa popi kutya ehololomadhilaadhilo otali tameke mEtine (nena) potundi onti 08:00 poKatutura Resource Centre, okuza mpoka otaya matjinga okupitila mepapanda lyoIndependence Avenue okuya kOmbelewa yOmuprima.
Uukumwe
Brian Ngutjinazo gwoSUN okwa popi kutya otaya wayimine aalongi mboka kaye na iilonga na oyuuvitithwe nayi komulandu gwekuto miilonga.
“Oongulu odha pumbwa owala okukala naalongwa 35 ihe oto adha dhuudha noonkondo sigo aalongwa 100, omanga pe na aalongi kaayena iilonga.”
Okwa popi kutya aanaskola otaya ka tinda okuya mootundi ngele aalongi mboka kaye na iilonga inaya mona omayamukulo.
Aalongi mboka kaye na iilonga nomvula ya piti oya ningi ehololomadhilaadhilo yeli ompingwe nomulandu gwekuto miilonga.
SUN okwa ningi omatilitho kutya otaya ka pata ooskola ngele inaya mona omayamukulo pethimbo.
Comments
Namibian Sun
No comments have been left on this article