Aalongi ya patelwa pondje sho ya lata koskola
Aakwashigwana yomomudhingoloko gwaTjiwarongo oya katukile oonkatu yamwe po yomaalongiskola poskola yedhina Karundu Primary School mEtitano lya piti, mboka taya lundilwa kutya aluhe ohaya lata okuya koskola.
Aalongiskola ye li po 11 oya patelwa pondje konima sho ya ndopa okuya powaandaha.
Aakwashigwana mboka haya zi popepi noskola oya popi kutya aalongi mboka aluhe ohaya yi koskola ya lata nonando aanaskola oshowo aalongi oya pumbwa okukala powandaha potundi onti 07:30, Omaandaha sigo Etitano.
Omukuluntuskola Julia Chaka okwa popi kutya elelo lyoskola olya tokola kutya omiyelo dhoskola nadhi kale tadhi pata uuna aaantu taya yi powaandaha.
“Pethimbo ndyoka omiyelo dha patwa opo aalongi mboka ya monika kaakwashigwana ya thikama pondje,” Chaka a popi.
Okwa popi kutya mboka ya li ya patelwa pondje aalongi 11, amushanga oshowo aawapaleki yaali.
“Eeno otu na uupyakadhi waantu taye ya kiilonga ya lata na kashi shi oshikando shotango ihe otandi popi woo natango kutya otwiiyakidhila nokukandula po uupyakadhi mboka,” Chaka a popi.
Ngoka ta longo pehala lyomukomeho gwelongo moshitopolwa shaTjozondjupa, Nickey Eiman okwa kondema omaihumbato gaalongi poskola yaKarundu oshowo ooskola dhilwe moshitopolwa mboka haya yi kiilonga ya lata.
Eiman oshowo omukonaakoni gwelongo moshikandjo shaTjiwarongo, Cornelia Araes-Shikulo oya talele po oskola ndjoka mEtitano na oya popi naalongi mboka.
Eiman okwa pula Nampa opo ka nyanyangithe ehokololo ndika ta popi kutya otali vulu okunyateka edhina lyoskola, ihe aakwashigwana oya pula opo ehokololo li nyanyangithwe molwaashoka oya loloka onkalo yaalongi mboka.
Kennedy Kazonganga, okwa popi kutya otashi uvitha nayi okumona aalongiskola kehe esiku taya yi kiilonga ya lata omanga haya gandja omageelo kaanaskola mboka ya lata.
Oskola ndjoka oyi na aanaskola yeli po 1 387 na oyi na sigo ondondo ontiheyali, naaniilonga 43.
MULISA SIMIYASA
Aalongiskola ye li po 11 oya patelwa pondje konima sho ya ndopa okuya powaandaha.
Aakwashigwana mboka haya zi popepi noskola oya popi kutya aalongi mboka aluhe ohaya yi koskola ya lata nonando aanaskola oshowo aalongi oya pumbwa okukala powandaha potundi onti 07:30, Omaandaha sigo Etitano.
Omukuluntuskola Julia Chaka okwa popi kutya elelo lyoskola olya tokola kutya omiyelo dhoskola nadhi kale tadhi pata uuna aaantu taya yi powaandaha.
“Pethimbo ndyoka omiyelo dha patwa opo aalongi mboka ya monika kaakwashigwana ya thikama pondje,” Chaka a popi.
Okwa popi kutya mboka ya li ya patelwa pondje aalongi 11, amushanga oshowo aawapaleki yaali.
“Eeno otu na uupyakadhi waantu taye ya kiilonga ya lata na kashi shi oshikando shotango ihe otandi popi woo natango kutya otwiiyakidhila nokukandula po uupyakadhi mboka,” Chaka a popi.
Ngoka ta longo pehala lyomukomeho gwelongo moshitopolwa shaTjozondjupa, Nickey Eiman okwa kondema omaihumbato gaalongi poskola yaKarundu oshowo ooskola dhilwe moshitopolwa mboka haya yi kiilonga ya lata.
Eiman oshowo omukonaakoni gwelongo moshikandjo shaTjiwarongo, Cornelia Araes-Shikulo oya talele po oskola ndjoka mEtitano na oya popi naalongi mboka.
Eiman okwa pula Nampa opo ka nyanyangithe ehokololo ndika ta popi kutya otali vulu okunyateka edhina lyoskola, ihe aakwashigwana oya pula opo ehokololo li nyanyangithwe molwaashoka oya loloka onkalo yaalongi mboka.
Kennedy Kazonganga, okwa popi kutya otashi uvitha nayi okumona aalongiskola kehe esiku taya yi kiilonga ya lata omanga haya gandja omageelo kaanaskola mboka ya lata.
Oskola ndjoka oyi na aanaskola yeli po 1 387 na oyi na sigo ondondo ontiheyali, naaniilonga 43.
MULISA SIMIYASA
Comments
Namibian Sun
No comments have been left on this article