Aaleli yaSADC ya kundathana onkalo yaDRC
Aaleli yaAfrika lyOmuumbugantu oya gongala mEtine lyoshiwike sha piti moAddis Ababasha Ethiopia, opo ya kundathene onkalo yopapolotika moDemocratic Republic of Congo.
Omunashipundi gwoSADC na okuli omupresidende gwaNamibia, Hage Geingob okwa popi kutya iilyo yoSADC oya pumbwa okutenda po omisinda dhuuka ombinga yimwe kwaashoka tashi ningwa miilongo yawo naashoka sha pumbwa okuningwa.
Pethimbo a popi momutumba ngoka gwa ningwa, Geingob okwa popi kutya oshi li oshinakugwanithwa shaSADC opo a yambidhidhe aakwashigwana yaDRC, opo ku kuthwemo omambandameko mokati kaakwashigwana sha landula omahogololo gopashigwana ngoka ga ningwa moshilongo shoka omwedhi gwa piti.
“Aakwashigwana yaDRc oya tegelela nuuyuni otawu tala onkene onga omunashipundi gwoSADC onda li nda tokola okwiithana omutumba mOvenduka, ihe ngashiingeyi otagu ningilwa moAddis Ababa,” Geingob a popi.
Konima sho omahogololo ga kala nokuundulilwa komeho moshilongo shoka, oIndepende National Electoral Commission CENI, oya tseyitha kutya Ongundu yompilameno moshilongo shoka oyo ya sindana po omahogololo opamwe nomuleli gwongundu ndjoka, Félix Tshisekedi, ngoka a dhengemo momahogololo omuulikwa gwongundu ya kala tayi pangele moshilongo Martin Fayulu, ngoka ina nyanyukilwa oshizemo shomahogololo ngoka, na okwa ka konga ekwatho kompangu yopombanda moshilongo opo yi kute oonkondo iizemo yomahogololo ngoka.
Omahogololo ngoka ga ningwa moDRC ogo gotango gopashigwana konima yoomvula o 20 dha piti.
Geingob okwa popi kutya onkalo ndjoka oya pumbwa opo aakwashigwana ya DRC ya kale ye na einekelo maaleli yomenenevi kutya otaya e ta pehulilo onkalo yiikolokosha ndjoka ya kala uule woomvula noomvula, nokufala oshilongo monkalo yombili ndjoka tayi yambulapo woo onkalo yeliko lyoshilongo shoka.
Geingob okwa popi kutya onkalo kutya DRC okwa ningi omahogololo gopambili, otashi ulike nale epondolo enene.
Okwa pandula woo omupresidende nale gwoshilongo shoka ngoka a zi koshipundi, Joseph Kabila, sho a kaleke euvaneko lye nokweetitha onkalo ombwaanawa yombili pethimbo lyomahogololo.Omutumba ngoka gwoSADC Troika ogwa gandja iikumungu yontumba pethimbo lyomutumba ngaashi ya pula esimaneko lyoshizemo shomahogololo ngoka ga ningwa nombili moDRC okuza kiilongo yomuuyuni, ngaashi tashi uthwa kOmpango yIigwana yaHangana oshowo oSADC Treaty.
Omutumba ogwa popi kutya ogu na ontseyo kombinga yoshikumungu shoka sha falwa kOmpangu yoPombanda moshilongo omolwa iizemo yomahogololo mbyoka tayi patanekwa ihe oya pula aakwashigwana, oongundu dhopolotika oshowo aakuthimbinga ayehe momahogololo mokaya kale ya ngungumana.
Omutumba ogwa popi kutya ogwa simaneka iilonga nekalepo lyompangu ndjoka moshilongo shoka, tagu pula natango uuyuni wu simaneke ompangu ndjoka noompango dhoshilongo shoka, ko kutegelelwa ompangu yi ninge etokolo moshikumungu shoka.
JEMIMA BEUKES
Pethimbo a popi momutumba ngoka gwa ningwa, Geingob okwa popi kutya oshi li oshinakugwanithwa shaSADC opo a yambidhidhe aakwashigwana yaDRC, opo ku kuthwemo omambandameko mokati kaakwashigwana sha landula omahogololo gopashigwana ngoka ga ningwa moshilongo shoka omwedhi gwa piti.
“Aakwashigwana yaDRc oya tegelela nuuyuni otawu tala onkene onga omunashipundi gwoSADC onda li nda tokola okwiithana omutumba mOvenduka, ihe ngashiingeyi otagu ningilwa moAddis Ababa,” Geingob a popi.
Konima sho omahogololo ga kala nokuundulilwa komeho moshilongo shoka, oIndepende National Electoral Commission CENI, oya tseyitha kutya Ongundu yompilameno moshilongo shoka oyo ya sindana po omahogololo opamwe nomuleli gwongundu ndjoka, Félix Tshisekedi, ngoka a dhengemo momahogololo omuulikwa gwongundu ya kala tayi pangele moshilongo Martin Fayulu, ngoka ina nyanyukilwa oshizemo shomahogololo ngoka, na okwa ka konga ekwatho kompangu yopombanda moshilongo opo yi kute oonkondo iizemo yomahogololo ngoka.
Omahogololo ngoka ga ningwa moDRC ogo gotango gopashigwana konima yoomvula o 20 dha piti.
Geingob okwa popi kutya onkalo ndjoka oya pumbwa opo aakwashigwana ya DRC ya kale ye na einekelo maaleli yomenenevi kutya otaya e ta pehulilo onkalo yiikolokosha ndjoka ya kala uule woomvula noomvula, nokufala oshilongo monkalo yombili ndjoka tayi yambulapo woo onkalo yeliko lyoshilongo shoka.
Geingob okwa popi kutya onkalo kutya DRC okwa ningi omahogololo gopambili, otashi ulike nale epondolo enene.
Okwa pandula woo omupresidende nale gwoshilongo shoka ngoka a zi koshipundi, Joseph Kabila, sho a kaleke euvaneko lye nokweetitha onkalo ombwaanawa yombili pethimbo lyomahogololo.Omutumba ngoka gwoSADC Troika ogwa gandja iikumungu yontumba pethimbo lyomutumba ngaashi ya pula esimaneko lyoshizemo shomahogololo ngoka ga ningwa nombili moDRC okuza kiilongo yomuuyuni, ngaashi tashi uthwa kOmpango yIigwana yaHangana oshowo oSADC Treaty.
Omutumba ogwa popi kutya ogu na ontseyo kombinga yoshikumungu shoka sha falwa kOmpangu yoPombanda moshilongo omolwa iizemo yomahogololo mbyoka tayi patanekwa ihe oya pula aakwashigwana, oongundu dhopolotika oshowo aakuthimbinga ayehe momahogololo mokaya kale ya ngungumana.
Omutumba ogwa popi kutya ogwa simaneka iilonga nekalepo lyompangu ndjoka moshilongo shoka, tagu pula natango uuyuni wu simaneke ompangu ndjoka noompango dhoshilongo shoka, ko kutegelelwa ompangu yi ninge etokolo moshikumungu shoka.
JEMIMA BEUKES
Comments
Namibian Sun
No comments have been left on this article