Aalandithi yomagumbo yaali paveta taya talika omeho
Ehangano lyoNamibia Estate Agents Board (NEAB) olya tamekitha oshikonga shokuhadha mo aalandithi yomagumbo mboka taya longo iilonga mbyoka omanga yaahe na oonzapo dhokushininga.
NEAB okwa tamekitha omakonaakono ngoka muMaalitsa na okwa totha mo nale omahangano 39 no-22 oya tulilwa mo nale iipotha noshikondo shiimbuluma yopashimaliwa mOpolisi yaNamibia.Otaku fekelwa kutya omahangano gokulanditha omagumbo ga thika pe-100 otaga longo pwaahena epitiko nokuulika iipindi yawo komapandja gopainterneta nomiikundaneki , yamwe oya tota po omapandja gopainterneta nokukengelela aayakulwa yawo.
“Itatu ti ayehe mboka haya ulike nokungeshefa iipindi yawo koFacebook kaye na omikanda. Kehe gumwe ota vulu okuulika iipindi ye hoka ihe owu na okukala wa shangithwa molwaashoka oshigwana itashi tseya ngele owa shangithwa nenge ahowe,” Eben de Klerk ngoka ta longele oNEAB ta ti.
Okwa popi kutya aantu mboka taya longo inaya shangithwa otaya yono oshikondo shoka nokuyonagula woo eliko. Oshikondo shomagumbo ohashi gandja oopresenda konyala 8 kogross domestic product (GDP), noopresenda dhoka odhi li pombanda lune nenge lutatu okuyeleka noshikondo shuunamapya. Okwa tsikile kutya oyendji mboka ya kwatwa oya popi kutya yo otaya longo owala onga aapokati nokukwathela aalandi naalandithi. Iipotha mbyoka ya tulwa mo osha monika mo kutya mboka ohaya tseyitha omahala gokulanda ngoka ga tseyithwa nale kaalandithi, nokwiilikolela woo okomisi yokulanditha uuna ehala lya landwa po. Momatseyitho ngoka haya ningi ohaya gandja owala oongodhi dhawo dhopeke, omanga ompango otayi utha opo aalandithi yomagumbo ya gandje uuyelele wawo wehangano ngaashi edhina, omadhina gaaniilonga uuna taya tseyitha iipindi yawo.
Uuna taya yi moonkundathana naalandi oya pumbwa okugandja uukalata wawo mboka wu na edhina lyoNEAB.
“Uuna wa hala okulanda ehala kwashilipaleka kutya ehangano osha shangithwa nongele owu na omalimbililo ninga ekwatathano noNEAB,”Annelie Aerla gwoNEAB.
Ompango yoEstate Agents Act yomo- 1976 otayi utha kutya omulandithi gwegumbo nenge gwehala omuntu ngoka a pewa oonkondo komulandithi gwehala nenge omulandi gwehala a tseyithe iipindi yelando nenge elanditho lyehala pehala lyomuntu ngoka nomepingakanitho ota futwa megandjo lyeyakulo ndyoka. Ngashiingeyi Namibia oku na aalandithi yomagumbo nomahala ye li 430 mboka ya shangithwa, ihe 200 oyo ya ninga omaindilo gofidelity fund certificates mo- 2017, naashoka otashi ulike kutya etata owala lyaamboka ya shangithwa oyo taya ka vula okukala ya shangithwa natango okuya mo-2017. Omaindilo 30 gokulonga mo-2017 oga tindwa omolwa iipumbiwa yimwe inayi gwana po. NEAB otaka tseyitha omusholondondo gwaalandithi yomagumbo mboka ya shangithwa miikundaneki muJanuari. NEAB okwa popi kutya okwa nongela kutya oombanga dhimwe ohadhi futu monyowa aalandithi yomagumbo naashoka kashi li pamulandu, nehangano ndyoka olya holola kutya oya gandja ekunkililo kaalandithi yomagumbo momasiku 21 Novemba opo ya hulithe po omukalo ngoka.
CATHERINE SASMAN
NEAB okwa tamekitha omakonaakono ngoka muMaalitsa na okwa totha mo nale omahangano 39 no-22 oya tulilwa mo nale iipotha noshikondo shiimbuluma yopashimaliwa mOpolisi yaNamibia.Otaku fekelwa kutya omahangano gokulanditha omagumbo ga thika pe-100 otaga longo pwaahena epitiko nokuulika iipindi yawo komapandja gopainterneta nomiikundaneki , yamwe oya tota po omapandja gopainterneta nokukengelela aayakulwa yawo.
“Itatu ti ayehe mboka haya ulike nokungeshefa iipindi yawo koFacebook kaye na omikanda. Kehe gumwe ota vulu okuulika iipindi ye hoka ihe owu na okukala wa shangithwa molwaashoka oshigwana itashi tseya ngele owa shangithwa nenge ahowe,” Eben de Klerk ngoka ta longele oNEAB ta ti.
Okwa popi kutya aantu mboka taya longo inaya shangithwa otaya yono oshikondo shoka nokuyonagula woo eliko. Oshikondo shomagumbo ohashi gandja oopresenda konyala 8 kogross domestic product (GDP), noopresenda dhoka odhi li pombanda lune nenge lutatu okuyeleka noshikondo shuunamapya. Okwa tsikile kutya oyendji mboka ya kwatwa oya popi kutya yo otaya longo owala onga aapokati nokukwathela aalandi naalandithi. Iipotha mbyoka ya tulwa mo osha monika mo kutya mboka ohaya tseyitha omahala gokulanda ngoka ga tseyithwa nale kaalandithi, nokwiilikolela woo okomisi yokulanditha uuna ehala lya landwa po. Momatseyitho ngoka haya ningi ohaya gandja owala oongodhi dhawo dhopeke, omanga ompango otayi utha opo aalandithi yomagumbo ya gandje uuyelele wawo wehangano ngaashi edhina, omadhina gaaniilonga uuna taya tseyitha iipindi yawo.
Uuna taya yi moonkundathana naalandi oya pumbwa okugandja uukalata wawo mboka wu na edhina lyoNEAB.
“Uuna wa hala okulanda ehala kwashilipaleka kutya ehangano osha shangithwa nongele owu na omalimbililo ninga ekwatathano noNEAB,”Annelie Aerla gwoNEAB.
Ompango yoEstate Agents Act yomo- 1976 otayi utha kutya omulandithi gwegumbo nenge gwehala omuntu ngoka a pewa oonkondo komulandithi gwehala nenge omulandi gwehala a tseyithe iipindi yelando nenge elanditho lyehala pehala lyomuntu ngoka nomepingakanitho ota futwa megandjo lyeyakulo ndyoka. Ngashiingeyi Namibia oku na aalandithi yomagumbo nomahala ye li 430 mboka ya shangithwa, ihe 200 oyo ya ninga omaindilo gofidelity fund certificates mo- 2017, naashoka otashi ulike kutya etata owala lyaamboka ya shangithwa oyo taya ka vula okukala ya shangithwa natango okuya mo-2017. Omaindilo 30 gokulonga mo-2017 oga tindwa omolwa iipumbiwa yimwe inayi gwana po. NEAB otaka tseyitha omusholondondo gwaalandithi yomagumbo mboka ya shangithwa miikundaneki muJanuari. NEAB okwa popi kutya okwa nongela kutya oombanga dhimwe ohadhi futu monyowa aalandithi yomagumbo naashoka kashi li pamulandu, nehangano ndyoka olya holola kutya oya gandja ekunkililo kaalandithi yomagumbo momasiku 21 Novemba opo ya hulithe po omukalo ngoka.
CATHERINE SASMAN
Comments
Namibian Sun
No comments have been left on this article