Aalandithi momatala gaShakati ya ningi ehololomadhilaadho
Elelo lyondoolopa yaShakati olya lombwele aalandithi momatala gomondoolopa ndjoka mboka kaya uvite ombili, opo ya holole omanyenyeto gawo okupitila mokomitiye ndjoka ya hogololwa okuya kalelapo.
Konyala aalandithi yomomatala gaShakati ya thika po 40 oya ningi ehololomadhilaadhilo mEtiyali taya pula opo ohiila yomahala ngoka yi shunithwe pevi nokugandja woo omayenyeto gawo galwe kelelo lyondoolopa.
Shika oshikando oshitiyali nuumvo aalandithi mboka taya pula opo iimaliwa mbyoka haya futu komwedhi onga ohiila momatala ngoka yi shunithwe pevi.
Momasiku 23 gaMei nuumvo, aalandithi natango ya thika pe 100 oyali ya ningi ehololomadhilaadhilo taya pula ondando yi shunithwe pevi pooN$200 nenge yi shune natango pevi. Oyali ya gandja omasiku 21 kelelo lyondoolopa opo li yamukule, ihe aalandithi mboka oya popi kutya sigo onena oya tegelela omayamukulo gawo okuza kelelo lyondoolopa.
Omupopiliko gwongundu ndjoka, Martha Lukolo, ngoka a lesha omukandanyenyeto gwawo pehala lyongundu okwa popi kutya elelo olya idhimbike eindilo lyawo opo ohiila yi shunithwe pevi.
Omukandanyenyeto ngoka ogwa tambulwa komunambelewa omukuluntu gwondoolopa ndjoka, Werner Iita.Lukolo okwa popi kutya aalandithi mboka inaya itaala ofuto ndjoka ya pewa. Okwa tsikile kutya omatala ngoka oga tungwa pehala inali talika nawa, onkene oshidhigu kuyo yamone ookastoma. Okwa pula woo opo ku ningwe omadhidhiliko taga ulike mpoka pe na omatala ngoka.
Oya pula opo natango elelo lyondoolopa li tunge ondjila yuuka komatala ngoka omape tayi zi pomatala ngoka omakulu.
Lukolo okwa popi woo kombinga yonkalo yomathikameno goombesa momatala ngoka, sho ooyene yamwe yoombesa ya tidhwa po kumboka taya tonatele hala ndyoka. Okwa pula elelo lyondoolopa li tale moshinima shoka. Aalandithi mboka oya popi kutya ngele elelo lyondoolopa inali ya yamukula muule womasiku 10 nena otaya ka ninga natango ehololomadhilaadhilo limwe.
Iita okwa popi kutya elelo olya li owala lya lombwelwa kombinga yehololoomadhilaadhilo ndyoka mOmaandaha, na inali pewa ethimbo lya gwana opo li yamukule.
Okwa popi kutya aalandithi inaya pumbwa okufala yooyene omanyenyeto gawo kelelo lyondoolopa, ihe naya pitile mookomitiye ndhoka dha tulwa po kelelo. “Inamu gandja ethimbo lya gwana kelelo lyondoolopa opo li kundathane uupyakadhi weni. Oshitiyali omwa hogolola okomitiye ndjoka tayi mu kalele po na onda tseyithilwa kutya inamu yi lombwela kombinga yehololomadhilaadhilo ndika.”
Iita okwa popi kutya iifuta yohiila yomatala oya tameka pooN$100 kwaamboka taya landitha iikunwa oshowo iikwamagadhi okuya pooN$40 kwaamboka taya landitha iinima yopamuthigululwakalo muutala. Mboka taya landithila iilandithomwa yawo yopamuthigululwakalo momizile ohaya futu oshimaliwa shooN$65. Oshimaliwa shooN$150 ohashi futwa kwaamboka haya landitha iikulya ya telekwa niikunwa, ooN$45 okaalandithi yoondjuhwa, N$300 oomboka haya landitha oohi nonyama inayi telekwa omanga N$600 oomboka ye na uutala wu na omahala gokupungula.
KENYA KAMBOWE
Shika oshikando oshitiyali nuumvo aalandithi mboka taya pula opo iimaliwa mbyoka haya futu komwedhi onga ohiila momatala ngoka yi shunithwe pevi.
Momasiku 23 gaMei nuumvo, aalandithi natango ya thika pe 100 oyali ya ningi ehololomadhilaadhilo taya pula ondando yi shunithwe pevi pooN$200 nenge yi shune natango pevi. Oyali ya gandja omasiku 21 kelelo lyondoolopa opo li yamukule, ihe aalandithi mboka oya popi kutya sigo onena oya tegelela omayamukulo gawo okuza kelelo lyondoolopa.
Omupopiliko gwongundu ndjoka, Martha Lukolo, ngoka a lesha omukandanyenyeto gwawo pehala lyongundu okwa popi kutya elelo olya idhimbike eindilo lyawo opo ohiila yi shunithwe pevi.
Omukandanyenyeto ngoka ogwa tambulwa komunambelewa omukuluntu gwondoolopa ndjoka, Werner Iita.Lukolo okwa popi kutya aalandithi mboka inaya itaala ofuto ndjoka ya pewa. Okwa tsikile kutya omatala ngoka oga tungwa pehala inali talika nawa, onkene oshidhigu kuyo yamone ookastoma. Okwa pula woo opo ku ningwe omadhidhiliko taga ulike mpoka pe na omatala ngoka.
Oya pula opo natango elelo lyondoolopa li tunge ondjila yuuka komatala ngoka omape tayi zi pomatala ngoka omakulu.
Lukolo okwa popi woo kombinga yonkalo yomathikameno goombesa momatala ngoka, sho ooyene yamwe yoombesa ya tidhwa po kumboka taya tonatele hala ndyoka. Okwa pula elelo lyondoolopa li tale moshinima shoka. Aalandithi mboka oya popi kutya ngele elelo lyondoolopa inali ya yamukula muule womasiku 10 nena otaya ka ninga natango ehololomadhilaadhilo limwe.
Iita okwa popi kutya elelo olya li owala lya lombwelwa kombinga yehololoomadhilaadhilo ndyoka mOmaandaha, na inali pewa ethimbo lya gwana opo li yamukule.
Okwa popi kutya aalandithi inaya pumbwa okufala yooyene omanyenyeto gawo kelelo lyondoolopa, ihe naya pitile mookomitiye ndhoka dha tulwa po kelelo. “Inamu gandja ethimbo lya gwana kelelo lyondoolopa opo li kundathane uupyakadhi weni. Oshitiyali omwa hogolola okomitiye ndjoka tayi mu kalele po na onda tseyithilwa kutya inamu yi lombwela kombinga yehololomadhilaadhilo ndika.”
Iita okwa popi kutya iifuta yohiila yomatala oya tameka pooN$100 kwaamboka taya landitha iikunwa oshowo iikwamagadhi okuya pooN$40 kwaamboka taya landitha iinima yopamuthigululwakalo muutala. Mboka taya landithila iilandithomwa yawo yopamuthigululwakalo momizile ohaya futu oshimaliwa shooN$65. Oshimaliwa shooN$150 ohashi futwa kwaamboka haya landitha iikulya ya telekwa niikunwa, ooN$45 okaalandithi yoondjuhwa, N$300 oomboka haya landitha oohi nonyama inayi telekwa omanga N$600 oomboka ye na uutala wu na omahala gokupungula.
KENYA KAMBOWE
Comments
Namibian Sun
No comments have been left on this article