Aakwiita yoKoevoet noSWATF ya pulwa ya gandje oondjokonona
Aakwiita nale oya pulwa opo ya gandje omahokololo gawo gondjokonona yekondjelomanguluko pethimbo mpoka taku ningwa oompangela opo omawendo gOniimwandi Koevoet Military Base mUupindi ga ningwe ehala lyuuthiga woondjokonona wopashigwana.
Ø Kwa gandjwa eindilo koNational Heritage Council (NHC) opo Oniimwandi Koevoet Military Base yi ningwe omisiuma yondjokonona dhiita
ILENI NANDJATO
Ngoloneya gwoshitopolwa shaShana, Clemens Kashuupulwa, okwa pula aakwiita nale yetanga lyokatongotongo pethimbo lyuukoloni, yoKoevoet oshowo South West African Territorial Force (SWATF) ya yambidhidhe mokugandja uuyelele kutya oshike sha ningilwa aakwiita yoPeople's Liberation Army of Namibia (PLAN) pethimbo lyuukoloni.
Eindilo ndyoka olya ningwa shalandula sho omupeha minista mombelewa yOmuprima Minista, Chief Samuel Ankama a gandja eindilo koNational Heritage Council (NHC) opo Oniimwandi Koevoet Military Base yi ningwe onga omisiuma yondjokonona yiita, go omayendo ngoka ga kala nokufumbikwa aakwiita yoPLAN taga ningwa omayendo gopashigwana.
Ankama okwa popi kutya AaNamibia oya tulwa miipandeko na inaya pangulwa. Oya monithwa iihuna nokudhipagelwa pokamba ndjoka. NHC okwa ningi oonkundathana naakwashigwana pethimbo lyomutumba ngoka gwa ningilwa mOshakati, nomutumba ngoka ogwa kaliwa kuyamwe po yomooluhupe yomamonitho giihuna.
Kashuupulwa okwa popi kutya opo omahala ngoka ga ningwe oompungulilo dhondjokonona dhopashigwana, osha simana noonkondo opo mboka ya hupu memonitho lyiihuna ndyoka oshowo mboka yalongo omiyonena ndhoka ya gandje omahokololo gawo kombinga yaashoka sha holoka po.
“Omahala goludhi ndoka ogendji kage shiwike kaantu oyendji, unene aanyasha na ondi wete otwa pumbwa okugongela omauyelele gomondjila kombinga yaashoka sha holoka po.”
“Oshipu noonkondo molwaashoka ooluhupe yamwe natango oyeli momwenyo na otaya vulu okugandja omahokololo gawo. Ihe ngele otashi vulika mboka ya li iilyo yoKoevoet oshowo SWATF, naya gandje omahokololo gawo nokutu lombwela kutya oshike sha holoka po na osha ningilwa oonkwatwa na odha monithwa ngiini iihuna,” Kashuupulwa a popi.
Ankama okwa popi kutya oonkwatwa dhimwe odhiiyakamo mondjeedhililo ndjoka, nokuya ontuku muupongekwa pondje yoshilongo na inadhi galukila moshilongo, sho oshilongo sha manguluka.
“Ookomrade oyendji oya monithwa iihuna nenge oya dhipagwa sho ya tindi okulongela kumwe nomutondi. Monena ohatu mono ooluhupe mboka mokati ketu na otaya vulu okugandja omahokololo gawo,” Ankama a popi.
Ankama okwa popi kutya omayendo ngoka geli mUupindi oga pumbwa okusimanekwa pashigwana molwaashoka aakwiita oyendji yoSwapo mboka ya dhipagelwa pomahala ga yooloka momvula yo 1989 oya ekelwa mombila yimwe kaakwiita yoKoevoet.
Omukomeho gwelelo lyuuthiga woondjokonona moNHC okwa popi kutya oya yakula ehogololo lyomahala gaali nelelo otali ka ninga omutumba opo ya tokole ngele omahala ngoka otaga ningwa omahala goondjokonona gopashigwana nenge ahowe.
“Otashi ikolele kuuyelele mboka tatu mono okuza kune, owo tawu kakwathela mokuzimina nenge mokutinda omaindilo ngoka. Kune oshipu molwaashoka ooluhupe otaya vulu okugandja omahokololo gawo naashoka otashi yambidhidha meningo lyomatokolo,” Ndalikokulea popi.
Okamba yaakwiita nale tayi ithanwa, Oniimwandi Koevoet Military Base ngashiingeyi ohayi longithwa onga okamba yopolisi yoshikondo shoSpecial Reserve Force.
ILENI NANDJATO
Ngoloneya gwoshitopolwa shaShana, Clemens Kashuupulwa, okwa pula aakwiita nale yetanga lyokatongotongo pethimbo lyuukoloni, yoKoevoet oshowo South West African Territorial Force (SWATF) ya yambidhidhe mokugandja uuyelele kutya oshike sha ningilwa aakwiita yoPeople's Liberation Army of Namibia (PLAN) pethimbo lyuukoloni.
Eindilo ndyoka olya ningwa shalandula sho omupeha minista mombelewa yOmuprima Minista, Chief Samuel Ankama a gandja eindilo koNational Heritage Council (NHC) opo Oniimwandi Koevoet Military Base yi ningwe onga omisiuma yondjokonona yiita, go omayendo ngoka ga kala nokufumbikwa aakwiita yoPLAN taga ningwa omayendo gopashigwana.
Ankama okwa popi kutya AaNamibia oya tulwa miipandeko na inaya pangulwa. Oya monithwa iihuna nokudhipagelwa pokamba ndjoka. NHC okwa ningi oonkundathana naakwashigwana pethimbo lyomutumba ngoka gwa ningilwa mOshakati, nomutumba ngoka ogwa kaliwa kuyamwe po yomooluhupe yomamonitho giihuna.
Kashuupulwa okwa popi kutya opo omahala ngoka ga ningwe oompungulilo dhondjokonona dhopashigwana, osha simana noonkondo opo mboka ya hupu memonitho lyiihuna ndyoka oshowo mboka yalongo omiyonena ndhoka ya gandje omahokololo gawo kombinga yaashoka sha holoka po.
“Omahala goludhi ndoka ogendji kage shiwike kaantu oyendji, unene aanyasha na ondi wete otwa pumbwa okugongela omauyelele gomondjila kombinga yaashoka sha holoka po.”
“Oshipu noonkondo molwaashoka ooluhupe yamwe natango oyeli momwenyo na otaya vulu okugandja omahokololo gawo. Ihe ngele otashi vulika mboka ya li iilyo yoKoevoet oshowo SWATF, naya gandje omahokololo gawo nokutu lombwela kutya oshike sha holoka po na osha ningilwa oonkwatwa na odha monithwa ngiini iihuna,” Kashuupulwa a popi.
Ankama okwa popi kutya oonkwatwa dhimwe odhiiyakamo mondjeedhililo ndjoka, nokuya ontuku muupongekwa pondje yoshilongo na inadhi galukila moshilongo, sho oshilongo sha manguluka.
“Ookomrade oyendji oya monithwa iihuna nenge oya dhipagwa sho ya tindi okulongela kumwe nomutondi. Monena ohatu mono ooluhupe mboka mokati ketu na otaya vulu okugandja omahokololo gawo,” Ankama a popi.
Ankama okwa popi kutya omayendo ngoka geli mUupindi oga pumbwa okusimanekwa pashigwana molwaashoka aakwiita oyendji yoSwapo mboka ya dhipagelwa pomahala ga yooloka momvula yo 1989 oya ekelwa mombila yimwe kaakwiita yoKoevoet.
Omukomeho gwelelo lyuuthiga woondjokonona moNHC okwa popi kutya oya yakula ehogololo lyomahala gaali nelelo otali ka ninga omutumba opo ya tokole ngele omahala ngoka otaga ningwa omahala goondjokonona gopashigwana nenge ahowe.
“Otashi ikolele kuuyelele mboka tatu mono okuza kune, owo tawu kakwathela mokuzimina nenge mokutinda omaindilo ngoka. Kune oshipu molwaashoka ooluhupe otaya vulu okugandja omahokololo gawo naashoka otashi yambidhidha meningo lyomatokolo,” Ndalikokulea popi.
Okamba yaakwiita nale tayi ithanwa, Oniimwandi Koevoet Military Base ngashiingeyi ohayi longithwa onga okamba yopolisi yoshikondo shoSpecial Reserve Force.
Comments
Namibian Sun
No comments have been left on this article