Aakwiita ya ka kuga koAR omolwa ekondjithilo lyowenda yoCovid-19

OMUTOOLINKUNDANA GWOMENIOVENDUKAAakwiita mboka itaya popile otuntila yaayehe mEtanga lyEgameno omolwa oCovid-19 oya ka kuga onkugo koAffirmative Repositioning (AR) opo ya ka kwathelwe ya vule okuyanda etuntilo ndyoka.Omukomeho gwiikwaveta moAR, Maitjituavi Kavetu, okwa shangele ominista yEgameno, Frans Kapofi, opo yikuthemo elombwelo ndyoka tali utha aakwiita ayehe opo ya kale ya tuntilwa. “Otatu pula mpaka opo elombwelo ndyoka lya gandjwa kwiikwatelelwa kOntopolwa onti 81 yEgameno li kuthwemo meendelelo nenge li lundululwe kutya etuntila ndjoka oyaamboka yahala, endopo oku shi ninga otatu ka thiminikwa tu ye kompangu moonkundathana pamwe noOffice of the Ombudsman,” Kavetu a popi.Kapofi okwa popi kutya ina nongela omanyenyeto okuza kaakwiita, ta gwedhapo kutya aakwiita oye na omulandu gwokugandja omanyenyeto gawo ihe ha ku pitila omuntu omutitatu.Aakwiita oya tameke woo eshaino lyomukandanyenyeto komalungula ngoka tagu ka gandjwa kOmupresidende, Hage Geingob, opo kukuthwe miilonga omulandu ngoka gwa gandjwa.Momasiku 29 gaSepetemba, Komanda gwEtanga lyegameno, Martin Pinehas, okwa gandja elombwelo opo aakwiita ayehe ya kale ya tuntilwa koonkondo, kwiikatelelwa aniwa kontopolwa onti 81 yomOveta yEgameno yomomvula yo 2002.Kavetu okwa popi kutya shoka otashi fatululwa kutya aakwiita kaye na uuthemba womalutu gawo, nomalutu gawo otaga longithwa ga fa iilongitho nomaliko guuministeli ngaashi oondjembo niihauto yiita.Mekondjitho ndyoka, Pinehas otayi pondje epopyo lyomuleli gwoshilongo ngoka a popi momasiku 15 gaSepetemba kutya etuntilo ndyoka olyaangoka wa hala.Pinehas okwa pewa sigo omasiku 29 gaKotomba a kuthe miilonga elombwelo ndyoka a li a gandja nenge a falwe kompangu, Kavetu okwa popi kutya elombwelo ndyoka itali ka hupa ngele olya falwa kompangu.

Aakwiita ya ka kuga koAR omolwa ekondjithilo lyowenda yoCovid-19

Comments

Namibian Sun 2025-07-04

Please login to leave a comment

Aakwiita ya ka kuga koAR omolwa ekondjithilo lyowenda yoCovid-19

Comments

Namibian Sun 2025-07-04

Please login to leave a comment

Login