Aakwiita ya dhengagula aniwa omukwashigwana
JANA-MARI SMITH
Omukwashigwana gwomOvenduka ngoka a tulwa miipandeko omolwa oshipotha shedhengo muMei okwa popi kutya okwa li a dhengwa nokumonithwa iihuna kaakwiita yoNDF nokutulwa miiketanga konima yohauto yetanga lyegameno.
Omukalimo gwomOkuryangava, Jason Kauhondamwa (29) okwa lombwele oNamibian Sun kutya okwiiyadha monkalo ya dhigupala momasiku 16 gaMei lwopotundi onti 10:00 yongula pethimbo a li ta taaguluka ondjila yepandanda lya moMonte Christo, sho iithanwa kaakwiita yahala okuhadha mokandjato ke kokomapepe.
Okwa popi kutya mokandjato ke omwali okakalata komeya, omapando gaali giikamusino noshifokundaneki.
Okwa popi kutya onkalo oya piyagana mbala sho aakwiita ye mu lundile kutya ke na omikalo na ota tukana.
Kauhondamwa okwa popi kutya okwa thikamekwa nale kaapolisi nokumuhandha ihe okuwete kutya aapolisi naakwiita inaya faathana.
Okwa popi kutya, sha landula oshiningwanima shoka ke wete we a gamenwa uuna a mono aakwiita.
Okwa tulwa miipandeko lwanima omolwa oshipotha shedhengo oshowo okuya moshipala omunambelewa gwopolisi a longe iilonga ye. Okwa kala modholongo uule womasiku gatano omanga ina pewa omboloha yoshimaliwa shooN$2 000.
Kauhondamwa okwa patulula oshipotha nopolisi yaWanaheda omolwa edhengo nomathangagulo ngoka a ningilwa kaakwiita esiku ndyoka.
“Onda hala ya ninge omakonaakono. Kashi li pauyuuki. Aantu mboka aakwiita na otaya hepeke oshigwana. Kashi li pamulandu.”
Opolisi oya koleke kutya oshipotha shaKauhondamwa osha patululwa na otashi konaakonwa.
Okwa popi kutya okwa tokola okuya moshigwana molwaashoka ngele wa popi opo owala to mono omalunduluko.
Okwa popi kutya mesiku ndyoka lyomasiku 16 gaMei omukwiita ngoka a hadha mondjato ye okwa pula kombinga yomaihumbato ge na okwe mu lombwele opo a ye naye kohauto hoka kwa li ku na aakwiita yakwawo ya tegelela.
Okwa popi kutya oya taambathana omalaka, na okwa zimine kutya sho omukwiita e mu tuku naye okumu tuku.
Okwa popi kutya okwa tulwa miipandeko nokutulwa mohauto moka a kala ta dhengwa kaakwiita nokumu lombwela kutya otaye mu zula opo nongele okwe ya mono a kale he ya tilwa.
Oshipotha shoka a patululilwa osha undulilwa komasiku 17 gaSepetamba.
Kauhondamwa okwa popi kutya otiikalelepo yemwene mohofa, ta popi kutya ina pumbwa ekwatho lyomukalelipo gwopaveta molwaashoka otaka popya owala oshili.
Okwa popi kutya nonando okwali eehamekwa ina pewa epango omanga eli modholongo.
Okwa popi kutya osha li oshiidhigu okupatulula oshipotha shoka, sho aapolisi yali yemu lombwele kutya okupatululila aakwiita oshipotha kashi na mpoka tashi yi.
Sha landula oolopota dhomadhengo taga ningilwa aakwashigwana kaakwiita, omahangano ogendji oya kondema omaihumbato gaakwiita.
Omahwahwameko gOperation Hornkranz, ngoka ga nuninwa okukondjitha iimbuluma na oga shituka omadhengo gaakwashigwana oga pingenwapo ko Operation Kalahari Desert.
Petameko lyomwedhi June, Komanda gwopolisi yaKhomas, Joseph Shikongo oka popi kutya iimbuluma oya shuna pevi moshilando konima nkene kwa tulwa miilonga ‘Operation Kalahari Desert’, muMei.
Omukwashigwana gwomOvenduka ngoka a tulwa miipandeko omolwa oshipotha shedhengo muMei okwa popi kutya okwa li a dhengwa nokumonithwa iihuna kaakwiita yoNDF nokutulwa miiketanga konima yohauto yetanga lyegameno.
Omukalimo gwomOkuryangava, Jason Kauhondamwa (29) okwa lombwele oNamibian Sun kutya okwiiyadha monkalo ya dhigupala momasiku 16 gaMei lwopotundi onti 10:00 yongula pethimbo a li ta taaguluka ondjila yepandanda lya moMonte Christo, sho iithanwa kaakwiita yahala okuhadha mokandjato ke kokomapepe.
Okwa popi kutya mokandjato ke omwali okakalata komeya, omapando gaali giikamusino noshifokundaneki.
Okwa popi kutya onkalo oya piyagana mbala sho aakwiita ye mu lundile kutya ke na omikalo na ota tukana.
Kauhondamwa okwa popi kutya okwa thikamekwa nale kaapolisi nokumuhandha ihe okuwete kutya aapolisi naakwiita inaya faathana.
Okwa popi kutya, sha landula oshiningwanima shoka ke wete we a gamenwa uuna a mono aakwiita.
Okwa tulwa miipandeko lwanima omolwa oshipotha shedhengo oshowo okuya moshipala omunambelewa gwopolisi a longe iilonga ye. Okwa kala modholongo uule womasiku gatano omanga ina pewa omboloha yoshimaliwa shooN$2 000.
Kauhondamwa okwa patulula oshipotha nopolisi yaWanaheda omolwa edhengo nomathangagulo ngoka a ningilwa kaakwiita esiku ndyoka.
“Onda hala ya ninge omakonaakono. Kashi li pauyuuki. Aantu mboka aakwiita na otaya hepeke oshigwana. Kashi li pamulandu.”
Opolisi oya koleke kutya oshipotha shaKauhondamwa osha patululwa na otashi konaakonwa.
Okwa popi kutya okwa tokola okuya moshigwana molwaashoka ngele wa popi opo owala to mono omalunduluko.
Okwa popi kutya mesiku ndyoka lyomasiku 16 gaMei omukwiita ngoka a hadha mondjato ye okwa pula kombinga yomaihumbato ge na okwe mu lombwele opo a ye naye kohauto hoka kwa li ku na aakwiita yakwawo ya tegelela.
Okwa popi kutya oya taambathana omalaka, na okwa zimine kutya sho omukwiita e mu tuku naye okumu tuku.
Okwa popi kutya okwa tulwa miipandeko nokutulwa mohauto moka a kala ta dhengwa kaakwiita nokumu lombwela kutya otaye mu zula opo nongele okwe ya mono a kale he ya tilwa.
Oshipotha shoka a patululilwa osha undulilwa komasiku 17 gaSepetamba.
Kauhondamwa okwa popi kutya otiikalelepo yemwene mohofa, ta popi kutya ina pumbwa ekwatho lyomukalelipo gwopaveta molwaashoka otaka popya owala oshili.
Okwa popi kutya nonando okwali eehamekwa ina pewa epango omanga eli modholongo.
Okwa popi kutya osha li oshiidhigu okupatulula oshipotha shoka, sho aapolisi yali yemu lombwele kutya okupatululila aakwiita oshipotha kashi na mpoka tashi yi.
Sha landula oolopota dhomadhengo taga ningilwa aakwashigwana kaakwiita, omahangano ogendji oya kondema omaihumbato gaakwiita.
Omahwahwameko gOperation Hornkranz, ngoka ga nuninwa okukondjitha iimbuluma na oga shituka omadhengo gaakwashigwana oga pingenwapo ko Operation Kalahari Desert.
Petameko lyomwedhi June, Komanda gwopolisi yaKhomas, Joseph Shikongo oka popi kutya iimbuluma oya shuna pevi moshilando konima nkene kwa tulwa miilonga ‘Operation Kalahari Desert’, muMei.
Comments
Namibian Sun
No comments have been left on this article