AakwaSwapo ya pulwa ya gwanithe po iilonga yawo

KENYA KAMBOWEOmukwatakanithi gwongundu yoSwapo moshitopolwa shaKavango East, Ottilie Shinduvi okwa pula iilyo iiikwawo yongundu yoSwapo unene mbyoka ya hogololwa pomahala guuleli opo yi hulithepo omukalo gwokukala ya tegelelwa aahogolili ye ya iheke mokupewa omayakulo, pehala lyokugandja omayakulo ngoka ngaashi ye shi inekelelwa poompito mpoka yeli. Shinduvi okwa popi ngaaka mEtiyali pethimbo lyomutumba gwelelo moshitopolwa shoka, ngoka gwa ningilwa poombelewa oonene dhongundu moRundu. Pethimbo lyoshipopiwa she, Shinduvi okwa popi e li ompinge naaleli yongundu yamwe po, mboka taya pula ya pandulwe nokulongelwa kaahogololi.Okwa popi kutya ope na aaleli yamwe po mboka ya hogololwa momalelo goondoolopa opo ya gandje omayakulo koshigwana ihe itaya gwanithwa po iilonga yawo, na okwa pula omukalo ngoka gu mone ehulilo. “Swapo kayi shi ehangano lyokugandja iilonga. Owa hogololwa opo wu kwathele aantu ihe haantu yeku longele,” Shinduvi a popi.Okwa tsikile kutya otashi piyaganeke noonkondo sho aaaleli yongundu poompito dhimwe, yahala aahogololi ye ya hehele opo ya gandje omayakulo kuyo, ta popi kutya shoka oshizemo shiilyo yongundu mbyoka ihayi tala koompumbwe dhoshigwana.Okwa popi woo kutya aaleli naya kale haya taambako omanyano nomanyenyetelo okuza moshigwana, nokwiilonga okuza komanyano nomanyenyetelo ngokaOmukwatakanithi gwopashigwana gwoskola yaSwapo, Charles Mubita, naye okwa li momutumba ngoka. Konima omutumba ogwa tsikile inamu pitikwa iikundaneki.Konima yomutumba gwomiyelo dhiidhila ngoka gwa ningwa uule woowili ne, Mubita okwa tseyithile oNamibian Sun kutya etalelepo ye okutala kiikumungu yi na sha nomilandu omipe, paitayi niikandjo yongundu.Okwa popi kutya okwa a li ahiwa kombelewa yoshitayi shoka.Swapo okwa tegelelwa a ka talulule omilandu dhe okuya momasiku 30 gaMei. Lwopokati mpoka oNamibian Sun oya nongele kombinga yiitayi mbyoka yali ya totwapo okuya momasiku ga 4 gaJuli mo 2015 momutumba gwoSwapo Rundu Urban district , mbyoka yali ya kalelwapo kaakuthimbinga mboka konima ya kana po.Osha nongelwa kutya oshikandjohogololo shaRundu Urban oshi na iitayi 79 mbyoka kwa tegelelwa yi ka shunithwe pevi uuna omilandu dha talululwa.

AakwaSwapo ya pulwa ya gwanithe po iilonga yawo

Comments

Namibian Sun 2025-09-16

Please login to leave a comment

AakwaSwapo ya pulwa ya gwanithe po iilonga yawo

Comments

Namibian Sun 2025-09-16

Please login to leave a comment

Login