Aahupi yomithima oya li ya kunkililwa - Shilongo

ILENI NANDJATOOlopota ya ngongwa po kOmunambelewa Omukuluntu gwOshitopolwa shaHangwena Fillipus Shilongo oya hololwa kutya, ongundu yaahupi yomithima oyali ya kunkililwa opo ya hulithe po iilonga yawo mbyoka mOkatope moka aalumentu yaali ya hulitha konima sho ya gwililwa po kevi omanga yeli moshilambo shomuthima shoka ya li taya hupu.Shilongo okwa popi kutya omukomeho ngoka a li ta kwatele komeho mboka taya hupu omithima okwa li a ka konga ekwatho lyiilongitho kombelewa yakansela Johannes Hakanyome omanga oshiningwanima shoka inashi holoka mOlyomakaya moka oomwenyo gwomunamimvo 29 Kashima Junias Hauwanga oshowo 36 Jacob Hangula dha kanene.Ombelewa yakansela inayi gandja omakwatho ngoka nopehala olya kunkilile kutya evi momudhingoloko ngoka kali shi ewanawa nokuhupa omithima.Hauwanga naHangula oya li ya gwililwa po kevi moshilambo shoometa hamano omutenya gwOlyomakaya nomalutu gawo oga monika owala ongula yOsoondaha. Pahapu dhaShilongo, Fillipus Shaduka okwa lopota kumwene gwomukunda gwawo Frida Melila kutya okwa hala okuhupa omuthima gwopaumwene mepya lye na okwa kutu aantu yane ye mu longele okuhupa omuthima.Shilongo okwa popi kutya omukomeho gwaamboka yali taya hupu okwayi kombelewa yakansela opo ya vule andola okupewa omayakulo ihe shoka inashi vula okuningwa molwaashoka omuthima ngoka gwa li tagu hupwa ogwopaumwene nopehala kansela okwe ya kunkilile owala kutya evi ndyoka kali shi ewanawa ihe omupya omunene inaya tula miilonga ekunkililo ndyoka ya pewa. Shilongo okwa gandja oshinakugwanithwa komukomeho gwoshikondo sheyandjakaneko lyomeya moshitopolwa nuuyogoki Lazarus Shikololo, chief administrative officer for emergencies, Thomas Mwandingi, oshowo omunambelewa gwocontrol administrative moshitopolwa shaHangwena Josephine Oiva, opo ya konaaakone kutya oshike sha ningwa po mOkatope.Pahapu dhaShilongo, Shaduka okwa lopotele Melila oku na ohokwe okuhupa omuthima gwopaumwene mepya lye oshinano shoometa 50 okuza pegumbo. Nonando aakwashigwana otaya popi kutya oshiningwanima shoka osha holola omolwa enota nompumbwe yomeya momudhingoloko, Shilongo okwa popi kutya omudhingoloko ogu na oopomba dhomeya dhepangelo dhi li moshinano shookilometa mbali dhoka tadhi vulu okulongithwa kaantu oshowo kiimuna. Omeya popomba yimwe oga kala taga ende kashona okuza petameko lyomweedhi nguka, shoka sha etitha omikweyo omileeleka. Melila okwa popi kutya oye na woo omithima ndatu tadhi longo momudhingoloko.Shilongo okwa popi kutya pamakonaakono ngoka ga ningwa kombinga yonkalo yomeya momukunda ngoka, omuna oopomba dhomeya dhi li ne ndhoka dha tungwa kepangelo, noopomba mbali odhi na omatemba gokunwina iimuna. Yimwe otayi longo yimwe oya pata omolwa oondjo dhomeya. Opomba ndjoka yi li popepi negumbo lyaShaduka oyi li meni lyoshinano shoometa 900. Shaduka pamwe naakwashigwana yamwe oya lombwele oNamibian Sun kutya omolwa onkalo yoshikukuta aashiinda inaya hala we omithima dhawo dhi longithwe naashoka osha hwahwameke onkalo aantu ya tameke okuhupa omithima dhawo.Shilongo okwa popi kutya okwa pumbwa okufilwa elambo moka aalumetu mboka ya sile molwaashoka oli li lya nika oshiponga kaantu unene aanona oshowo iinamwenyo.

Aahupi yomithima oya li ya kunkililwa - Shilongo

Comments

Namibian Sun 2025-09-16

Please login to leave a comment

Aahupi yomithima oya li ya kunkililwa - Shilongo

Comments

Namibian Sun 2025-09-16

Please login to leave a comment

Login