Aahololimadhilaadhilo taya fundju

Omunambelewa omukuluntu gwelelo lyondoolopa yaShakati, Werner Iita okwa popi kutya ongundu yaalandithi momatala mboka ya ningi ehololomadhilaadhilo oshiwike shika kombinga yoondando dhoohiila momatala ngoka itaya popi oshili.Iita okwa popi kutya ongundu ndjoka ya ningi ehololomadhilaaadhilo mEtiyali poombelelwa dhelelo lyondoolopa, tayi pula opo ohiila yokulandithila momatala yi shune pevi, otayi kwatelwa komeho kwaamboka yahala oshushunitha pevi elelo lyondoolopa.“Elilo lyawo kali na oshili. Aantu mboka itaya popi oshili. Momatala omu na okomitiye ndjoka ya kwatela mo woo aalandithi na oya hogololwa owina opo yi pulakene komanyenyeto nomakemo gawo. Omolwashike itaya pitile mokomitiye yawo ngele oyo ye yi hogolola,” Iita a pula.“Elelo otali fekele kutya ope na ngoka e li konima aantu mboka, a hala a ninge ondoolopa yi kale kayi na oompango noshinima shoka itatu shi pitika.” Iita okwa popi kutya elelo olya yamukula komaindilo ngoka ga ningwa kaalandithi mboka muMei, taya pula opo oondando yi shune pevi oshowo omadhidhiliko ngoka taga ulike mpoka tapu adhika omatala ngoka. “Otwe ya yamukula oshikando shotango sho ya ningi omaindilo, ngele owa tala konkalo ndjoka otwa tula po omathano taga ulike mpoka tapu adhika omatala ngoka. Sho tatu popi ngaashiingeyi elelo otali kundathana nooindjinia opo ku tulwe opate yoteya ya za mondjila yaKahao- Oshakati, ndjoka tayi kwatakanithwa woo nomatala ngoka omape. Omayamukulo geni po yahala.” Kombinga yoondando okwa popi kutya aalandithi mboka haya futu oshimaliwa oshindji oshi li pooN$600, omanga mboka haya futu oshimaliwa oshishona yeli pooN$5 komwedhi. “Ongundu ndjoka aluhe ohayi gandja oshiholelwa shokatala hoka haka futilwa oshimaliwa shooN$1 200, ndjoka yili ondando yopombanda ihe mokatala moka omuna owala omuntu gumwe oye ha landithilemo mokati kaalandithi omathele taya adhika momatala ngoka, na oha longitha owala ombinga yimwe, ndjoka ha futile oshimaliwa shooN$600. Aantu naya ilonge okupopya oshili. Aantu otaya futu ondando dhishi okwiidhidhimikilwa, na otu na omapulo ngele mboka taya ningi omahololomadhilaadhilo aalandithi tuu shili.” Iita okwa popi kutya okwa haluka sho aalandithi mboka taya pula omayamukulo kiinima yali inaye yi pula nale, ngaashi oshikumungu shoombesa dhiinano iile, oshikumungu shaalandithi yomomapandanda mboka taya popi kutya naya kale taya vulu okulandithilla kehe pamwe na okwa popi kutya mboka uumbangi tawu ulike kutya aantu mboka oye li we monima. Aalandithi mboka oya gandja kelelo lyondoolopa omasiku 10 opo li kale lya yamukula. Pamusholondondo gwoondando dhomomatala iifuta yohiila yomatala oya tameka pooN$100 kwaamboka taya landitha iikunwa oshowo iikwamagadhi okuya pooN$40 kwaamboka taya landitha iinima yopamuthigululwakalo muutala.Mboka taya landithila iilandithomwa yawo yopamuthigululwakalo momizile ohaya futu oshimaliwa shooN$65. Oshimaliwa shooN$150 ohashi futwa kwaamboka haya landitha iikulya ya telekwa niikunwa, ooN$45 okaalandithi yoondjuhwa, N$300 oomboka haya landitha oohi nonyama inayi telekwa omanga N$600 oomboka ye na uutala wu na omahala gokupungula.KENYA KAMBOWE

Aahololimadhilaadhilo taya fundju

Comments

Namibian Sun 2026-02-12

Please login to leave a comment

Aahololimadhilaadhilo taya fundju

Comments

Namibian Sun 2026-02-12

Please login to leave a comment

Subscription Required to Access Content ×

Login

Subscription Required to Access Content