Aahingi yootaxi oya hala egameno lyopaveta
Aahingi yootaxi moVenduka oya ningi ehololomadhilaadhilo esiku Etiyali poombelewa dhUuministeli wAaniilonga moonkambadhala opo omakemo gawo ga talike.
Ehangano lyoNamibia Transport and Taxi Union (NTTU) olya tamekitha ehololomadhilaadhilo ndyoka lya tameke mOmaandaha na oya gandja omukandanyenyeto gwawo kuuministeli mboka , moka ya popi kutya aaniilonga mboka moNamibia oye li onga aapika.
Omupresidede gwehangano ndyoka, Werner Januarie, okwa popi kutya otaya tsikile nokuninga omahololomadhilaadhilo sigo omakemo gawo ga talika.
Januarie okwa lombwele oNamibian Sun kutya ehololomadhilaadhilo lyawo otali tsikile sigo omEtine (ohela) ngele inaya mona omayamukulo komapulo gawo.
“Inatu mona natango omayamukulo ihe otu na einekelo kutya otaye tu galukile.”
Momanyenyeto gamwe po ngoka ga tothwamo kaaahingi yootaxi ongaashi kutya otaya ihumbatelwa nayi kaagandji yawo yiilonga, noshilonga sha simana shoka taya longo moshigwana inashi talika.
Januarie okwa popi kutya aaniilonga mboka ihaya pewa oompango dhiilonga dhili nawa, na ohaya ihumbatelwa nayi kaagandji yawo yiilonga.
Oya hala opo ku tulwe po opresenda ndhotumba dhiifuta yawo oshowo yap ewe egameno kohi yOmpango yAaniilonga.
Januarie okwa popi kutya ehololomadhilaadhilo lyawo, oli li oshizemo shomutumba ngoka ya ningi momasiku 10 gaMalitsa ngoka gwa tsu kumwe opo ku tseyithilwe epangelo kombinga yelundululo lyoondjambi dhaaniiilonga mboka, ya vule okukala taya futwa oopresenda 40, ndhoka tadhi ka vulitha oondjambi dhawo komwedhi dhi kale pooN$4 000.
“Otwa kala pokomisi yoopresenda 30 uule wethimbo, ngashiingeyi otwa hala oondjambi dhi gwedhelwe oshowo onkalo yetu yiilonga yihwepopekwe tse tu tyapule oonkalo yiilonga yanawapala ngaashi aaniilonga ayehe miikondo ya yooloka moshilongo.”
Oshinima shimwe aahingi yootaxi ya hala etulo miilonga lyomulandu gwiiyenditho yaayehe. Omulandu ngoka ogwa li gu na okutulwa miilonga momasiku 31 gaJanuari nuumvo ihe shoka inashi ningwa.
ELLANIE SMIT
Ehangano lyoNamibia Transport and Taxi Union (NTTU) olya tamekitha ehololomadhilaadhilo ndyoka lya tameke mOmaandaha na oya gandja omukandanyenyeto gwawo kuuministeli mboka , moka ya popi kutya aaniilonga mboka moNamibia oye li onga aapika.
Omupresidede gwehangano ndyoka, Werner Januarie, okwa popi kutya otaya tsikile nokuninga omahololomadhilaadhilo sigo omakemo gawo ga talika.
Januarie okwa lombwele oNamibian Sun kutya ehololomadhilaadhilo lyawo otali tsikile sigo omEtine (ohela) ngele inaya mona omayamukulo komapulo gawo.
“Inatu mona natango omayamukulo ihe otu na einekelo kutya otaye tu galukile.”
Momanyenyeto gamwe po ngoka ga tothwamo kaaahingi yootaxi ongaashi kutya otaya ihumbatelwa nayi kaagandji yawo yiilonga, noshilonga sha simana shoka taya longo moshigwana inashi talika.
Januarie okwa popi kutya aaniilonga mboka ihaya pewa oompango dhiilonga dhili nawa, na ohaya ihumbatelwa nayi kaagandji yawo yiilonga.
Oya hala opo ku tulwe po opresenda ndhotumba dhiifuta yawo oshowo yap ewe egameno kohi yOmpango yAaniilonga.
Januarie okwa popi kutya ehololomadhilaadhilo lyawo, oli li oshizemo shomutumba ngoka ya ningi momasiku 10 gaMalitsa ngoka gwa tsu kumwe opo ku tseyithilwe epangelo kombinga yelundululo lyoondjambi dhaaniiilonga mboka, ya vule okukala taya futwa oopresenda 40, ndhoka tadhi ka vulitha oondjambi dhawo komwedhi dhi kale pooN$4 000.
“Otwa kala pokomisi yoopresenda 30 uule wethimbo, ngashiingeyi otwa hala oondjambi dhi gwedhelwe oshowo onkalo yetu yiilonga yihwepopekwe tse tu tyapule oonkalo yiilonga yanawapala ngaashi aaniilonga ayehe miikondo ya yooloka moshilongo.”
Oshinima shimwe aahingi yootaxi ya hala etulo miilonga lyomulandu gwiiyenditho yaayehe. Omulandu ngoka ogwa li gu na okutulwa miilonga momasiku 31 gaJanuari nuumvo ihe shoka inashi ningwa.
ELLANIE SMIT
Comments
Namibian Sun
No comments have been left on this article