Aagandji yomayakulo guundjolowele yopaumwene oyendji kaye na ohokwe okulongela kumwe noPsemas
Omapekaapeko nomapulaapulo ngoka ga ningilwa oondohotola dhopaumwene oshowo aagandji yomayakulo guunamiti yopaumwene konyala moshilongo ashihe, oopresenda dhi vulithe po 20 odha holola kutya itadhi ka shaina okondalaka ompe yuuwanawa wuunamiti waaniilonga yepangelo ano Psemas. Okondalaka ndjoka oya tulwa miilonga ohela.
Omapekaapeko ngoka ga ningwa ko Namibia Private Practitioners' Forum (NPPF), melongelokumwe noNamibia Dental Association (NDA) oshowo Medical Association of Namibia (MAN). Konyala oonakuningilwa omapulaapulo yeli 308 oya kutha ombinga noopresenda 80 odha popi kutya omulandu gwiifuta gwoNamibian Association for Medical Aid Funds (Namaf), ngoka gu li nale miilonga uule woomvula ntano monena, iifuta mbyoka itayi vulitha oongeshefa dhawo dhi hume komeho.
Omukanda ngoka gwa pitithwa ko NPPF, ogwa holola kutya konyala oopresenda 10% dhoondohotola dhopaumwene nenge aagandji yomayakulo gopaunamiti yopaumwene mboka ya kutha ombinga momapekaapeko ngoka inaya lelepeka okondalaka dhawo noPsemas uule woomvula ndatu nale. Omwaalu ngoka ogwa londo pombanda sigo opoopresenda 17, nomonena ogwa londa poopresenda 21 sho oyendji natango inaya lelepeka ookondalaka dhawo okuya mesiku lyotango lyaApilili nuumvo.
Okuya komvula twa taalela omwaalu ngoka otagu ka kala poopresenda 25.
Oopresenda 29, dhoka dha shunitha pevi egandjo lyomayakulo kiilyo yoPsemas, odha popi kutya iifuta yi li pevi noonkondo mbyoka ya tulwa po komusindalandu gwoPsemas, epangelo inali vula okufutila omayakulo ngoka omvula ya piti, naashoka osha tula moshiponga iiyemo yoongeshefa ndhoka, oyo yimwe yomomatompelo ya tokola okuhulitha po elongelokumwe lyawo noPsemas.
NPPF okwa tsikile kutya etulo pombanda lyiipumbiwa yeshangitho nomilandu omuleeleka uuna mboka taya pula ko iifuta yawo, oyimwe tayi shunitha pevi ohokwe yoongeshefa ndhoka okugandja omayakulo kiilyo yoPsemas.
Onkalo ndjoka oya etitha uumbanda kutya oyendji mboka yeli koshi yehangano lyuuwanawa mboka wuunamiti, otaya ka thiminikwa konkalo opo ya longithe omayakulo giipangelo yepangelo .
Aagandji yomayakulo guunamiti mboka yahala okugandja omayakulo kiilyo yoPsemas, oye na okugandja omikanda dhomaindilo kUuministeli wUundjolowele, koHealth Professions Councils (HPCNA), Namaf, Namibian Medicines Regulatory Council (NMRC), Receiver of Revenue oshowo the Social Security Commission.
Konyala aakuthimbinga momapulaapulo ngoka ya thika poopresenda 80, oya popi kutya omulandu ngoka omule noonkondo.
Psemas oku na iilyo yi li po 293 250 moka iilyo 124 000 yi li ooyene yomauwanawa ngoka omanga omwaalu gwahupako gwoonakumona omauwanawa okupitila miilyo mbyoka.
HENRIETTE LAMPRECHT
Omapekaapeko ngoka ga ningwa ko Namibia Private Practitioners' Forum (NPPF), melongelokumwe noNamibia Dental Association (NDA) oshowo Medical Association of Namibia (MAN). Konyala oonakuningilwa omapulaapulo yeli 308 oya kutha ombinga noopresenda 80 odha popi kutya omulandu gwiifuta gwoNamibian Association for Medical Aid Funds (Namaf), ngoka gu li nale miilonga uule woomvula ntano monena, iifuta mbyoka itayi vulitha oongeshefa dhawo dhi hume komeho.
Omukanda ngoka gwa pitithwa ko NPPF, ogwa holola kutya konyala oopresenda 10% dhoondohotola dhopaumwene nenge aagandji yomayakulo gopaunamiti yopaumwene mboka ya kutha ombinga momapekaapeko ngoka inaya lelepeka okondalaka dhawo noPsemas uule woomvula ndatu nale. Omwaalu ngoka ogwa londo pombanda sigo opoopresenda 17, nomonena ogwa londa poopresenda 21 sho oyendji natango inaya lelepeka ookondalaka dhawo okuya mesiku lyotango lyaApilili nuumvo.
Okuya komvula twa taalela omwaalu ngoka otagu ka kala poopresenda 25.
Oopresenda 29, dhoka dha shunitha pevi egandjo lyomayakulo kiilyo yoPsemas, odha popi kutya iifuta yi li pevi noonkondo mbyoka ya tulwa po komusindalandu gwoPsemas, epangelo inali vula okufutila omayakulo ngoka omvula ya piti, naashoka osha tula moshiponga iiyemo yoongeshefa ndhoka, oyo yimwe yomomatompelo ya tokola okuhulitha po elongelokumwe lyawo noPsemas.
NPPF okwa tsikile kutya etulo pombanda lyiipumbiwa yeshangitho nomilandu omuleeleka uuna mboka taya pula ko iifuta yawo, oyimwe tayi shunitha pevi ohokwe yoongeshefa ndhoka okugandja omayakulo kiilyo yoPsemas.
Onkalo ndjoka oya etitha uumbanda kutya oyendji mboka yeli koshi yehangano lyuuwanawa mboka wuunamiti, otaya ka thiminikwa konkalo opo ya longithe omayakulo giipangelo yepangelo .
Aagandji yomayakulo guunamiti mboka yahala okugandja omayakulo kiilyo yoPsemas, oye na okugandja omikanda dhomaindilo kUuministeli wUundjolowele, koHealth Professions Councils (HPCNA), Namaf, Namibian Medicines Regulatory Council (NMRC), Receiver of Revenue oshowo the Social Security Commission.
Konyala aakuthimbinga momapulaapulo ngoka ya thika poopresenda 80, oya popi kutya omulandu ngoka omule noonkondo.
Psemas oku na iilyo yi li po 293 250 moka iilyo 124 000 yi li ooyene yomauwanawa ngoka omanga omwaalu gwahupako gwoonakumona omauwanawa okupitila miilyo mbyoka.
HENRIETTE LAMPRECHT
Comments
Namibian Sun
No comments have been left on this article