A tidhwa miilonga sho a landitha ooplota kaakwashigwana
Elelo lyondoolopa yaShakati olya tidha miilonga omuniilonga melelo ndyoka, ngoka taku felelwa alanditha ooplota shaaheli pamulandu.
TUYEIMO HAIDULA
OSHAKATI
Joel Nakale otaku popiwa a futitha aakalimo ooplota omanga inaya pewa omahala ngoka ya landa.
Omunambelewa omukomeho melelo lyondoolopa, Timoteus Namwandi okwa popi kutya elelo olyiitulamo mokukondjitha uulingilingi. Namwandi ina koleka nenge a tinde omalundulilo ngoka taga ningilwa Nakale.
Ina holola wookutya ooplota ngaapi dha landithwa.
Namwandi okwa popi kutya mongashiingeyi oshinima shoka oshopaumwene nongele ethimbo lya thikana elelo otali ka pititha omukanda kombinga yoshinima shoka.
Mayola nale gwondoolopa yaShakati, Katrina Shimbulu okwa popi kutya Nakale haye awike e li moshikumungu shoka molwaashoka aniwa okwa kala nale nokuholola oshinima shoka miigongi yelelo kutya evi otali landithwa shaaheli paveta, ihe kape na shoka sha ningwapo.
Omukwatakanithi gwongundu yoPopular Democratic Movement (PDM) moshitopolwa shaShana, Linus Tobias, ngoka a li woo nale kansela melelo lyondoolopa ndjoka okwa popi kutya shoka osha ninga omukalondjiigilile melelo lyondoolopa ndjoka naNakale haye gwotango naashoka oshi li owala etameko.
“Inandi hala okuulila Nakale oye awike, oshikondo ashihe shoompangela osha pumbwa okutalika.”
Namibian Sun okuuvite kutya Nakale okwa landitha ooplota komahala ngaashi Ekuku nOnawa naamboka ya landithwa oya loloka okutegelela na oya pula elelo lyondoolopa.
Okwa tulwa miilonga okomitiye yi ninge omakonaakono sha etitha a kuthwe miilonga oshiwike sha piti.
Oonkambadhala okumona Nakale odha ponyo sho ina yamukula ongodhi nenge etumwalaka.
OSHAKATI
Joel Nakale otaku popiwa a futitha aakalimo ooplota omanga inaya pewa omahala ngoka ya landa.
Omunambelewa omukomeho melelo lyondoolopa, Timoteus Namwandi okwa popi kutya elelo olyiitulamo mokukondjitha uulingilingi. Namwandi ina koleka nenge a tinde omalundulilo ngoka taga ningilwa Nakale.
Ina holola wookutya ooplota ngaapi dha landithwa.
Namwandi okwa popi kutya mongashiingeyi oshinima shoka oshopaumwene nongele ethimbo lya thikana elelo otali ka pititha omukanda kombinga yoshinima shoka.
Mayola nale gwondoolopa yaShakati, Katrina Shimbulu okwa popi kutya Nakale haye awike e li moshikumungu shoka molwaashoka aniwa okwa kala nale nokuholola oshinima shoka miigongi yelelo kutya evi otali landithwa shaaheli paveta, ihe kape na shoka sha ningwapo.
Omukwatakanithi gwongundu yoPopular Democratic Movement (PDM) moshitopolwa shaShana, Linus Tobias, ngoka a li woo nale kansela melelo lyondoolopa ndjoka okwa popi kutya shoka osha ninga omukalondjiigilile melelo lyondoolopa ndjoka naNakale haye gwotango naashoka oshi li owala etameko.
“Inandi hala okuulila Nakale oye awike, oshikondo ashihe shoompangela osha pumbwa okutalika.”
Namibian Sun okuuvite kutya Nakale okwa landitha ooplota komahala ngaashi Ekuku nOnawa naamboka ya landithwa oya loloka okutegelela na oya pula elelo lyondoolopa.
Okwa tulwa miilonga okomitiye yi ninge omakonaakono sha etitha a kuthwe miilonga oshiwike sha piti.
Oonkambadhala okumona Nakale odha ponyo sho ina yamukula ongodhi nenge etumwalaka.
Comments
Namibian Sun
No comments have been left on this article