A hula aaniilonga omolwa ooshapi dhakana
Omupanguli-ndaji okwa tegelelwa a ka tokole ngele otaka pangula omugameni nale gwomupresidende gwotango, Sam Nujoma, Nepando Amupanda, oshowo aanambelewa yopolisi yomosasiyona yopolisi mOndangwa, sha landula iipotha ya tulwa kaaniilonga yatatu yelelo lyaNdonga.
Aaniilonga mboka oya popi kutya oya hulwa iikutu yawo kopolisi sha landula aniwa ooshapi dhoskopa yompanguli yaakwashigwana melelo lyoshilongo shoka. Mboka oya hadhwa woo kopolisi kelombwelo lyaNepando.
Komanda gwopolisi yaShana, Komufala Rauha Amwele okwa koleke koshifokundaneki shoNamibian Sun kutya otaya konaakona oshipotha shoka, sha tulilwa gumwe gwomaaleli melelo lyaNdonga oshowo aanambelewa yopolisi. Okwa popi kutya oya tumu epeko ndyoka komupanguli ndjai opo a vule okuninga etokolo moshipotha shoka, ngele mboka otaya ka pangulwa nenge ahowe.
Palopota ndjoka ya gandjwa koonakutulamo oshpotha yatatu, ndjoka ya monika koNamibian Sun, momasiku 22 gaMaalitsa aaniilonga yatatu aakiintu yaali nomulumentu gumwe oya hulwa iikutu yawo nokuhadhwa kopolisi yaNdangwa, kelombwelo lyagandjwa kuAmupanda.
Nepando okwa popi kutya ke na ontseyo kombinga yiipotha mbyoka ta popi kutya ota kongelwa oohapu.
“Otwa falwa koshinyanga shoompangulilo hoka twa adha Amupanda a geya noonkondo, na okwe tu lundile kutya otuna mo olunyala mekano lyoshapi. Okwa ithana aapolisi yahamano mboka yetu fala mombelewa yetu koogumwe noogumwe. Mombelewa moka otwa hulwa nokuhadhwa,” olopota ya holola.
Olopota oya tsikile kutya mboka oya pulwa kopolisi opo ya kuthemo iizalomwa yawo omanga Amupanda a talako. Oya popi kutya inaya adhika noshapi ndjoka tayi kongwa. Gumwe gwomoonakunyenyeta mboka okwa popi kutya ehadho lyawo olya li esithahoni, eshundulo lyuuntu, kali li pauntu nondhino woo.
Sho a ningilwa omapulo, Nepando okwa popi kutya okuli eshongo kaaniilonga mboka taye mu woo kongele oohapu.
Omukwaniilwa gwaNdonga, Immanuel Kauluma Elifas, okwa ulike Amupanda onga amushanga gwelelo lyaNdonga muApilili omwedhi gwa piti, sha landula etidho miilonga lyookansela yaheyali melelo ndyoka, Joseph Asino, Peter Kauluma, John Walenga, Vilho Kamanya, Kashona Malulu, Tonata Ngulu oshowo Fillemon Nambili.
ILENI NANDJATO
Aaniilonga mboka oya popi kutya oya hulwa iikutu yawo kopolisi sha landula aniwa ooshapi dhoskopa yompanguli yaakwashigwana melelo lyoshilongo shoka. Mboka oya hadhwa woo kopolisi kelombwelo lyaNepando.
Komanda gwopolisi yaShana, Komufala Rauha Amwele okwa koleke koshifokundaneki shoNamibian Sun kutya otaya konaakona oshipotha shoka, sha tulilwa gumwe gwomaaleli melelo lyaNdonga oshowo aanambelewa yopolisi. Okwa popi kutya oya tumu epeko ndyoka komupanguli ndjai opo a vule okuninga etokolo moshipotha shoka, ngele mboka otaya ka pangulwa nenge ahowe.
Palopota ndjoka ya gandjwa koonakutulamo oshpotha yatatu, ndjoka ya monika koNamibian Sun, momasiku 22 gaMaalitsa aaniilonga yatatu aakiintu yaali nomulumentu gumwe oya hulwa iikutu yawo nokuhadhwa kopolisi yaNdangwa, kelombwelo lyagandjwa kuAmupanda.
Nepando okwa popi kutya ke na ontseyo kombinga yiipotha mbyoka ta popi kutya ota kongelwa oohapu.
“Otwa falwa koshinyanga shoompangulilo hoka twa adha Amupanda a geya noonkondo, na okwe tu lundile kutya otuna mo olunyala mekano lyoshapi. Okwa ithana aapolisi yahamano mboka yetu fala mombelewa yetu koogumwe noogumwe. Mombelewa moka otwa hulwa nokuhadhwa,” olopota ya holola.
Olopota oya tsikile kutya mboka oya pulwa kopolisi opo ya kuthemo iizalomwa yawo omanga Amupanda a talako. Oya popi kutya inaya adhika noshapi ndjoka tayi kongwa. Gumwe gwomoonakunyenyeta mboka okwa popi kutya ehadho lyawo olya li esithahoni, eshundulo lyuuntu, kali li pauntu nondhino woo.
Sho a ningilwa omapulo, Nepando okwa popi kutya okuli eshongo kaaniilonga mboka taye mu woo kongele oohapu.
Omukwaniilwa gwaNdonga, Immanuel Kauluma Elifas, okwa ulike Amupanda onga amushanga gwelelo lyaNdonga muApilili omwedhi gwa piti, sha landula etidho miilonga lyookansela yaheyali melelo ndyoka, Joseph Asino, Peter Kauluma, John Walenga, Vilho Kamanya, Kashona Malulu, Tonata Ngulu oshowo Fillemon Nambili.
ILENI NANDJATO
Comments
Namibian Sun
No comments have been left on this article