Beeskontrei op horings geneem

Agt-en-veertig deelnemers het die afgelope naweek op Gobabis toegesak waar hulle vir hope aksie gesorg het in die tweede rondte van die Namibiese nasionale motocross-kampioenskap, wat opnuut ‘n reuse sukses was.

Dewald Venter, van die gasheerdorp, hou manalleen saam met Gallina-motocross die opwindende sport lewendig in die Ooste van Namibië. Die tegniese baan het jaers se volle aandag vereis en deelnemers moes deurentyd op die uitdaging fokus.

Leander Metzger verdien spesiale melding. Hy het die afgelope naweek briljant gery en het beide die 85 cc- en junior 125 cc-afdeling opgeraap. Hy het ‘n sesde plek by The King of the Dirt-resies behaal.

Zoë Waldschmidt het al drie renne by die vroue gery, al drie gewen en ook vir die King of the Dirt kans gesien waar sy die enigste vrou tussen die manne was!

Die volgende jaers het hul onderskeie klasse ingepalm. 50 cc-klas: Sebastian Pack (75 punte) 65 cc: Oliver Mathews (72), 85 cc: Leander Metzger (75), vroue: Zoë Waldschmidt (75) junior 125 cc: Leander Metzger (75), veterane: Sigi Pack (69), MX 2: Gero Friederich (75), MX 1 en wenner van die King of the Dirt-kompetisie: Mark Sternagel (75, 25).

Die volledige uitslae:

50 cc-klas: 1 Sebastian Pack (75 punte), 2 Jannie Louw (64), 3 Louw Schoeman (62), 4 Alexander Jacobs (56), 5 Wynand Viviers (daglisensie).

65 cc-klas: 1 Oliver Mathews (72), 2 Paul Mans (65), 3 Mason Meyer (64), 4 Markus Pack (58), 5 Delmar du Plessis (52), 6 Carter Bouwer (50), 7 Maximillian Skutsch (48), 8 Sebastian Skutsch (46), 9 Duhan Hefer (44), 10 Nicky Strauss (28), 11 Keanu Strauss (26).

85 cc-klas: 1 Leander Metzger (75), 2 De Wet du Plessis (64), 3 Oliver Mathews (62), 4 Connor Bouwer (56), 5 Stiaan Hefer (54), 6 Riaan van der Hoven (52), 7 Duhan van Wyk (46), 8 Felix Wittreich (45).

Vroueklas: 1 Zoë Waldschmidt (75), 2 Maike Bochert (62), 3 Melanize Oberholzer (44). Oberholzer het tydens die derde resies ‘n slegte val beleef en kon nie dié resies voltooi nie.

Junior 125 cc-klas: 1 Leander Metzger (75), 2 Kilian Hamm (62), 3 Vincent Griebel (61), 4 Valentino de Villiers (37), 5 Marco Lindemeier (22). In die eerste resies was Lindemeier tweede, maar hy het tydens die tweede ren geval en het nie weer gejaag nie.

Veteraneklas: 1 Sigi Pack (69), 2 Heiko Stranghöner (67), 3 Olaf Pack (65), 4 Tony Viljoen (57), 5 Tertius Joubert (54).

MX 2-klas: 1 Gero Friederich (75), 2 Nils Elmering (44), 3 Sanene Wittreich (20).

MX 1-klas: 1 Mark Sternagel (75), 2 Jarno Metzger (61), 3 Juan de Vos (60), 4 Tommy Gous (57,) 5 Marcus Muller (52), 6 Bjorn Bierbrauer (42), 7 Jacobus Maritz (32), 8 Morné Jacobs (daglisensie). Bierbrauer het vroeg in sy derde resies geval en kon nie punte vir dié ren insamel nie.

King of the Dirt-resies: 1 Mark Sternagel (25), 2 Jarno Metzger (22), 3 Juan de Vos (20), 4 Gero Friederich (19), 5 Tommy Gous (18), 6 Leander Metzger (17), 7 Olaf Pack (16), 8 Sigi Pack (15), 9 Heiko Stranghöner (14), 10 Kilian Hamm (13), 11 Vincent Griebel (12), 12 Marcus Muller (11), 13 Tony Viljoen (10), 14 Tertius Joubert (9), 15 Zoë Waldschmidt (8), 16 Nils Elmering en 17 Bjorn Bierbrauer (beide het nie klaargemaak nie).

Die puik byeenkoms is moontlik gemaak met die steun van die borge Gobabis Toyota, B&S Butchery, Driveline Logistics, Van Wyk Grading en Nahara Africa Tours & Safaris CC.

– [email protected]