Oshituthi shOlufuko otashi pula komeho mokudhimbulukwa Nujoma
• Etyapulo lyuukumwe nolyomithigululwakalo dhetu
Nonando Tatekulu Nujoma okwe tu thiga po, ondungedhiladhilo ye oyo natango oshitsa shopokati kOlufuko.
Aaunganeki yOshituthi shOlufuko oya koleke kutye oshituthi oko shi li nonuumvo notashi ka dhimbulukwa nakusa omukokoli presitende gwaNamibia, Sam Nujoma.
Osha talika ko ongetyapulo lyomuthigululwakalo nedhimbuluko lyoohedhi nuunongo wa taambathanwa komapipi nomapipi. Oshituthi shika osha ninga ompito ombwanawa noya simana yokuulika oohedhi nomithigululwakalo dha yooloka dhAanamibia.
Olufuko otalu dhana onkandangala onene mokuhumitha komeho nokunkondopaleka aakwashigwana ngele tashi ya konkalathano nopamahupilo, unenenene kaanangeshefa aashona noyopokati, aaunganeki ya ti.
Nonande petameko Olufuko olwa shekwa nayi sho lwa popiwa kutya otalu yumudhwa po ishewe mo2012, Oshituthi shOlufuko osha popilwa nokuyambidhidhwa kunakusa omukokoli president Sam Nujoma, ngoka a ka ninga kuume koshituthi shika.
Nujoma okwa ti oshituthi shika osho ompito ombwanawa yokulonga uunona wuukadhona kombinga yomithigululwakalo dhawo.
Omupresitende omukulu okwa dhenge omuthindo kutya Aanamibia oyo yene ashike taya vulu okuhumitha komeho nokukaleka po omithigululwakalo dhawo.
Omupopiliko gwondoolopa yaOutapi Joolokeni Haidula okwa ti oshituthi shika nuumvo otashi kala ko momasiku 20 Juni sigo omesiku 1 lyaJuli mEndiki lyOlufuko mOutapi, oku uvaneke kutya otali ka kala etyapulo lya dhenga mbanda lyuukuumwe wetu nolyomithigululwakalo dhetu.
Okwa ti kutya Olufuko lwonuumvo otalu ka dhimbulukwa olweendonkalamwenyo lwaNujoma, ngoka eitulomo nohole ye mokukaleka po omithigululakalo tayi kala nokunwetha mo nokutsa omukumo Aanamibia ya kale ya simaneka omithigululwakalo dhawo.
“Nonande Nujoma okwe tu thiga po, ondungedhiladhilo ye oyo natango oshitsa shopokati shomalalakano gOlufuko. Okukutha ombinga moshituthi shika itaku kwatha owala oshikondo shomithigululwakalo moNamibia, ihe otaku gandja esimaneko woo konkalamwenyo yomuleli ngoka onkandangala ndjoka a dhana mokukondjela emanguluko lyoshilongo noshowo muNamibia lya manguluka, oya kwatha oshilongo shetu noonkondo,” Haidula a ti.
Haidula okwa lombwele oshikundaneki shoNamibian Sun ohela kutya omalongekidho goshituthi otaga tameke pambelewa nuulalelo wowina tawu kala ko momasiku 7 Juni.
Uunongo wa taambathanwa komapipi nomapipi
Okwa holola kutya oshinenenima moshituthi shonuumvo osho okufukala mohango yopamuthigululwakalo.
Sigo oompaka, uukadhona 112 wa za momihoko dhi ili nodhi ili owi inyolitha kutya otau ka fukala mOlufuko, nomainyolitho ngaka otaga ka hula momasiku 22 Juni.
Uukadhona mbuka otau ka fukalekwa mEndiki lyOlufuko okuza momasiku 22 sigo 29 Juni.
Haidula okwa gwedha po kutya uukadhona owundji mboka tau ka fukala uunaskola mooskola nomiiputudhilo yelongo lyopombanda muNamibia, shoka tashi kwatha opo uunongo niikwamuthigululwakalo yi vule okutaambathanwa nepipi egundjuka.
Aanamibia ayehe koonono otaya indilwa ya dhiginine omithigululwakalo dhawo, ye dhi simaneke nokudhi tyapula nokuulika uukumwe wetu ongoshilongo pakuholoka koshituthi shika sha simana, okwa ti.
– [email protected]
Osha talika ko ongetyapulo lyomuthigululwakalo nedhimbuluko lyoohedhi nuunongo wa taambathanwa komapipi nomapipi. Oshituthi shika osha ninga ompito ombwanawa noya simana yokuulika oohedhi nomithigululwakalo dha yooloka dhAanamibia.
Olufuko otalu dhana onkandangala onene mokuhumitha komeho nokunkondopaleka aakwashigwana ngele tashi ya konkalathano nopamahupilo, unenenene kaanangeshefa aashona noyopokati, aaunganeki ya ti.
Nonande petameko Olufuko olwa shekwa nayi sho lwa popiwa kutya otalu yumudhwa po ishewe mo2012, Oshituthi shOlufuko osha popilwa nokuyambidhidhwa kunakusa omukokoli president Sam Nujoma, ngoka a ka ninga kuume koshituthi shika.
Nujoma okwa ti oshituthi shika osho ompito ombwanawa yokulonga uunona wuukadhona kombinga yomithigululwakalo dhawo.
Omupresitende omukulu okwa dhenge omuthindo kutya Aanamibia oyo yene ashike taya vulu okuhumitha komeho nokukaleka po omithigululwakalo dhawo.
Omupopiliko gwondoolopa yaOutapi Joolokeni Haidula okwa ti oshituthi shika nuumvo otashi kala ko momasiku 20 Juni sigo omesiku 1 lyaJuli mEndiki lyOlufuko mOutapi, oku uvaneke kutya otali ka kala etyapulo lya dhenga mbanda lyuukuumwe wetu nolyomithigululwakalo dhetu.
Okwa ti kutya Olufuko lwonuumvo otalu ka dhimbulukwa olweendonkalamwenyo lwaNujoma, ngoka eitulomo nohole ye mokukaleka po omithigululakalo tayi kala nokunwetha mo nokutsa omukumo Aanamibia ya kale ya simaneka omithigululwakalo dhawo.
“Nonande Nujoma okwe tu thiga po, ondungedhiladhilo ye oyo natango oshitsa shopokati shomalalakano gOlufuko. Okukutha ombinga moshituthi shika itaku kwatha owala oshikondo shomithigululwakalo moNamibia, ihe otaku gandja esimaneko woo konkalamwenyo yomuleli ngoka onkandangala ndjoka a dhana mokukondjela emanguluko lyoshilongo noshowo muNamibia lya manguluka, oya kwatha oshilongo shetu noonkondo,” Haidula a ti.
Haidula okwa lombwele oshikundaneki shoNamibian Sun ohela kutya omalongekidho goshituthi otaga tameke pambelewa nuulalelo wowina tawu kala ko momasiku 7 Juni.
Uunongo wa taambathanwa komapipi nomapipi
Okwa holola kutya oshinenenima moshituthi shonuumvo osho okufukala mohango yopamuthigululwakalo.
Sigo oompaka, uukadhona 112 wa za momihoko dhi ili nodhi ili owi inyolitha kutya otau ka fukala mOlufuko, nomainyolitho ngaka otaga ka hula momasiku 22 Juni.
Uukadhona mbuka otau ka fukalekwa mEndiki lyOlufuko okuza momasiku 22 sigo 29 Juni.
Haidula okwa gwedha po kutya uukadhona owundji mboka tau ka fukala uunaskola mooskola nomiiputudhilo yelongo lyopombanda muNamibia, shoka tashi kwatha opo uunongo niikwamuthigululwakalo yi vule okutaambathanwa nepipi egundjuka.
Aanamibia ayehe koonono otaya indilwa ya dhiginine omithigululwakalo dhawo, ye dhi simaneke nokudhi tyapula nokuulika uukumwe wetu ongoshilongo pakuholoka koshituthi shika sha simana, okwa ti.
– [email protected]
Comments
Namibian Sun
No comments have been left on this article