Oshikuku sha gongele N$500 000 molwa omaulikilo giipindi

Elelo lyondoolopa yaShikuku olya gongele oshimaliwa sha konda po N$500 000 muulalelo wowina wa li ko omasiku ngaka opo li yambidhidhe omaulikilo giipindi gokomumvo mondoolopa ngoka ge li ko momwedhi tagu ya.Uulalelo wowina owa li ko mehuliloshiwike twa zi kohi yotema ‘Oshikuku tashi eta po oompito dhekoko lyeliko lyaanangeshefa (aalongithipunguli&#039;.Omaulikilo giipindi otaga ka kala ko 26 Kotomba sigo 2 Novemba mokapale komaudhano koYoung Star.Pethimbo lyUulalelo wowina, ombaanga yoFNB, ongomuyambidhidhi omunene guulalelo wowina, okwa uvaneke ta gandja N$40 000. Kambwa Trading okwa uvaneke ta gandja N$20 000 ta gwedha ko ofuto yaaniilonga taa ka tula ko ondhalate kokapale komaudhano, noongeshefa dhuumini woRani odhu uvaneke tadhi gandja N$15 000.Omupopi omunene muulalelo wowina Lucia Iipumbu, minista yiipindi, okwa ti omaulikilo giipindi ogo ompito ombwanawa yokuhumitha komeho nokweeta po ehumokomeho lyopankalathano-mahupilo.Iipumbu okwa ti muuyuni wonena wuungomba, omaulikilo giipindi otaga monika ga nika omuthigululwakalo, ashike kaanangeshefa, ohaga zi omauwanawa ogendji.“Onkene , okuuva ko omauwanawa gomaulikilo giipindi komunangeshefa osha simana. Omauwanawa gomaulikilo giipindi ogendji, uunene kaanangeshefa. Ohaga gandja ompito yokutsakanena nokutseyathana, okuhalitha iilongomwa niilandithomwa, ohaga gandja omauyelele kombinga yomalandithilo, nokweeta po omakwatathano gelongelokumwe ewanawa, ayihe mbika otayi vulu okukokeka ongeshefa nawa” okwa ti.Omauwanawa Iipumbu okwa ti okulongekidha iinyangadhalwa ngaashi omaulikilo giipindi otaku hilile aanangeshefa mondoolopa nokweeta po onkalo ohwepo ndjoka tayi vulu okweeta po oompito dhiilonga, unene dhaagundjuka. Mayola gwaShikuku Julia Endjambi okwa ti Elelo lyoondolopa otali lalakanene okuhumitha komeho nokuulika ondoolopa opo yi monike nokweeta aanangeshefa( aapungulilongithi).“ Otwi itaala kutya omapungulolongitho ngoka otaga ka guma nokulundulula onkalo yomahupilo mondoolopa noyaakalimo yomOshikuku nomomidhingoloko dhopopepi"Endjambi okwa holola kutya ondoolopa yaShikuku oya kundukidhwa kiikandjohogololo itano noyo: Elim, Etayi, Ogongo, Okalongo nOshikuku, nondoolopa otayi lalakanene okutunga omalukalwa taga kwathele aashiinda mboka.Endjambi okwa gwedha po: “Mondoolopa yaShikuku omu na aanashilonga aagundjuka, oyendji mboka haa longo mepangelo ongaapolisi, aalongiskola naapangi noondohotola. Noshili ndjoka, Elelo lyoondolopa oli itaala otali vulu okweedhilila oyendji pakugandja evi li tungwe omagumbo gawo” okwa ti.

Oshikuku sha gongele N$500 000 molwa omaulikilo giipindi

Comments

Namibian Sun 2026-02-10

Please login to leave a comment

Oshikuku sha gongele N$500 000 molwa omaulikilo giipindi

Comments

Namibian Sun 2026-02-10

Please login to leave a comment

Subscription Required to Access Content ×

Login

Subscription Required to Access Content