Opoloyeka yokulongulula omashina gokudhinda omeya mOutapi taku ende nawa
Ehangano lyoNamWater olya tseyitha mOmaandaha kutya okutamununa mo nokutula pamuthika gwoshinanena omashina gokuthinda omeya mOutapi otaku pula komeho nawa.
Ehangano lyokwaandjaganeka omeya olya ti opoloyeka otayi ende nawa noye li ponkatu yokutamununa mo nokutula pamuthika gwoshinanena omashina ngaka, elalakano okwaandjaganeka omeya kaakalimo ayehe yOutapi nomomidhingoloko dhopopepi nondoolopa ndjoka.
Opoloyeka ndjika otayi kotha oomiliona N$141.8 noya tegelelwa yi kwate oomwedhi 16.
Omupopiliko gwehangano lyoNamWater Lot Ndamanomhata okwa ti kutya opoloyeka ndjika oyo eyamukulo kompumbwe yomeya tayi koko esiku nesiku molwa okutembuka kwaantu komikunda okuya kiilando nomolwa wo omwaalu gwaantu moshilongo tagu koko nokwiindjipala.
Ehala ndika olya patululilwe pambelewa mo2001, omashina ngoka ge li po sigo onena oga longa ongonzo yomeya ya simana muule woomvula omilongo mbali. “Kakele, omashina oga kulupa,” Ndamanomhata a ti. “Okulongitha omashina omape huka otaku ka indjpaleka ondjele yomeya shi vule lwaali pwaa shoka hashi pombwa keshina ndjoka li li po ngashingeyi, okuza pookubik meta 180 mowili okuya pookubik meta 438 mowili, shoka tashi kwashilipaleke kutya onzo yomeya yi shi okwiinekelwa notayi kalele opo tayi kala omapipi nomapi tage ya.”
Okwa ti kutya iinenenima yopoloyeka ndjika ongaashi ondjele yomeya ya gwedha yi kwathe monena nokomongula, omeya oga ninga omawanawa opo ge endele pamwe nomifango omipe dha tulwa po dhomeya omawanawa moNamibia noshowo eyambidhidho okukoka pashitopolwa okupitila mokukwashilipaleka omeya ga yela otaga longithwa momagumbo, moongeshefa nomiikondo yi ili noyi ili.
Ndamanomhata okwa gwedha po kutya opoloyeka ndjika otayi longwa palongelokumwe lyomahangano gaali lyoChina Jiangxi International nolyoHomefin Properties Joint Venture, taga longitha aanawino ya za pondje yoshilongo noshowo yomeni lyoshilongo nelalakano ya kwashilipaleke iizemo iiwanawa noyongushu pehulilo lyesiku.
[email protected]
Ehangano lyokwaandjaganeka omeya olya ti opoloyeka otayi ende nawa noye li ponkatu yokutamununa mo nokutula pamuthika gwoshinanena omashina ngaka, elalakano okwaandjaganeka omeya kaakalimo ayehe yOutapi nomomidhingoloko dhopopepi nondoolopa ndjoka.
Opoloyeka ndjika otayi kotha oomiliona N$141.8 noya tegelelwa yi kwate oomwedhi 16.
Omupopiliko gwehangano lyoNamWater Lot Ndamanomhata okwa ti kutya opoloyeka ndjika oyo eyamukulo kompumbwe yomeya tayi koko esiku nesiku molwa okutembuka kwaantu komikunda okuya kiilando nomolwa wo omwaalu gwaantu moshilongo tagu koko nokwiindjipala.
Ehala ndika olya patululilwe pambelewa mo2001, omashina ngoka ge li po sigo onena oga longa ongonzo yomeya ya simana muule woomvula omilongo mbali. “Kakele, omashina oga kulupa,” Ndamanomhata a ti. “Okulongitha omashina omape huka otaku ka indjpaleka ondjele yomeya shi vule lwaali pwaa shoka hashi pombwa keshina ndjoka li li po ngashingeyi, okuza pookubik meta 180 mowili okuya pookubik meta 438 mowili, shoka tashi kwashilipaleke kutya onzo yomeya yi shi okwiinekelwa notayi kalele opo tayi kala omapipi nomapi tage ya.”
Okwa ti kutya iinenenima yopoloyeka ndjika ongaashi ondjele yomeya ya gwedha yi kwathe monena nokomongula, omeya oga ninga omawanawa opo ge endele pamwe nomifango omipe dha tulwa po dhomeya omawanawa moNamibia noshowo eyambidhidho okukoka pashitopolwa okupitila mokukwashilipaleka omeya ga yela otaga longithwa momagumbo, moongeshefa nomiikondo yi ili noyi ili.
Ndamanomhata okwa gwedha po kutya opoloyeka ndjika otayi longwa palongelokumwe lyomahangano gaali lyoChina Jiangxi International nolyoHomefin Properties Joint Venture, taga longitha aanawino ya za pondje yoshilongo noshowo yomeni lyoshilongo nelalakano ya kwashilipaleke iizemo iiwanawa noyongushu pehulilo lyesiku.
[email protected]
Comments
Namibian Sun
No comments have been left on this article