Opolisi yaShana ya tameke noshikonga shawo
Opolisi mOshitopolwa shaShana oya tameke nOshikonga oshitiyali shEhumitho komeho mEtitano yi humithe komeho okumonikwa kwaapolisi moshigwana. Oshikonga osha hulu mOlyomakaya.
Iikonga ya faathana otayi ka tulwa miilonga mOshakati, Ongwediva nOndangwa miiwike tayi ya.
Komanda gwopolisi moshitopolwa shaShana, Komufala Naftal Lungameni Sakaria, okwa ti oshikonga otashi lalakanene okutula aapolisi oyendji moshigwana ku shonopekwe iimbuluma moshitopolwa noku gwedhelwe kegameno lyoshigwana.
Oshikonga osha kwatela mo aapolisi opo ya yelwa pokathimbo ngaka yaa monike owala moshigwana ihe wo ku kwashilipalekwe otaa longo nawa ya gwedhele kegameno lyoshigwana.
Sakaria okwa ti otashi gandja ompito kaapolisi yu ulike eitulomo noonkambadhala dhawo, ku palwe ondjila yokuyelwa monakuyiwa.
“Otandi mu indile mu kwashilipaleke otamu longo nuudhiginini noku inekelwa koshigwana, oshoka otashi tu kwatha okukondjitha iimbuluma momudhingoloko dhetu. Itatu shi vulu atuke. Ngashingeyi ethimbo lyoku ulika oowino dheni,” okwa ti.
Iikonga oyindji
Sakaria okwa lombwele Namibian Sun momapulapulo mOmaandaha kutya oshikonga otashi ka tulwa miilonga wo miiwike tayi ya mOshakati, Ongwediva nOndangwa.
“ Elalakano okukeelela iimbuluma moshitopolwa nokukwashilipaleka aapolisi oye li moshigwana noonkambadhala dha tothwa mo kondandalunde,” Sakaria a ti, ta gwedha po kutya omalalakano gawo okungambeka endjondjele mo lyiinima yaa li paveta nokuninga opatrola yopolisi pomahala ga nika oshiponga.
Aapolisi ayehe kumwe 460 oya yelwa noombandi dha yooloka pehulilo lyomumvo gwa yi, nopomathimbo ngaka, mu Febuluali.
Mu Desemba, aalumentu 229 naakiintu 231 oya yelwa mekwatathano nOveta yOpolisi.
Oopatrola dhuusiku
Pethimbo lyoshikonga shehuliloshiwike, aapolisi oya patrola uusiku nokutula po omainda gomondjila nelalakano lyokukwata oombudhi, okukwata ko iinima ya ndjondjelwa moshaa li paveta nokukwata po mboka ya pogola papitikilo lyompangu, mokati kiinakugwanithwa yilwe yegameno lyoshigwana.
Pethimbo lyoshikonga shehuliloshiwike, opolisi oya pulapula omukwashigwana peinda lyomoondjila konima yokumona onyama yoshikombo mosheenditho she.
Chief Inspector Thomas Aiyambo, omukuluntu gwoshikondo shokukwatakanitha opolisi noshigwana, okwa ti omuhingi okwa li e na okugandja uuyelele kombinga yaa mpoka pwa zi onyama manga inaa pitikwa a tsikile nolweendo lwe.
Elalakano okukwashilipaleka kutya onyama inayi yakwa.
“Ngaashi wu shi wete mosheenditho shika, omu na onyama. Itatu vulu okupitika omuhingi a tsikile pwaa na uumbangi waa mpoka a landa oshikombo shika naampoka te shi fala. Uumwene owa simana noonkondo . Ngele okwa ndopa okufatulula, otatu ka longa naye shi ikolela kOveta yUulunga wIimuna," okwa ti.
Aiyambo okwa ti uulunga wiimuna omukundu omunene moshitopolwa, nopolisi oyi na okukwashilipaleka kutya kehe ngoka a humbata iinamwenyo oye mwene gwawo shili paveta.
“Otu li mpaka moshigwana omasiku gontumba tu keelele iimbuluma yoludhi kehe. Otu na okukwashipaleka aakwashigwana oye li megameno, uusiku nomutenya. Oombotsotso nadhi londodhwe dhaa lyate mOshitopolwa shaShana,” okwa ti.
Iikonga ya faathana otayi ka tulwa miilonga mOshakati, Ongwediva nOndangwa miiwike tayi ya.
Komanda gwopolisi moshitopolwa shaShana, Komufala Naftal Lungameni Sakaria, okwa ti oshikonga otashi lalakanene okutula aapolisi oyendji moshigwana ku shonopekwe iimbuluma moshitopolwa noku gwedhelwe kegameno lyoshigwana.
Oshikonga osha kwatela mo aapolisi opo ya yelwa pokathimbo ngaka yaa monike owala moshigwana ihe wo ku kwashilipalekwe otaa longo nawa ya gwedhele kegameno lyoshigwana.
Sakaria okwa ti otashi gandja ompito kaapolisi yu ulike eitulomo noonkambadhala dhawo, ku palwe ondjila yokuyelwa monakuyiwa.
“Otandi mu indile mu kwashilipaleke otamu longo nuudhiginini noku inekelwa koshigwana, oshoka otashi tu kwatha okukondjitha iimbuluma momudhingoloko dhetu. Itatu shi vulu atuke. Ngashingeyi ethimbo lyoku ulika oowino dheni,” okwa ti.
Iikonga oyindji
Sakaria okwa lombwele Namibian Sun momapulapulo mOmaandaha kutya oshikonga otashi ka tulwa miilonga wo miiwike tayi ya mOshakati, Ongwediva nOndangwa.
“ Elalakano okukeelela iimbuluma moshitopolwa nokukwashilipaleka aapolisi oye li moshigwana noonkambadhala dha tothwa mo kondandalunde,” Sakaria a ti, ta gwedha po kutya omalalakano gawo okungambeka endjondjele mo lyiinima yaa li paveta nokuninga opatrola yopolisi pomahala ga nika oshiponga.
Aapolisi ayehe kumwe 460 oya yelwa noombandi dha yooloka pehulilo lyomumvo gwa yi, nopomathimbo ngaka, mu Febuluali.
Mu Desemba, aalumentu 229 naakiintu 231 oya yelwa mekwatathano nOveta yOpolisi.
Oopatrola dhuusiku
Pethimbo lyoshikonga shehuliloshiwike, aapolisi oya patrola uusiku nokutula po omainda gomondjila nelalakano lyokukwata oombudhi, okukwata ko iinima ya ndjondjelwa moshaa li paveta nokukwata po mboka ya pogola papitikilo lyompangu, mokati kiinakugwanithwa yilwe yegameno lyoshigwana.
Pethimbo lyoshikonga shehuliloshiwike, opolisi oya pulapula omukwashigwana peinda lyomoondjila konima yokumona onyama yoshikombo mosheenditho she.
Chief Inspector Thomas Aiyambo, omukuluntu gwoshikondo shokukwatakanitha opolisi noshigwana, okwa ti omuhingi okwa li e na okugandja uuyelele kombinga yaa mpoka pwa zi onyama manga inaa pitikwa a tsikile nolweendo lwe.
Elalakano okukwashilipaleka kutya onyama inayi yakwa.
“Ngaashi wu shi wete mosheenditho shika, omu na onyama. Itatu vulu okupitika omuhingi a tsikile pwaa na uumbangi waa mpoka a landa oshikombo shika naampoka te shi fala. Uumwene owa simana noonkondo . Ngele okwa ndopa okufatulula, otatu ka longa naye shi ikolela kOveta yUulunga wIimuna," okwa ti.
Aiyambo okwa ti uulunga wiimuna omukundu omunene moshitopolwa, nopolisi oyi na okukwashilipaleka kutya kehe ngoka a humbata iinamwenyo oye mwene gwawo shili paveta.
“Otu li mpaka moshigwana omasiku gontumba tu keelele iimbuluma yoludhi kehe. Otu na okukwashipaleka aakwashigwana oye li megameno, uusiku nomutenya. Oombotsotso nadhi londodhwe dhaa lyate mOshitopolwa shaShana,” okwa ti.
Comments
Namibian Sun
No comments have been left on this article