Opolisi ya keelele oofuto omi- 40 dhomakwashilipakelo ganakusa mOndangwa
Opolisi oya itsu aantu ya konda pomi-40 mboka ya ninga omakwashilipaleko gomafumviko ye ga ningila nakusa Salom Nikanor (41) ngoka ta ku fekelwa a dhipagwa nokutetwa iilyo yolutu petameko lyomwedhi nguka, shoka sha ningi opo yi kuthe onkatu yi kaleke oofuto dha pamba eso lye. Omukuluntu goshikondo shomakonanono giimbuluma mopolisi mOshana, Fredrik Ndjadila, okwa koleke ndhika mEtine kutya aakonakoni oyi itsu momakashilipaleko gomwaalu tagu limbilike ganingilwa Nikanor, ngoka ga ningwa koohandimwe ya yooloka ya zamomukunda Okakwiyu, moka nakusa a li ha zi. Opolisi otayi fekele kutya elikolo lyoshimaliwa pamukalo goofuto dhomakwashilipaleko gomafumviko olyo osheetithi oshinene shedhipago lyaNikanor.
Ndjadila okwa ti aakonakoni oya nothelwako kutya Nikanor okwa li teehamenenene omathimbo gamwe ga pita omanga inaa hulitha.
“Ngiika oya li ye shi otasi onkene oya longitha ompito ndjoka,” ta ti ngaaka.
Lwanima opolisi oya dhindhilike wo kutya gumwe gomwaamboka ya ninga omakwashilipaleko okwa futwa nale kehangano limwe, ye okwe mu kwashilipaleka woo nomahangano galwe gane ga yooloka.
Omukwashigwana oye tuu ngoka okwa li a futu otenda ndjoka ya longithwa pefumviko osho wo a li a landa ongombe ndjoka ya li ya dhipagwa pethimbo lyelongekidho lyefumviko.
Ndjadila okwa ti opolisi ngaashingeyi oyi li mekwatathano nomahangano omakwashilipaleki opo pwaa ha futwe we omauwanawa ge na sha nomakwashilipaleko ge li kedhina lyaNikanor.
Aakwanezimo yaNikanor oya li ye mu paka ehuliloshiwike twa zi keena iitopolwa ye yolutu ya gwana po, no ya li ye na uupyakadhi woshimaliwa osho wo euvonayi lyamemememe.
Olutu lwe olwali lwi itsuwa lwakangawala medhiya kombanda yomeya popepi nendiki lyezulonkalo mOluno momasiku ga-4 Januali lwa tetwa iitopolwa yimwe yolutu yaa ko mwa kwatelwa oofukwa dhokuulumentu.
Opolisi oya li ya manga po omufekelwa, Andreas Sunday Kanyanga (25), ngoka anuwa a ningila wo Nikanor ekwashilipaleko lyefumviko nonando mbaka yaali inaya pambathana.
Ndjadila lwanima okwa koleke kutya aakonakoni oya mono uumbangi wa yela pehala mpoka pwa adhika olutu lwaNikanor tau kwashilipaleke edhipago lye sho pwa adhika omisinda dhoshihauto osho woo oompadhi kwi itaalwa kutya oonakuninga oshimbuluma oya li taya kambadhala okushiholeka.
“Omakonakono ga ningwa kolutu lwanakusa oga ndhindhilike oombinzi kombulukweya ye osho wo oofukwa dhuulumentu dhaa ko kolutu. Okwa konekiwa wo kutya okashako koofukwa oka tetwa nomatondo oga kuthwa mo,” ta ti ngaaka.
Ndjadila okwa gwedha po wo kutya aalumentu mbaka yaali oya putukila pamwe onga ookuume nosheetithi shedhipago ndika otashi kwatakanithwa nuupyakadhi wopashimaliwa nelongitho lyomalovu. Oofukwa dhokuulumentu anuwa odha li dha yonagulilwa po megumbo lyomufekelwa opamwe nokambi hoka a longitha iikulumanene mbika.
Kanyanga okwa holoka mompango yamangestrata mOndangwa petameko lyomwedhi nguka nokwa li a tindilwa ompito yokwiifutila mo omolwa uunene woshipotha shika oshinyanyalithi. Oshipotha osha undulilwa komasiku omu-18 Juni 2026.
Opolisi oya ti omakonakono momakwashilipaleko gomafumviko osho wo medhipago lyaNikanor otaga tsikile.
Ndjadila okwa ti aakonakoni oya nothelwako kutya Nikanor okwa li teehamenenene omathimbo gamwe ga pita omanga inaa hulitha.
“Ngiika oya li ye shi otasi onkene oya longitha ompito ndjoka,” ta ti ngaaka.
Lwanima opolisi oya dhindhilike wo kutya gumwe gomwaamboka ya ninga omakwashilipaleko okwa futwa nale kehangano limwe, ye okwe mu kwashilipaleka woo nomahangano galwe gane ga yooloka.
Omukwashigwana oye tuu ngoka okwa li a futu otenda ndjoka ya longithwa pefumviko osho wo a li a landa ongombe ndjoka ya li ya dhipagwa pethimbo lyelongekidho lyefumviko.
Ndjadila okwa ti opolisi ngaashingeyi oyi li mekwatathano nomahangano omakwashilipaleki opo pwaa ha futwe we omauwanawa ge na sha nomakwashilipaleko ge li kedhina lyaNikanor.
Aakwanezimo yaNikanor oya li ye mu paka ehuliloshiwike twa zi keena iitopolwa ye yolutu ya gwana po, no ya li ye na uupyakadhi woshimaliwa osho wo euvonayi lyamemememe.
Olutu lwe olwali lwi itsuwa lwakangawala medhiya kombanda yomeya popepi nendiki lyezulonkalo mOluno momasiku ga-4 Januali lwa tetwa iitopolwa yimwe yolutu yaa ko mwa kwatelwa oofukwa dhokuulumentu.
Opolisi oya li ya manga po omufekelwa, Andreas Sunday Kanyanga (25), ngoka anuwa a ningila wo Nikanor ekwashilipaleko lyefumviko nonando mbaka yaali inaya pambathana.
Ndjadila lwanima okwa koleke kutya aakonakoni oya mono uumbangi wa yela pehala mpoka pwa adhika olutu lwaNikanor tau kwashilipaleke edhipago lye sho pwa adhika omisinda dhoshihauto osho woo oompadhi kwi itaalwa kutya oonakuninga oshimbuluma oya li taya kambadhala okushiholeka.
“Omakonakono ga ningwa kolutu lwanakusa oga ndhindhilike oombinzi kombulukweya ye osho wo oofukwa dhuulumentu dhaa ko kolutu. Okwa konekiwa wo kutya okashako koofukwa oka tetwa nomatondo oga kuthwa mo,” ta ti ngaaka.
Ndjadila okwa gwedha po wo kutya aalumentu mbaka yaali oya putukila pamwe onga ookuume nosheetithi shedhipago ndika otashi kwatakanithwa nuupyakadhi wopashimaliwa nelongitho lyomalovu. Oofukwa dhokuulumentu anuwa odha li dha yonagulilwa po megumbo lyomufekelwa opamwe nokambi hoka a longitha iikulumanene mbika.
Kanyanga okwa holoka mompango yamangestrata mOndangwa petameko lyomwedhi nguka nokwa li a tindilwa ompito yokwiifutila mo omolwa uunene woshipotha shika oshinyanyalithi. Oshipotha osha undulilwa komasiku omu-18 Juni 2026.
Opolisi oya ti omakonakono momakwashilipaleko gomafumviko osho wo medhipago lyaNikanor otaga tsikile.
Comments
Namibian Sun
No comments have been left on this article